Kwidzulitsa 13:1 - KITABU KITAKATIFU

¹ “Niiva muporofeti, anoho mulooti wa maloto, anyoleka hagati hinyu nokumusuuviriza kelolekizu anoho chokogenyia,

Kwidzulitsa 13:1 Iomraidhean Croise

1 Avami 13:18

Maku muporofeti musakulu kutura Bezeli yamuvolera, “Inzi, mbeeye muporofeti kuli ivi, na ku lilaga lia Yahova, engelosi amboleeye nguvuguli nguhile yengo wange kandi ngogenihizi niviukulia kandi unwi amazi.” Navuzwa muporofeti musakulu oyo yaali namugandaa.

1 Avami 13:19

Kunangwa muporofeti kutura Ivuyuda yazia yengo numuporofeti musakulu kandi nalia chukulia harara naye.

Tsing'ano 30:6

Niiva ovoora ndi yavoola kindu cha yavula kuvoola, alakugondokera nu kukumanyia ndi uveeye mugadi.”

Isaya 9:15

Avasaakulu navasaza vuluyali vaveeye mitwi, na avaporofeti ava miigizu gu vugadi vaveeye mikira!

Jeremia 23:11

Yahova avoora, “Avaporofeti navasaalisi vaveeye vugira Nyasaye; Inzi mali kuvanyolerera ni vakora uvudamanu mulitembeli.

Jeremia 23:32

Muhuliri aga inzi Yahova, mboraa! Ndunyiraa avaporofeti vavoola amalooto gizuraa ovovehi. Vavoola amalooto yaga nukuchaminya avandu vange novovehi vwavo kandi ni liegingira liavo. Inzi sindaavatuma anoho kuvalaga vazie mba, kandi sivaveeye avovokonyi ku avandu mba. Inzi Yahova mali kovora.”

Jeremia 27:9

Kunangwa mutahulirizi makuva ga avaporofeti vinyu mba, anoho avasegetiri, anoho avamaloto, anoho avakumu avavooraa muvuli kutumikira mwami wa Babiloni.

Jeremia 29:24

Likuva lia Yahova liaduuka ku inze kovoolera Shemaya Munehelami ndi,

Jeremia 29:26

“Zefania, Yahova yakola ivi kuva musaalisi mu vogono vwa Jehoyada, kandi kalunu oveeye umunene mu Litembeli. Nu Vunyali vwuvwo kolola ndi mundu woosi oveeye umulalu, kandi wekolaa umuporofeti, agumilwi nokovofwa ni minyororo kandi kumuviika munyumba ya avahambe.

Jeremia 29:8

Inzi Yahova, Nyasaye wa avandu va Isiraeli, mwiganihizaa ndi, mutaleka avaporofeti, avasigitiri na avakumu avamenyi hagati hinyu vamugade mba. Mutahulirizi ku maloto gaavo mba,

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Ezekieli 13:23

Kulwayago amalola ginyu gataveeye gagiligali kandi ovoporofeti vwu vugadi vumali koherizwa. Ndahonyia vandu vange kutura mu zinguru zienyu. Maku mulamanya ndi Inzi mbeeye Yahova.”

Zekaria 10:2

Vandu vateva vifananyi vivavuuliri, navuzwa mativuli ga vanyoola gaveeye go vovehi kandi gavuzwa. Valala vivalaa maloto cha gavoora, navuzwa vamugotizaa; vweremerizi vwa vamuheza voveeye vwa vuzwa. Kunangwa vandu vagendagenda kuli magondi gagota. Vaveeye mu vudinyu kigira sivaveeye nu mwimiliri mba.

Zekaria 13:4

Ku lidiku liene yilio, vuli muporofeti aladuuka mu zisoni na malola geege lwava naporofetaa. Muporofeti sialiviika inguvu yu vwoya yu voporofeti kunangwa aduuki kugaada vandu.

Matayo 24:11

Avaporofeti vovovehi avanyingi valaza na valagotiza avandu vanyingi.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Matayo 7:15

“ Mugerihi ku avaporofeti vo vovehi. Valaza ku munyi niviviiki zinguvu zia magondi, navuzwa mu mioyo jaavo vaveeye visalang'ongo vilulu.

Marko 13:22

Kigira avamesia na vaporofeti vovovehi valatura nokokola ivilolekizu harara na agokogenyia, vaduuki kogotiza avatovole va Nyasaye, niiva ganyalika.

Luka 6:26

“O, vayaye, kilaamo keveeye ku munyi lwa avandu vosi vamwizominya, kigira nindio avaguuga vaavo vavoola vindu vilala viere ku avaporofeti vo vovehi!

Kwidzulitsa 18:20

Navuzwa niiva muporofeti woosi aluvilira komoloma likuva mu lieta liange ku lihindagiliza lwa inzi mburi kumulaga akole ndio, kuduuka akuzi kigira agene yago, nandio kandi muporofeti woosi amolomaa mu lieta lia avanyasaye vandi kuduuka akuzi.’

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:2

Mutameeda kindu choosi ku makuva ga inzi mulagaa kandi mutatulizi ku kindu choosi mba. Mugumiri malago ga Yahova Nyasaye winyu, aga inzi mali kumuha.

2 Vatesalonike 2:9

Muchamu uyu alaza ni zinguru ziosi zia Setani kandi alakola zing'ano ziosi zie vilolekizu kandi viokogenyia, viu vugadi.

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.

1 Yohana 4:1

Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.