Kwidzulitsa 15:19 - KITABU KITAKATIFU

¹⁹ “Muviikiri Yahova, Nyasaye winyu halovega mitugu jiukutanga kwivulwa josi jive chayo chicho chi zing'ombe kandi cha magondi. Mutaviika mutugu musaza gwukutanga kwivulwa gwi zing'ombe ku miyinzi mba, kandi mutakalaga uvwoya vwu mutugu musaza gwukutanga kwivulwa gwi chayo cha magondi mba.

Kwidzulitsa 15:19 Iomraidhean Croise

Kutwula 13:12

kuduuka muhaane vuli kindu ikisaaza chukutanga kwivulwa ku Yahova. Vuli chukutanga kwivulwa keveeye cha Yahova,

Kutwula 13:2

“Uhaane ku inzi, Yahova vana vayaayi uvukutanga kwivulwa, kandi mitugu jukutanga kwivulwa. Muyaayi woosi wivulwa kutanga mu Egebeti kandi mutugu gwosi musaza gwivulwa kutanga, viosi viveeye viange.”

Kutwula 22:29

“Muhaane kuinzi zisadaka zie ligesa lienyu, lie iwaini yienyu namaguta gamizeituni ginyu lwa muva nimwakagesa. “Muhaane ku inzi avana vayaayi vinyu vukutanga kwivulwa.

Kutwula 22:30

Muhaane ku inzi viukutanga kwivulwa ku zing'ombe zienyu kandi ku magondi ginyu. Muleke viukutanga kwivulwa visaza vimenye na mama wavo ku madiku saba, na ku lidiku lia munane muvileete ku inzi.

Kutwula 34:19

“Vindu viosi viatanga kwivulwa viveeye viange; muyaayi wukutanga kandi ku mitugu jijo jikisaza viosi viveeye viange.

Kyavalevi 27:26

Chukutanga kwivulwa chu mutugu keveeye cha Yahova, kunangwa atava ho nu mulala uviikaa mutugu yigu halovega kuli kihanwa chu uvwihaani mba. Kemoli, kememe chi ligondi anoho kememe chimbuli keveeye cha Yahova,

Livalidza 18:15

“Vuli mwana wu kutanga noho umutugu gwukutanga gwa vandu va Isiraeli valeta ku inzi, viveeye vivio. Navuzwa gamuduukira muvugiliri umutungu gwu kugura vuli mwana wukutanga kandi gamuduukira muvugiliri umutungu gwu kugura vuli umutungu gwu kutanga ugutaveeye umutakase.

Livalidza 18:17

Navuzwa zing'ombe ziukutanga anoho amagondi ni zimburi siulilana kuvigula kandi mba. Yivi viosi viveeye viange kuduuka vihanwe kuli kisiuviriru. Uvisinzi na wuhi masahi gazio ku vwali ma usambe zitinya ziavio kuli kihanwa chi viukulia, kiveeye lifunya liu mwayu kuinzi.

Livalidza 3:13

Kigira avana vukutanga vosi vaveeye avange. Lidiku lia ndiita avana vukutanga vosi mu kivala cha Egebeti, ndatakasa vuli lwivulu lwu kutanga mu Isiraeli kigira inze kandi zinyama; valava avange. Inzi mbeeye Yahova.”

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:17

Mutaliira ku vihaanwa via muhaanaa ku Nyasaye mu madaala ginyu aha mumenyi mba: kali niiva izaka yuvuswage vwinyu anoho iwaini yinyu, anoho ya maguta gamuzeituni, anoho mitugu jitanga kwivulwa jie zing'ombe anoho magondi, anoho vihaanwa via mwalagana na Yahova anoho vihaanwa vienyu viu vuyanzi anoho vihaanwa vienyu vindi.

Kwidzulitsa 14:23

Maku muzie havundu harara, aha Yahova Nyasaye winyu amali kotovola asigamirwi ho; kandi uwene yeyo imbiri weve, mulie izizaka ziu vuswage vwinyu, iwaini yinyu, na maguta ga muzeituni kandi iviukutanga kwivulwa vie zing'ombe na magondi. Mukore ndio kunangwa muduuki kwiga kuli munyala kuhaana luyali ku Yahova Nyasaye winyu kazozo.

Kwidzulitsa 15:18

Mutalola vudamanu lwa muvoholora mutugwa winyu mba, kigira yamutumiiyi ku mihiga sita ku inusu yi mitungu ju mutumikiri utungwa. Yahova Nyasaye winyu alamugasiza mu vindu viosi via mukora.

Kwidzulitsa 16:11

Musangare imbiri wa Yahova Nyasaye winyu harara na avana vinyu, vatumikiri vinyu kandi vandu vinyumba ya Levi avageni, avavisandu kandi avakunzakali vamenyi mu madaala ginyu. Mukore yaga goosi havundu harara hukusigamira ha Yahova yatovola.

Kwidzulitsa 16:14

Musangaliri lisavo yilio harara na avana vinyu vatumikiri, kandi na vandu vinyumba ya Levi, avageni, avavisandu navakunzakali vamenyi mu madaala ginyu.

Vahebraina 12:23

Mumali kuuza mu livugana linene liuvusangali lia vandu va Nyasaye avatanga kwivulwa, avamita gaavo gang'odwa mwigulu. Mumali kuuza ku Nyasaye oveeye mukalagi wa vandu vosi, nu ku mioyo ja vandu vakolwa valungi.