Kutwula 8:15 - KITABU KITAKATIFU

¹⁵ Lwu Mwami yalora amakere gamali kukuza, yadinyia mwoyo gwigwe ligali, kandi kuli Yahova yaali niyavoola ndi Mwami siyalahulira Musa na Haruni mba.

Kutwula 8:15 Iomraidhean Croise

Kutwula 14:5

Lwu Mwami wa Egebeti yavolerwa ndi avandu va Isiraeli vamali kwiluka, oyo harara na vatumikiri veve vagirung'anyia zing'anagani ziavo ni vavoola, “Kokoli kindiki yiki? Kumali koleka vandu va Isiraeli viiruki, kandi kumali kuvagotiza kuli avatugwa viitu!”

Kutwula 4:21

Yahova yavolera Musa kandi, “Nguyu kalunu wiranaa Egebeti, olole ndi okoli vilolekizu viosi viamali kukuha zinguru okole imbiri wu mwami wa Egebeti. Navuzwa ndakora mwoyo gwu mwami kuva mudinyu, naye alavula kulakuula avandu va Isiraeli vazie.

Kutwula 7:4

Mwami sialamuhulira mba, maku ndahana mageri ku vandu va Egebeti nokoleta maduywa malulu kuvo, kandi ndatuliza zihiiri ziange, avandu vange, avana va Isiraeli mukivala cha Egebeti nilikalaga linene.

Kutwula 8:14

Avandu va Egebeti vagavungiza mu vitumi vinene, kuduuka kivala choosi nikifwunya uvugundu.

Kutwula 8:16

Yahova yavolera Musa, “Volera Haruni akuyi imbimbu yeeye kumalova, kandi kukivala choosi cha Egebeti nu uluguuki lulagirung'ana kugwa iziinda.”

Kutwula 8:28

Mwami yavoola, “Ndamuleka muzie kuhaana visiuviliru ku Yahova, Nyasaye winyu, mwigendanyama, niiva simulazia ihaale mba. Musaliri ku.”

Kutwula 8:29

Musa yativura, “Nindula vwangu, ndasaara ku Yahova ndi mugamba iziinji zilatula ku ivi, ku vatumikiri vovo, nuku vandu vovo. Navuzwa utakugaada mba kandi utagaya avandu kuzia kuhaana visiuviliru ku Yahova mba.”

Kutwula 8:32

Navuzwa kali kuduuka ing'inga yiyi Mwami yaali umudinyu, kandi siyaali anyala kuvaleka vazie mba.

Kutwula 8:8

Mwami yalanga Musa na Haruni navoora, “Musaale ku Yahova atulizi ho amakere yaga Inzi ndaleka avandu vovo vazie, kunangwa vaduuki kuhaana visiuviliru ku Yahova.”

Tsing'ano 26:11

Mundu musiru okolaa kindu chu vusiru lwa kaviri, aveeye kuli imbwa yirana kulia maluki gayo.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Kohelethu 8:11

Lwi likalaga liu vudamanu livulaa kwekoleka vwangu, vandu vetegeka kokora vudamanu.

Isaya 26:10

Kali niiva oveeye ni zimbavasi na vandu vadamanu, sivigaa kokora uvulungi mba. Kali hano, mu kivala cha vandu valungi, vandu vakekola vuzwa uvudamanu. Vasuura kuvugilira ovonene vuvwo.

Hosea 6:4

Navuzwa Yahova avoora, “Inzi nyara kumukoleraki munyi avandu va Isiraeli avandu vi Ivuyuda? Uvuyanzi vwinyu ku Inzi vogotaa vwangu kuli amalesi ga mugambazuri; kandi voveeye kuli iliime likamaa mugambazuri.

Vahebraina 3:15

Mang'oda Matakatifu gavoora: “Niiva muhulira mwoyo gwa Nyasaye kalunu, mutadinyia mioyo jinyu, kuli avaguuga vinyu vaali, lwa vibaara ku Nyasaye mba.”

Vahebraina 3:8

mutadinyia mioyo jinyu kuli avaguuga vinyu vakora lwa vibaara ku Nyasaye, kuli vaali lidiku yilio mwigendanyama lwa vageriza Nyasaye.

Likunula 16:9

Avandu vasaambwa ligali nu kuhaka. Vaanyega lieta lia Nyasaye oveeye ni izingulu ku amaduywa yaga. Navuzwa vasuura kwiganira no koleka vwoni vwavo, nu kuha Nyasaye ilizominywa.

1 Samweli 6:12

Zing'ombe ziatanga logendo kuzia ku nzira izizaa Bezi-shemeshi kandi ziazia vulungi mu lidaala zana; vugira kweveta kutura kunzira. Ziazia ni zianaa. Avami vanene vatano va Avafilisitia vazilonda kuduuka ku lwako lwa Bezi-shemeshi.

1 Samweli 6:3

Vativura, “Niiva mwiranyia Lisandugu lie Lilagana lia Nyasaye wa Isiraeli, kuduuka mulitumi ni kihanwa kuye kutungira uvwoni vwinyu. Lisandugu lie Lilagana litiirana vugira kihanwa mba. Munzira yiyi mulahonywa, kandi; mulamanya kivuni kigiraa nazizagilira kumuha amageri.”

1 Samweli 6:6

Kigira ki muve ni mioyo midinyu kuli mwami na vandu va Egebeti? Mutivilira kuli Nyasaye yavakola vasiru kuduuka lwa valeka avandu va Isiraeli vatule vazie.

1 Samweli 6:9

Kunangwa muhenze kuli lilazia. Niiva lizia lovega loheenza lidaala lia Bezi-shemeshi, yaga gaveeye kovora ndi, ni Nyasaye wa vandu va Isiraeli umali kutuma amaduywa gukutihiza yaga ku kunyi. Navuzwa nilitazia yo, ahene yaho kulamanya ndi siyatuma maduywa yaga mba. Gaali vuzwa ameegendera.”