Kwidzulitsa 10:17 - KITABU KITAKATIFU

¹⁷ Kigira Yahova Nyasaye winyu aveeye Nyasaye wavanyasaye vosi; kandi mwami wa avami, Nyasaye munene, wizingulu kandi wukutihiza; uvula kumanyia liyaanzilira avandu valala kuvita avandi kandi siavugilira kuvugura viambeti mba.

Kwidzulitsa 10:17 Iomraidhean Croise

2 Kyetsinyinga 19:7

Kunangwa kalunu, muhaane ku Yahova luyali, mwilindi ku goosi aga mukoraa, kigira Yahova Nyasaye wiitu sialiikuzira ku lichaminya uvulungi, anoho liyanzilira magondo mu likalaga, anoho livugula vikukula.”

Nehemia 1:5

Maku ndaavoora: “O, Yahova, Nyasaye wu mwigulu, Nyasaye munene kandi kwosi kokoheza uluyali lonene ligali. Ivi udukiza lilagana liilio nu vusuuvirifu, ku yavo avakuyanza kandi avahulira malago googo,

Nehemia 4:14

Ndalora ndi avandu zana vahendi mwoyo, kunangwa ndavavolera aviimiliri navanene vaavo, “Mutatia avasigu viitu mba. Mwizurizi ndi Yahova aveeye munene kandi wukutihiza, ma mulwaaniri avandu vikivala chienyu, avana vinyu, avakari vinyu kandi zinyumba zienyu.”

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Ayubu 34:19

Nyasaye siamanyiaa liyaanzilira ku avami vi vivala anoho kohendera avatugi mwoyo kuvita avadaka mba, kigira yava vosi vaveeye miyinzi ja makono geege.

Zaburi 99:3

Sa mulala alizominya lieta lilie linene kandi liezingulu. Aveeye mutakatifu!

Kutwula 23:8

Mutavugilira kuvugura viambeti, kigira iviambeti vikoola avandu kuvula kolola agaveeye amalungi kandi vidivizaa vandu valungi.

Isaya 37:16

“O, Yahova Wuvunyali, Nyasaye wa Isiraeli, uwikaye kondeve yu vwami igulu wa Vakerubi, ivi weng'ine, oveeye Nyasaye, uwamihaa uvwami vwosi vwi kivala. Ivi walomba ligulu nilirova.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 20:11

Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

Jeremia 32:18

Ivi umali kumanyia uvuyanzi vutali nekeheri ku avandu zielefu, navuzwa kandi uhaanaa amageri ku avandu kigira uvwoni vwa avaguuga vaavo. Ivi oveeye Nyasaye munene ligali kandi wi zinguru; Oveeye Yahova Wuvunyali Vwosi.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 2:45

Walola kuli ligina liadika kutura ku lwanda vugira umundu kulidiira, kandi kuli liaduya kifananyi chalombwa kutura ku kivia, mugasa, madohi, ifeza, kandi izahabu. Nyasaye akovoleraa O, mwami wiitu ichawalota kandi ngovooleye kivuni cha maloto zana.”

Danyeli 2:47

Mwami yavoola, “Nyasaye woovo aveeye munene kuvita vanyasaye vandi vosi, kandi aveeye munene kuvita avami, kandi niyie uvula viokogenyia vievisa. Inzi manyi yaga kigira waali nu vunyali kwivaala viokogenyia vievisu yivi.”

Marko 12:14

Vazia kuye ni vamuvolera, “Mwigizi, kumanya ivi oveeye umundu wiligali vugira kodegerizwa na goosi ga vandu vavoola. Si ohenza ku vuduukiru vwu mundu mba, navuzwa wigiza agiligali ginzira ya Nyasaye. Ni vulahi kutunga uvusuru ku Kaisari, anoho kuvuli kutunga?”

Vikolwa 10:34

Petero yaatanga kovora: “Kalunu mali kolola ndi agiligali Nyasaye si yahulanyia avandu mba.

Varumi 2:11

Kigira Nyasaye siyerizaa mundu kali mulala mba.

Vagalatia 2:6

Navuzwa ku yavo avaloleka kuva vaveeye aviimiliri vanene hagati ha vandu avasuuviraa, mboraa yaga kigira ovonene vwavo sivoveeye ni kivuni ku inzi mba. Nyasaye siakalagaa ku lihenza ligondo lie chova liu mundu mba. Aviimiliri yavo, si vaali ni kindu chokomeda ku Ivangeri ya nzilwazaa yiyi mba.

Vafeso 6:9

Munyi avami, muvakolere avatugwa vinyu vindu zana yivi kandi, munzira ndala nzere vugira kutumikira litihiza. Mwizurizi kumanya ndi munyi harara na avatugwa vinyu muveeye nu Mwami mulala mwigulu, ukalagiraa mundu sa mulala keleng'ani vugira liyanzilira liosi.

Kwidzulitsa 1:17

Mutamanyia liyaanzilira lovega lulala mu likalaga lienyu mba. Mukalagiri mundu sa mulala keleng'ani; kali ave nivwaha, munene anoho mukekeeke. Mutatia mundu kali mulala mba, kigira likalaga lia muhaanaa litulaa ku Nyasaye. Niiva likuva liosi liveeye lidinyu kumunyi mulileete kuinzi, na ndalikalaga.’

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

Kwidzulitsa 24:17

“Mutachaminyi likalagirwa liu vulungi lia vageni anoho vavisandu mba; kandi mutavuguli inguvu yumukunzakali kuli kihambiliru mba.

Kwidzulitsa 27:25

“ ‘Alaamwe oyo uvugura viambiti yiiti mundu utaveeye na mahiolo.’ “Avandu vosi valavoora, ‘Amini!’

Kwidzulitsa 7:21

Kunangwa mutatia avandu yava mba. Yahova Nyasaye winyu aveeye harara ni munyi; aveeye Nyasaye munene kandi mulala wukutivwa.

Vakolosai 3:25

Uyu okolaa uvudamanu alanyoola uvuchamu vwivwe vwa yakola, kigira sihaveeyeho niliverera kutura ku Nyasaye mba.

Joshua 22:22

“Wuvunyali aveeye Nyasaye! Aveeye Yahova! Amanya ichagira nikokola yaga, ma kandi kwenyaa na munyi mumanye kandi! Nikuva nikwibaala ku Yahova, na nikuvamanyia lilagana lietu na Yahova, mutaleka kunyi kove mwoyo kandi mba, Mukwiti lufwi.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”