Kutwula 8:10 - KITABU KITAKATIFU

¹⁰ Mwami yativura navoora, “Ulasalira mugamba.” Musa yavoola, “Inzi ndakokolera kuli oteevi, na ulamanya ndi sihaveeyeho na nyasaye wundi oveeye kuli Yahova, Nyasaye wiitu mba.

Kutwula 8:10 Iomraidhean Croise

2 Samweli 7:22

Ivi oveeye munene kuli ndi, O, Yahova Nyasaye Wuvunyali! Siaveeye ho nu wundi kuli ivi; kunyi kwamanya kazozo ndi ivi oveeye munene, O, Yahova Nyasaye Wuvunyali.

1 Kyetsinyinga 17:20

O, Yahova, siaveeye ho nu mulala kuli ivi; kunyi kumanya kazozo ndi ivi weng'ine oveeye Nyasaye.

Zaburi 83:18

Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Zaburi 86:8

O, Yahova, siaveeye ho numunyasaye wundi munene kuli ivi mba, siaveeye ho kali mulala uwakola aga ivi wakola mba.

Zaburi 9:16

Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Kutwula 8:9

Musa yativura, “Inzi ndava nuvuyanzi kukusaalira olombe ing'inga lwa inzi mba ningusaaliraa, na vatumikiri kandi avandu vovo vosi. Maku amakere galatula ku ivi, na vatumikiri vovo kandi vandu vovo, kandi sililatigala kali lilala ku kivala nigataveeye gaveeye mu mugera gwa Naili mweng'ine vuzwa.”

Kutwula 9:14

Ing'inga yiyi sindaleeta amaduywa ku vatumikiri vovo kandi ku avandu vovo venyine mba, navuzwa ndahaana mageri kali ku ivi mwene, kunangwa uduuki kumanya ndi sihaveeye ho nu wundi kuli inzi mu lirova liosi mba.

Kutwula 9:29

Musa yamuvolera, “Nonoho lwa mba nindakatula mu lidaala linene linu, ndaginga amakono gange igulu mu lisaala ku Yahova. Lihiligana lie inguba kandi imbura ya magina vilalekera, kunangwa muduuki kumanya ndi lirova liveeye lia Yahova.

Tsing'ano 27:1

Utiyizominya kigira mugamba mba. Siumanyi kinyala kwekoleka kalunu na mugamba mba.

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 40:25

Nyasaye Mutakatifu anyala koleng'anywa ku vwaha? Aveeye ho nu mundu wundi woosi unyala koleng'anywa naye?

Isaya 46:9

Mwizurizi vindu viakoleka mu madiku ga kale, muduuki kumanya ndi inzi wengine mbeeye Nyasaye, kandi siaveeye ho nu munyasaye wundi kuli inzi mba.

Kwidzulitsa 3:24

‘O, Yahova Wanyala Viosi, inzi manya ndi ivi umali kumanyia vuzwa litanga lie vindu vinene kandi viokogenyia via uzizaa kokora. Sihaveeyeho na nyasaye mwigulu anoho ku lirova unyala kokora vindu viezingulu via ivi umali kokora mba!

Kwidzulitsa 32:31

Avasigu vaavo vamanya ndi, avanyasaye vaavo aveene vaveeye avadedekere sivaveeye ni zinguru kuli Nyasaye wa Isiraeli mba.

Kwidzulitsa 33:26

Avandu va Isiraeli, sihaveeye ho na nyasaye kuli Nyasaye winyu mba, uhiraa barasi mu malesi kuuza ku likonya lienyu.

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

Yakobo 4:14

Simumanyi livamwoyo lienyu mugamba nalive ki? Muveeye vuzwa kuli umwoki ogololekaa vuzwa ku ing'inga ngekeeke, ma gogota.