Kwidzulitsa 10:20 - KITABU KITAKATIFU

²⁰ Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Kwidzulitsa 10:20 Iomraidhean Croise

2 Avami 18:6

Yaali musuuvirifu ligali ku Yahova kandi siyamutinguha ku kali hakuzu mba, navuzwa yalonda vulahi amalago ga Yahova yaali ni yaaha Musa.

Zaburi 63:11

Mwami alasangala ligali kigira Nyasaye alamuha liguuta, yavo vosi aviisuhaa mu lieta lia Nyasaye, valamwizominya; navuzwa Nyasaye alahana minwa ja vavehi.

Kutwula 20:7

“Mutatumikiri lieta liange vuzwa mba, kigira Inzi, Yahova Nyasaye winyu, ndahaana amageri ku mundu woosi utumikira lieta liange vudamanu.

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Matayo 4:10

Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

Luka 4:8

Yeso yamutivulira, “Gang'odwa mu Mang'oda Matakatifu, ‘Ulasigamira Mwami Nyasaye woovo kandi utumikiri oyo yeng'ine!’ ”

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

Kwidzulitsa 11:22

“Mulonde amalago gamali kuhaana kumunyi yaga goosi nu vusuuvirifu muyanze Yahova Nyasaye winyu, mukore vindu viosi via amulagaa kandi muve avasuuvirifu kuye.

Kwidzulitsa 13:4

Mulonde Yahova kandi muhaane luyali kuye. Mumuhuliri kandi mulindi malago geege; mumusigamiri kandi muve avasuuvirifu kuye.

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 4:4

Navuzwa munyi, avamwali avasuuvirifu ku Yahova Nyasaye winyu mukikiri mwoyo kuduuka lero.

Kwidzulitsa 5:11

“Mutatala vuzwa lieta liange inzi Yahova Nyasaye winyu mba kigira inzi, Yahova Nyasaye winyu ndahaana amageri ku yavo avatala lieta liange vugira kivuni.

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 6:13

Muhaane luyali ku Yahova Nyasaye winyu, mumusigamiri oyo yeng'ine vuzwa, kandi mulisuuha ku lieta lilie lieng'ine.

Joshua 23:7

kandi mutahambani na vandu vizihiiri yava avatigara hagati hinyu, anoho kutala amita ga vanyasaye vaavo, anoho kutumikira amita yago mu liesuuha mba, mutasigamiri avanyasaye yavo mba. Mutinama imbiri wavo kuvasaala mba.

Joshua 23:8

Muvogono yivwo, muve avasuuvirifu ku Yahova, kuli mwaveyange kuduuka lero.

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”