Kwidzulitsa 11:27 - KITABU KITAKATIFU

²⁷ uvugasu niiva mulahulira malago ga Yahova Nyasaye winyu, aga muheezaa kalunu;

Kwidzulitsa 11:27 Iomraidhean Croise

Zaburi 19:11

Limbezaa limanya, inzi mutumikiri woovo. Mbeeveywi madanyi kigira ilihulira likalaga yilio.

Isaya 1:19

Niiva muratia inzi, mulalia vindu vilahi vie kivala.

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Jeremia 11:4

Ni lilagana lia ndalomba na avaguuga vaavo lwa ndaatuliza kutura mukivala cha Egebeti; kivala chaali kuli kisambiru chi vivia kuvo. Ndaavavoolera vatie inzi kandi vakole vuli kindu cha ndaavalaga. Ndavavolera ndi, niiva valatia inzi, valava avandu vange, na inzi ndava Nyasaye wavo.

Luka 11:28

Yeso yamutivulira, “Yee, navuzwa vaveeye nuvugasu ligali kuvita, avahulira likuva lia Nyasaye, ma valilonda.”

Yohana 13:17

Kalunu munyi mumanya vindu yivi, muveeye nuvugasu nimuvikola.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Yakobo 1:25

Navuzwa umundu ohenzaa vudinyu ku amalago amadukiru agahaanaa ovovoholore ku avandu, oyo ugalondaa kandi utaveeye muhuliri ma vivilira, navuzwa agaviikaa mu vikolwa, mundu uyu, Nyasaye alamugasiza ku vindu viosi.

Likunula 22:14

Vaveeye nuvugasu avogizaa zinguvu ziavo, vaduuki kulia amakuyu gu musaala gwi livamwoyo kandi kwingira mu virivwa nu kuduuka mu lidaala linene.