Kwidzulitsa 10:12 - KITABU KITAKATIFU

¹² “Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 10:12 Iomraidhean Croise

1 Avami 3:3

Solomoni yayanza Yahova kandi nalonda amigizu ga baba weve Daudi, navuzwa naye kandi yahaana visiuviliru vivie nukusamba vimuli ha vwali vunyingi vwu kusigamira vifananyi.

2 Avami 10:31

Navuzwa Jehu siyahulira lilaga lia Yahova Nyasaye wa Isiraeli nu mwoyo gwigwe gwosi mba. Mu vogono yivwo, yalonda liiva lia Jeroboamu, uwakola Isiraeli vakole vwoni.

2 Avami 18:3

Yakola agaali malungi mu zimoni zia Yahova kuli Daudi guuga weve yakola.

2 Avami 18:6

Yaali musuuvirifu ligali ku Yahova kandi siyamutinguha ku kali hakuzu mba, navuzwa yalonda vulahi amalago ga Yahova yaali ni yaaha Musa.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 15:12

Maku, valomba lilagana liu kusigamira Yahova, Nyasaye wa vaguuga vaavo, ni mioyo jaavo josi na Roho jaavo josi.

Ayubu 36:11

Niiva valahulira Nyasaye nukumutumikira, valagasizwa mumadiku gaavo goosi, kandi mihiga jaavo josi jilava ji liyaanziza ligali.

Zaburi 119:2

Vaveeye nuvugasu yavo avalondaa malago geege, avamuhulira nimioyo jaavo josi.

Zaburi 128:1

Aveeye nuvugasu uyu utizaa Yahova, kandi ogendaa mu zinzira zizie.

Zaburi 145:20

Yahova alindaa yavo vosi avamuyanzaa, navuzwa aladiviza avachamu vosi.

Zaburi 18:1

O, Yahova, Inzi nguyaanzaa ivi! Kigira ivi oveeye mukingi wange.

Zaburi 34:9

Muyi avandu va Nyasaye, mutie kigira yavo avamuhulira, sivagehera kindu kali hakuzu mba.

Zaburi 81:13

Vwakaveeye vulahi avandu vange Isiraeli valambuliriza! Vwakaveeye vulahi niiva vakambuliyi!

Zaburi 81:14

Ngano ndakaguuti avasigu vaavo nonoho. Nukuguuta ligali avadambizi vaavo vosi.

Kutwula 23:25

Niiva mulasigamira inzi, Yahova Nyasaye winyu ndamugasiza ni viukulia kandi amazi, kandi ndatuliza uvulwaye vwinyu vwosi ku munyi.

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Ezekieli 11:20

Maku valakalonde malago gange muvusuuvirifu vwosi valakave avandu vange na inzi ndakave Nyasaye wavo.

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Zefania 3:9

“Maku ndakagilunganyie vandu vi zihiiri ziosi, kandi valakasaale kuinzi kandi sivalisaala ku vanyasaye vandi mba. Vosi valakatie inzi.

Matayo 22:37

Yeso yamutivulira, “Uyaanze Mwami Nyasaye woovo nu mwoyo gugwo gwosi, ni livamwoyo liilio liosi, no vogeri vuvwo vwosi.

Luka 10:27

Mwigizi wi Lilaga oyo, yativura navoora, “ ‘Gakuduukiraa uyaanze Mwami Nyasaye woovo nu mwoyo gugwo gwosi, na Roho gugwo gwosi, ni zinguru zizio ziosi’; kandi, ‘Uyaanze mutende woovo kuli wiyanza.’ ”

Luka 11:42

“Navuzwa O, vayaye, kilaamo kenene keveeye ku munyi Avafarisayo, kigira muhaanaa ku Nyasaye Kidieli chi likomi kali vindu vilombaa viukulia kuva nu mwayu kuli izubira ni bilabili, umutere ni zinguza zindi ziosi ziu mu mulimi, navuzwa mwivilira kokora amakuva guvulungi naguvuyaanzi vwa Nyasaye. Vindu yivi gaduukanaa mukore vugira kwivilira kokora agandi.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Varumi 1:9

Nyasaye wa inzi ndumikiraa numwoyo gwange gwosi mu Iilwaza Ivangeri yu Mwana weve, aveeye mulolekizi wange ku gambolaa kigira gaveeye giligali. Nyasaye amanyi vulahi ndi inzi nzizuliza munyi vuli kazozo.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

Kwidzulitsa 10:11

Kandi Yahova yambolera, ‘Singira, utange logendo lulwo, wimiliri avandu kunzira yavo, kunangwa vaduuki kwingira nokwidikila mu kivala cha ndasuuviriza kuhaana ku avaguuga vinyu.’

