Kutwula 7:23 - KITABU KITAKATIFU

²³ Mu vogono yivwo, yazia munyumba yeeye yu vwami vugira kali kuvugura ikika.

Kutwula 7:23 Iomraidhean Croise

Ayubu 7:17

Kigira ki mundu siaveeye kindu ku ivi? Kigira ki uhulirizi ku agakolaa?

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Kutwula 7:22

Maku vakumu vu Mwami vaakora malala mere ku vukumu, vwavo nu Mwami yaali mudinyu kuli kazozo. Kuli Yahova yaali navooye, Mwami yasura kuhulira Musa na Haruni.

Kutwula 7:24

Na vandu va Egebeti vosi vayava kulujinga lwu mugera mbula vanyoore amazi gukunwa, kigira sivali vanyara kunwa amazi kutura mu mugera yigu mba.

Kutwula 9:20

Valala ku vatumikiri vu Mwami vaali nuvuti kigira aga Yahova yaali navooye, na valeta avatugwa kandi mitugu mu zinyumba kwigama.

Kutwula 9:21

Avandi, sivahulira lieganihiza lia Yahova yavaha mba, ma nivaleka mitugu kandi avatugwa vaavo ichova.

Tsing'ano 22:17

Huliriza na nda kwigiza aga vandu avageri vamali kovora. Ohenzerizi amigizu gaavo,

Tsing'ano 24:32

Ndahenza kuyaga, ninganagana ku go kandi ninziga kutura kugwo.

Tsing'ano 28:14

Aveeye nuvugasu mundu utizaa Yahova kazozo, navuzwa oyo oveeye ni kirage aladivizwa.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 47:7

Munyi avandu va Babiloni, mwaganagana mulamiiha mihiga ni mihiga, simwaganagana ku vindu yivi mu mioyo jinyu mba, kandi simwaganangana kuli keheri kiliduuka mba.

Jeremia 36:24

Navuzwa umwami anoho avanene veve avaahulira amakuva yaga goosi, si vaali nuvuti kinga si vaamanyiaku liiva liosi liu vovereri mba.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Ezekieli 40:4

Mundu oyo yambolera, “Mwana wu Mundu ohenze vulahi. Huliriza vulahi ligali, kandi uviiki zing'anagani zizio ku vuli kindu choosi changumanyia, kigira yiki nicho kivuni chagira nengoleta hano; kunangwa kuduuki kovolere avandu va Isiraeli goosi aga ololaa.”

Habakuk 1:5

Maku Yahova yavolera vandu veve, “Muzizagiliri kohenza zihiiri ziveeye ahimbi na munyi, na mulagenya ku gamulolaa. Nziza kokora kindu cha mulivula kusuuvira lwamulikihulira.

Malaki 2:2

Gamudukira muhaane luyali ku Inzi ku gamukolaa. Niiva si mulahulira gambolaa, maku ndakaleete kilaamo ku munyi. Ndakaviiki kilaamo ku vindu viovokonyi via munyoora, kalindio, inzi mali kuviika kilaamo ku munyi kigira simuvugulaa malago gange ni zinguru mba.

Kwidzulitsa 32:46

yavoola, “Muve na giligali kuhulira amalago yaga goosi aga inzi mali kumuha kalunu. Mwirane kwigiza avana kunangwa vaduuki kolonde amalago yaga goosi aga inzi mali kumuha kalunu mwigizaa avana vinyu malago yaga kunangwa vaduuki kolonda amigizu goosi ga Nyasaye nu vusuuvirifu vwosi.

1 Samweli 4:20

Lwa yaali nakinda, avakali vamukonyanga kwivura vamuvolera, “Lema mwoyo! Onyooye mwana muyaayi!” Navuzwa siyativula kindu anoho kovora kindu.