Kwidzulitsa 10:8 - KITABU KITAKATIFU

⁸ Yahova yatovola avasaza vi ihiiri ya Levi, valindi Lisandugu lia malago ga Yahova, vamutumikiri kuli avasaalisi kandi kugasiza avandu mu lieta lilie. Yiji ni miyinzi jaavo kali kuduuka kalunu.

Kwidzulitsa 10:8 Iomraidhean Croise

1 Avami 8:6

Maku avasaalisi vaginga Lisandugu lie Lilagana kulihila mu Litembeli kandi nivaliviika Havundu Hatakatifu ligali, Hasi, tisi vikerubi.

1 Kyetsinyinga 15:2

Maku Daudi yavoola, “Mundu ku vosi si alagiinga Lisandugu lia Nyasaye, nivatali ihiiri ya Levi yeng'ine, kigira nivo va Yahova yatovola valigingi kandi kutumika imbiri weve mihiga ni mihiga.”

1 Kyetsinyinga 15:26

Vaahana visiuviliru vie zigiriki saba na magondi saba okolola ndi Nyasaye okonyi ihiiri ya Levi avaari ni vagingi Lisandugu lie Lilagana.

1 Kyetsinyinga 23:13

Muyaayi weve munene, yivula Haruni na Musa. Haruni ni visukululwi vivie vaviikwa halovega kutakasa viju vitakatifu viosi, kuhaana vihaanwa vie imuli ku Yahova, kumutumikira kandi kulandiza uvugasu ku vandu mu lieta lilie mihiga ni mihiga.

1 Kyetsinyinga 23:26

Kunangwa si haali ni lienya lia vandu va Levi kugingaginga Lihema liu kuvuganira mu na Yahova harara ni viju vitumikaa mu lisigamira kutura yaaha na harara mba.”

2 Kyetsinyinga 29:11

Avayaayi vange, mutagotiza ing'inga mba; kigira Yahova umali kumutovola kusingira imbiri weve, muve avatumikiri veve, muduuki kumutumikira, nu kusamba vimuli imbiri weve.”

2 Kyetsinyinga 30:27

Vasaalisi na vandu va Levi vateevera avandu vugasu ku Yahova. Naveeye yengo weve mwigulu, Yahova yahulira lisaala liavo kandi naagavugulira.

Zaburi 134:1

Hambi, mwizominye Yahova, munyi avatumikiri veve, vosi avatumikaa mu Litembeli lilie muvudiku.

Zaburi 134:2

Mugiingi makono ginyu igulu mu lisaala mu Litembeli lilie, na mwizominye Yahova!

Zaburi 135:2

Mumwizominye munyi avasingira munyumba yeye, mu Litembeli lia Nyasaye wiitu.

Jeremia 15:19

Kulwayago, Yahova yavoola, “Niiva ulirana ku inzi, ndakwiranyia kandi ulava mutumikiri wange. Niiva ulavoola amakuva gaveeye amalahi na oleke kovora amakuva amadamanu, hene yaho ulava muporofeti wange kandi. Avandu varirana ku ivi, navuzwa ivi si ulazia kuvo mba.

Ezekieli 44:11

Vanyara kundumikira mu Litembeli liange, nu kulinda mu virivwa vie Litembeli kandi nokokola miyinzi ji Litembeli. Vanyara kwita zinyama zia vandu vahaana kuva kuli vihaanwa viu kusambwa kandi visiuviliru. Kandi valava ku miyinzi nu kutumikira vandu.

Ezekieli 44:15

Yahova Wuvunyali yavoola, “Avasaalisi vaveeye vi hiiri ya Levi kandi avaveeye visukululwi via Zadoku, vazizagilira kundumikira nu vusuuvirifu mu Litembeli lwa vandu vosi va Isiraeli vaagirung'ana kutura ku Inzi. Kulwayago, yava nivo avisunda ahimbi ninzi nu kundumikira kuhaana zitinya kandi masahi gi zinyama zie visiuviliru ku Inzi.

Kyavalevi 8:9

Yamuvika kelemba ku mutwi gwigwe, kandi imbiri wacho yavika ku mangirinya gi izahabu, eve kelolero kimanyia ligasizwa litakatifu; kuli Yahova yalaga Musa.

Kyavalevi 9:22

Lwa Haruni yaali niyakamara kuhaana vihaanwa viosi, yaginga makono geege igulu nagahenziza lovega lwa avandu vaali, navagasiza, ma niyiika kutura ku uvwali.

Livalidza 3:31

Valinda Lisandugu lie lilagana, emesa, kinaara chi Taya, uvwali, viju via vasaalisi vaatumikira havundu Hatakatifu, harara ni Isuuka yafumaa havundu Hatakatifu ligali miyinzi jaavo jaali kulinda vindu yivi viosi.

Livalidza 3:6

“Oleete avandu vi ihiiri ya Levi ma uvatovole kuva kuli avatumikiri vu musaalisi Haruni.

Livalidza 4:15

Lwa Haruni harara na vayi vinyumba yeeye vamala kukunika Havundu Hatakatifu harara ni viju viosi vitakatifu, kandi lwa vava nivetegeki kuzia kutura a hokososera, avandu vi inyumba ya Kohazi valaza kuginga Lihema. Navuzwa gavadukiraa vavuli kugumira ku viju vitakatifu, gase valakuza. Kuginga lihema havundu hoosi halizia ni miyinzi ja vandu vi inyumba ya Kohazi.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Vikolwa 13:2

Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

Varumi 1:1

Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

Varumi 12:7

Niiva nuvutumiki kuduuka kutumiki. Niiva nukwigiza, kuduuka kwigize.

2 Vakorintho 6:17

Mwami avoora, “Mwiyahuli aveene kutura kuvo. Mutadiiri kindu choosi kitaveeye kinifu, ninzi ndamuvugirira.

Vagalatia 1:15

Navuzwa zimbavasi zia Nyasaye zizie, yandovola kali ningikiri kwivulwa, kandi yananga kuvitira mu zimbavasi zizie nduuki kumutumikira. Kandi lwa yatovola

Kwidzulitsa 17:12

mundu uhing'ana nukuvula kuhulira musaalisi anoho mukalagi oveeye ku miyinzi ing'inga yene yeyo, kuduuka yiitwi. Na ndio mulatuliza uvudamanu yivu mu Isiraeli.

Kwidzulitsa 18:5

Yahova Nyasaye winyu yatovola ihiiri ya Levi kutura mu zihiiri ziosi zia Isiraeli vamutumikiri kuli avasaalisi mihiga ni mihiga.

Kwidzulitsa 21:3

Kunangwa aviimiliri vi lidaala liveeye ahimbi ligali ku muviri gwa uyu witwa kuduuka vavuguli eng'ombe ikikiri kokora ku miyinzi josi kandi ikikiri kuvikwa ku iniira.

Kwidzulitsa 21:5

Avasaalisi vihiiri ya Levi, navo valiesuunda ahimbi kigira nivo ava Yahova Nyasaye winyu yatovola vamutumikiri kandi vagaasizwi vandu mu lieta lilie. Valakalaga kolondekana na makuva gaavo na makuva goosi aguvuhangalizani na aguvukubani.

Kwidzulitsa 31:9

Kunangwa Musa yang'oda Lilaga lia Nyasaye yili kandi nalihaana ku avasaalisi avuluvamba lwa Levi avalindaa Lisandugu lie Lilagana lia Yahova kandi ku aviimiliri va Isiraeli vosi.