Kwidzulitsa 12:7 - KITABU KITAKATIFU

⁷ Hazana yaho, Nyasaye winyu, umali kumugaasiza, munyi harara na avizinyumba zienyu, mulalira nokusangalira vindu vilahi viamumali kuyinzira aku vudinyu.

Kwidzulitsa 12:7 Iomraidhean Croise

1 Kyetsinyinga 29:22

Kunangwa, lidiku liene yilio, vaali nu vusangali ligali lwa valia kandi ni vanwa imbiri wa Yahova. Ku ing'inga ya kaviri, vaakora Solomoni kuva mwami. Mu lieta lia Yahova, vamuvaka amaguta kuli mwamihi wavo, na Zadoku kuli musaalisi.

Nehemia 8:9

Lwa avandu vosi vahulira agi Lilaga lienyaa, vaasalirizwa mu mioyo jaavo ligali, ma nivatanga kulira. Kunangwa Nehemia, uwaali mwamihi, harara na Ezira, uwaali musaalisi kandi mwigizi wi Lilaga vasomera avandu Lilaga lia Nyasaye, na vandu va Levi avaari ni vivaalaa Lilaga vaavoolera avandu ndi, “Lidiku lia kalunu liveeye litakatifu ku Yahova Nyasaye, kunangwa mutalira anaho kusioma mba.

Kohelethu 3:12

Maku ndaamanya ndi goosi ga kunyala kokora ni kuva nuvuyanzi kandi kokora agaveeye malahi ligali lwa kukikiri mwoyo.

Kohelethu 3:13

Gakuduukiraa kunyi kwosi kulie, kunwi kandi kusangaliri miyinzi jietu. Yiki ni kihanwa cha Nyasaye.

Kohelethu 5:18

Yaga nigo gandakumanyiliza; kindu kilahi kidukanaa mundu kokora ni kulia, nu kunwa nu kusangalira vindu viayayinzilira mu madiku makekeeke ga Nyasaye yamuha mu kivala. Yiki ni kidieli chu mundu.

Isaya 23:18

Likiranyia liu vutugi vwalio, vulatakaswa ku vutumiki vwa Yahova; uvutugi yivu si vulavikwa mukedeera mba, navuzwa vulatumika ku yavo avasigamiraa Yahova, kunangwa vaduuki konyoora viukulia kandi lieviika zinguvu kolondekana ni lienya liavo.

Isaya 62:9

Navuzwa munyi avamiiza uvuswage kandi ni mugesa, mulalia nu kwizominya Yahova; Kandi yavo avalindaa nu kuvungiza amazabibu, valanwa iwaini yago mu mugizi gwi Litembeli liange Litakatifu.”

Ezekieli 44:3

Umwami yeng'ine anyala kuzia kwikala mukirivwa yiki nukulia chukulia imbiri wange. Alingira kuvitira mu keng'oze chu vwingiliru, kandi alatula ichova kuvitira munzira ndala inzere.”

Joeli 1:16

Lwivitagwa vietu viononywa koheenzanga vuzwa vugira kokoonya kindu. Uvusangari vuvulaho mu Litembeli lia Nyasaye wiitu.

Joeli 2:26

Kalunu murava ni viukulia muvunyingi, kandi muliiguta. Mulizominya Yahova Nyasaye winyu, uwamukolera vindu viokogenyia. Avandu vange sivalachaywa kandi mba.

Kyavalevi 23:40

Ku lidiku liukutanga, mulavugula malala ku makuyu malahi ligali kutura ku misaala jinyu; mulavuguli matu ga makindu, zisia zie misaala ja matu manyingi, ma mutange lisavo lie diini kuhaana luyali ku Inzi Yahova Nyasaye winyu.

Malaki 2:13

Mwakoraa yaga kandi, mwakunika vwali vwa Yahova na maliga; muliraa kandi musiomaa kigira si yayanzilira vihaanwa anaho kuvugilira vihaanwa vienyu nuvuyanzi mba.

Vikolwa 2:46

Amadiku goosi vahongera kuvugana mu Litembeli, navuzwa ing'inga yo komeganyia mugadi, vavugana mu zinyumba ziavo, ni vasanga viukulia viavo nu vuyanzi kandi ni mioyo jaali ligali.

Kwidzulitsa 12:12

Musangaliri uwene yeyo imbiri wa Yahova Nyasaye, munyi harara na avana vinyu vayaayi na vakana, avatumikiri vinyu vasaza na vakali, kandi vandu vinyumba ya Levi sivalava ni milimi jaavo aveene mba.

Kwidzulitsa 12:18

Munyi harara na avana vinyu, vatumikiri vinyu harara na vandu vinyuma ya Levi avamenyi mu madaala ginyu kuduuka muliri vihaanwa vienyu imbiri wa Yahova Nyasaye winyu havundu harara heng'ine hatovolwa kusigamira Yahova Nyasaye winyu. Mulasangalira uwene yeyo imbiri wa Yahova Nyasaye winyu ku viosi viamumali kokora.

Kwidzulitsa 12:8

“Lwing'inga yeyo iduuka, mutakolaa kuli mwakolangi mba. Kuduuka kalunu, munyi mwosi mwasigamiraa Yahova vuzwa kuli muyanzaa

Kwidzulitsa 14:23

Maku muzie havundu harara, aha Yahova Nyasaye winyu amali kotovola asigamirwi ho; kandi uwene yeyo imbiri weve, mulie izizaka ziu vuswage vwinyu, iwaini yinyu, na maguta ga muzeituni kandi iviukutanga kwivulwa vie zing'ombe na magondi. Mukore ndio kunangwa muduuki kwiga kuli munyala kuhaana luyali ku Yahova Nyasaye winyu kazozo.

Kwidzulitsa 14:26

Mulagatumikira ku choosi chamwenyaa, inyama yeng'ombe, yi ligondi, iwaini, chukunwa anoho kindu choosi cha mwenya na uwene yeyo, munyi harara na avizinyumba vinyu mulalira yo na mwisangalizi aveene imbiri wa yahova Nyasaye winyu.

Kwidzulitsa 15:20

Vuli muhiga, munyi harara na vandu vizinyumba zienyu mulaviliira imbiri wa Yahova havundu hukusigamira aha Yahova alitovola.

Kwidzulitsa 26:11

Muve nilisandiza kigira vindu vilahi via Yahova Nyasaye winyu umali kuha munyi harara na vandu vinyumba yienyu muleke vandu vihiiri ya Levi na avageni avamenyaa hagati hinyu vasangale harara nimunyi mu lizuliza lie lisavo.

Kwidzulitsa 27:7

Muhaane kandi visiuviliru vie mirembe nokuvilira yo. Kandi musangare imbiri wa Yahova Nyasaye winyu.

Kwidzulitsa 28:47

Yahova yamugasiza mu zinzira ziosi, navuzwa simwali munyala kumutumikira nuvusangali kandi nuvuyanzi mu mioyo jinyu mba.

Vafilipi 4:4

Mu sangale mu Mwami kazozo. Mboraa kandi musangare!