Kwidzulitsa 12:17 - KITABU KITAKATIFU

¹⁷ Mutaliira ku vihaanwa via muhaanaa ku Nyasaye mu madaala ginyu aha mumenyi mba: kali niiva izaka yuvuswage vwinyu anoho iwaini yinyu, anoho ya maguta gamuzeituni, anoho mitugu jitanga kwivulwa jie zing'ombe anoho magondi, anoho vihaanwa via mwalagana na Yahova anoho vihaanwa vienyu viu vuyanzi anoho vihaanwa vienyu vindi.

Kwidzulitsa 12:17 Iomraidhean Croise

2 Kyetsinyinga 31:14

Kore muyaayi wa Imuna mundu wa Levi waali musikari munene ha kirivwa chi Ivugwi chi Litembeli, yasingilira vihaanwa vialetangwa ku Yahova, kandi niye wasingira ligavulwa lia vio.

1 Vakorintho 10:18

Ganagana ku vandu va Isiraeli; yavo avalizaa kihaanaa kuva kisiuviriru vasanga mu miyinzi ju vwali vwa Nyasaye.

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:26

Vuguli zisadaka zienyu ni vihaanwa viosi via mwalagana kuhaana ku Yahova, muhiri havundu hukusigamira Yahova.

Kwidzulitsa 12:6

Mulahila yo visiuviliru vienyu viu kusambwa nivisiuviliru vienyu vindi, nezizaka zienyu nevihaanwa vienyu viduukiru, nevihaanwa viamwalagana na Yahova, vihaanwa viuvwihaani kandi vihaanwa viukutanga ivivulwa mu viayo vienyu vie zing'ombe kandi viamangodi.

Kwidzulitsa 26:12

“Vuli ku muhiga gwa kavaga, muhaane kidieli chi likomi chi vitagwa vienyu ku vandu vi hiiri ya Levi, avageni avavisandu, kandi avakunzakali, kunangwa, kunangwa mu vuli kiduma chavandu, valava niviukulia vivaduuka kulia kutula mumadala jinyu.

Kwidzulitsa 26:14

Sikwakulia kucho lwa kusiomangi mba. Sikumali kulia kucho lwa kwaali vadamanu kolondekana ni miima ji diini mba; kandi sikuhaani ku kidieli chi likomi yicho kuli isadaka ya vakuzu mba. Kumali kuhulira ivi O, Yahova; kumali kokora kindu choosi kuli wakulaga kolondekana nikidieli chi likomi.

1 Samweli 1:4

Vuli ing'inga ya Elikana yahaana kisiuviriru chiche, yahaana kedonye kilala chi inyama ku Penina kandi kedonye kindi ku sa mulala ku avana veve.