Kwidzulitsa 11:15 - KITABU KITAKATIFU

¹⁵ Alamuha kandi vunyasi mu milimi jinyu kigira mitugu jinyu. Mulava ni viukulia viosi viamwenyaa.

Kwidzulitsa 11:15 Iomraidhean Croise

1 Avami 18:5

Ahabu yavolera Obadia, “Genda kuzie kohenza ha vuli kidaho mu vuli lwaalo lwu mugera mu kivala kinu kolole niiva kunyala konyoora vunyasi vuduukira kulihiza zibarasi nizisukiri mbula zilava mwoyo, mbula kuvulikwita ndala ku zinyama zietu.”

Zaburi 104:14

Ivi olomba vunyasi komera kigira mitugu, kandi olomba vitagwa komera kigira avandu, kunangwa avandu vaduuki konyoora viukulia kutura ku lirova,

Jeremia 14:5

Kali embongo yu mu mulimi yiivulaa avana ma ivaleka, kigira uvunyasi sivoveeye ho mba.

Joeli 1:18

Mitugu janaa mulidambizwa kigira jivura uvwayiru; iviayo viamagondi kandi visalirizwa.

Joeli 2:19

Yavativulira: “Kalunu ndamuha vuswage, iwaini na maguta ga muzeituni, na muliigutizwa ligali. Zihiiri zindi siziramulegeriza kandi mba.

Joeli 2:22

Zinyama, mutatia mba. Uvwayiru vusivuki; misaala jamaa makuyu gajo, mikuyu na mizabibu jiveeye ho muvunyingi.

Joeli 2:26

Kalunu murava ni viukulia muvunyingi, kandi muliiguta. Mulizominya Yahova Nyasaye winyu, uwamukolera vindu viokogenyia. Avandu vange sivalachaywa kandi mba.

Kyavalevi 26:5

Vitagwa vienyu vilava vinyingi ligali kali mulava nimukegesa vuswage, lweveeye ing'inga yukwagula mizabibu, kandi mulava nimuchaagula amazabibu lwing'inga iduuka yukutaga vuswage. Mulava navio viosi via mwenya kulia, kandi mulamenya mu mirembe mu kivala chienyu.

Haggai 1:6

Mwamiza vuswage vunyingi, navuzwa ligesa lienyu liveeye likekeeke. Muveeye ni chukulia, navuzwa si kimuduukaa mba. Muveeye ni iwaini, navuzwa si muhambikaa mba! Muveeye ni zinguvu, navuzwa si zimuheza luya mba. Munyoolaa mitungu, navuzwa mujiviikaa mu zimuya ziafuduka.

Kwidzulitsa 6:11

Zinyumba zana ziliizula vindu vilahi via mwavura kuviika mu, kandi vidaho vilava yo viamwavula kuyava, kandi milimi ji mizabibu na mizeituni ja mwavura kusimika. Lwa Yahova amuleeta mu kivala yiki, mulava nivindu viosi via mwenya mulie.

Kwidzulitsa 8:10

Mulava ni viukulia viosi via mwenya kulia kandi mulahaana lisandiza ku Yahova Nyasaye kigira kivala kenoru kandi kigunamu cha amali kumuha.