Kwidzulitsa 1:17 - KITABU KITAKATIFU

¹⁷ Mutamanyia liyaanzilira lovega lulala mu likalaga lienyu mba. Mukalagiri mundu sa mulala keleng'ani; kali ave nivwaha, munene anoho mukekeeke. Mutatia mundu kali mulala mba, kigira likalaga lia muhaanaa litulaa ku Nyasaye. Niiva likuva liosi liveeye lidinyu kumunyi mulileete kuinzi, na ndalikalaga.’

Kwidzulitsa 1:17 Iomraidhean Croise

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

2 Samweli 14:14

Kunyi kwosi kwaza kukuzi, koveeye kuli amazi gasunduliywi hasi ku marova, agatanyala kudafwa kandi mba. Nyasaye siyilanyia avakuzu kuva mwoyo kandi mba, navuzwa mwami anyala kwenya inzira ya yiranyira mu umundu kutura mu lihaminywa

2 Kyetsinyinga 19:5

Yatovola avakalagi mu vuli madaala manene gumbakwa nizimbinga gi Ivuyuda,

2 Kyetsinyinga 19:6

kandi navavoolera, “Muhenze vogeri kuli mukalaga; si mukoraa ku vunyali vwu mundu, navuzwa ku vunyali vwa Yahova, kandi aveeye harara na mwinye lwa muhaana ligalaga.

Ayubu 31:34

Ngikiri kukutia kusingira imbiri wi kiduma kenene cha vandu, anoho kukiring'ana makiriri, nu kwihanira munyumba, kigira mali kutia litihizwa liavo, anoho lilegerizwa liavo mba.

Zaburi 82:2

“Kuduuka mulekere likalaga litaveeye nuvulungi nukumanyia liyanzilira avandu vadamanu.

Kutwula 18:18

Ivi harara na vandu mulaluha ligali, kigira yaga gaveeye makuva amaliduhu ligali ku ivi kokora weng'ine.

Kutwula 18:22

Leka vatumiki kuli avakalagi va avandu zing'inga ziosi. Na valaleta amakuva gaveeye amadinyu ku ivi, navuzwa yavo aveene valakalaga yago gaveeye amangu. Na ivi ulanyora uvwangu, ulwavagavulana uvulitu vuvwo.

Kutwula 18:26

Vatumika kuli avakalagi va avandu kazozo, navaaletaa amakuva madinyu ku Musa, navuzwa madoto vakalagaa aveene.

Tsing'ano 18:5

Sivoveeye vulahi kuyaanzilira mundu mudamanu nu kwigalira mundu utaveeye nimbala konyoora vulungi mba.

Tsing'ano 24:23

Avageri vavoola vindu yivi kandi; sivoveeye vulahi avakalagi kuva ni liyaanzilira avadamanu mba.

Tsing'ano 28:21

Kuva ni liyaanzilira sivoveeye vulahi mba, navuzwa konyoora viambeti vikekeke mundu akolaa vudamanu.

Tsing'ano 29:25

Uvuti vwu mundu voletaa umutego, navuzwa oyo usuviraa mu Yahova aveeye ni mirembe.

Jeremia 1:17

Wetegeke Jeremia, uzie na ovoolere avandu va Isiraeli goosi agaamali kukulaga kovora. Utavatia mba, gase ndakokola ove umuti imbiri wavo.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Malaki 2:9

Ku lwayaga, mu vogono yivu ndakakole avandu va Isiraeli kumuchaya, kigira si mutiizaa lienya liange mba, lwa mwigizaa vandu vange, simuvavugula kuva kindu kilala mba.”

Matayo 22:16

Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

Marko 12:14

Vazia kuye ni vamuvolera, “Mwigizi, kumanya ivi oveeye umundu wiligali vugira kodegerizwa na goosi ga vandu vavoola. Si ohenza ku vuduukiru vwu mundu mba, navuzwa wigiza agiligali ginzira ya Nyasaye. Ni vulahi kutunga uvusuru ku Kaisari, anoho kuvuli kutunga?”

Luka 20:21

Vamuteveleriza nivavoora, “Mwigizi, kumanyi vulahi ivi ovola kandi wigiza amakuva gaveeye guvulungi; kandi ivi si welizaa avandu kolondekana novonene vwavo mba. Navuzwa wigiza agiligali kolondekana nu vulaliri vwa Nyasaye ku Mundu.

Varumi 2:11

Kigira Nyasaye siyerizaa mundu kali mulala mba.

Vafeso 6:9

Munyi avami, muvakolere avatugwa vinyu vindu zana yivi kandi, munzira ndala nzere vugira kutumikira litihiza. Mwizurizi kumanya ndi munyi harara na avatugwa vinyu muveeye nu Mwami mulala mwigulu, ukalagiraa mundu sa mulala keleng'ani vugira liyanzilira liosi.

Kwidzulitsa 10:17

Kigira Yahova Nyasaye winyu aveeye Nyasaye wavanyasaye vosi; kandi mwami wa avami, Nyasaye munene, wizingulu kandi wukutihiza; uvula kumanyia liyaanzilira avandu valala kuvita avandi kandi siavugilira kuvugura viambeti mba.

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

Kwidzulitsa 24:17

“Mutachaminyi likalagirwa liu vulungi lia vageni anoho vavisandu mba; kandi mutavuguli inguvu yumukunzakali kuli kihambiliru mba.

Kwidzulitsa 25:1

“Niiva vandu va Isiraeli vaviri valazia kuyarana mu kiyaalo kwavukanyia vosoolo hagati haavo, na mulala anyoleke siaveeye nimbala, nu uwundi aveeye nilihiolo,

Vakolosai 3:25

Uyu okolaa uvudamanu alanyoola uvuchamu vwivwe vwa yakola, kigira sihaveeyeho niliverera kutura ku Nyasaye mba.

1 Vatesalonike 2:4

Navuzwa kuli wa Nyasaye yakuvugilira kokolwe avalindi vi Ivangeri yeeye, ku kovora ndio sikovoola kuyaanzizi avandu mba, navuzwa kuyaanzizi Nyasaye ugerizaa mioyo jietu.

Yakobo 2:9

Navuzwa niiva mukolera avandu kolondekana ni ligondo liavo, mukoraa uvwoni, kandi lilaga limukalagiraa kuli muveeye avavunanyie vi Lilaga.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”

1 Samweli 2:25

Niiva mundu yonera mundu wundi, Nyasaye anyala kumukinga navuzwa nivwaha unyala kukinga mundu wonera Yahova.” Navuzwa sivahulira livoora lia baba wavo mba, kigira Yahova yaali nasaviiyi kuvita.