Kwidzulitsa 10:13

kandi muhuliri malago geege goosi, nimiima jije josi iga mbana ku munyi kalunu kulwu vulahi vwinyu aveene.

Kwidzulitsa 11:1

“Muyanze Yahova Nyasaye winyu, kandi mulonde malago geege goosi kazozo.

Kwidzulitsa 11:13

“Kunangwa huliri malago ga inzi mali kumuha kalunu. Muyanze Yahova Nyasaye winyu kandi mumutumikiri nimioyo jinyu josi kandi na roho jinyu josi.

Kwidzulitsa 26:16

“Kalunu Yahova Nyasaye winyu amulagaa muhuliri malago geege goosi; kunangwa mugahuliri nu vusuuvirifu ni mioyo jinyu josi kandi na roho jinyu josi.

Kwidzulitsa 27:10

Kunangwa muhuliri Yahova Nyasaye winyu kandi mugumiri malago gege nimiima jije aga muheezaa kalunu.”

Kwidzulitsa 30:16

Niiva mulahulira malago ga Yahova Nyasaye winyu aga muheezaa lidiku lia kalunu, ku liyaanza Yahova Nyasaye winyu, ku ligenda mu zinzira zizie, kandi ku ligumira malago geege nimiima jije kandi ni likalaga lilie, maku mulava mwoyo nokomedeka kuva ihiiri ya vandu vanyingi. Yahova Nyasaye winyu alamugasiza mu kivala cha mwingira mu nokomenya mucho.

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 4:29

Uwene yeyo mulenyeleriza Yahova Nyasaye winyu, kandi niiva mulamwenyeleriza nu mwoyo gwinyu gwosi na roho gwinyu gwosi, mulamunyoola.

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Kwidzulitsa 6:13

Muhaane luyali ku Yahova Nyasaye winyu, mumusigamiri oyo yeng'ine vuzwa, kandi mulisuuha ku lieta lilie lieng'ine.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Kwidzulitsa 6:24

Maku Yahova Nyasaye wiitu yakulaga kuhuliri malago yaga goosi kandi kuhaane kuye luyali. Niiva kulakola ndio, alalinda zihiiri zietu kandi alakokola komeedeke mu lizizagilira imbiri vulahi kazozo.

Kwidzulitsa 6:5

Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

Vahebraina 12:28

Kunangwa, gendi kusandizi kigira konyoora uvwami vutanyala kodengeyizwa. Gendi kusandizi ma kusigamiri Nyasaye munzira yu ku muyaanziza, niliegehiza nuvuti ligali,

Joshua 22:5

Mulole ndi mulonde lilaga lia Musa mutumikiri wa Yahova, yamulaga mukore: Muyanze Yahova Nyasaye winyu, mukore uvulariri vwivwe, muhuliri malago geege, muve avasuuvirifu kuye, kandi mumutumikiri nimioyo jinyu josi kandi na roho jinyu josi.”

Joshua 24:14

Joshua yaazizagilira kovora “Kunangwa kalunu; mutie Yahova kandi mumutumikiri. Muve nagiligali kandi nu vusuuvirifu. Mutulizi avanyasaye va vaguuga vinyu vagira kusigamira mu Mesopotamia kandi mu Egebeti; kandi mutumikiri Yahova yeng'ine.

1 Yohana 2:15

Mutayaanza lirova, anoho kindu choosi chu mu lirova. Niiva mulayaanza lirova, ku simuyaanzaa Baba mba.

1 Yohana 5:5

Kunangwa nivwaha unyala kuguuta kivala? Ni uyu usuviraa, Yeso aveeye umwana wa Nyasaye.

1 Samweli 12:20

Kunangwa Samweli yavativulira, “Mutatia mba. Kali niiva mwakora kindu kidamanu kuli yiki, mutagirung'ana kutura ku Yahova mba, navuzwa mumutumikiri nimioyo jinyu josi.