Kutwula 5:3 - KITABU KITAKATIFU

³ Musa na Haruni vaamutivulira, “Nyasaye wa Vaheburaina umali kwivuula mwene ku kunyi. Mwaza yaanza ukuvugiliri kuzie ologendo lwa amadiku gavaga kuhaanira Yahova, Nyasaye wiitu visiuviliru mwigendanyama. Nikutakola ndio, alakakwita nuvulwaye anoho mu vulwani.”

Kutwula 5:3 Iomraidhean Croise

2 Avami 17:25

Lwa vaali ni vakitangira komenya yo, sivasigamira Yahova mba, na ndio yavatumira Zisimba ni ziita valala kuvo.

2 Kyetsinyinga 30:8

Mutava avamagoti madinyu kuli navo vaali mba, navuzwa muhuliri Yahova. Hambi mu Litembeli mu Jerusalemi, ilia Yahova Nyasaye winyu umali kulikola live litakatifu mihiga ni mihiga. Mutumikiri Yahova Nyasaye winyu, kunangwa avuli kuva nu vutima ni munyi.

Ezara 7:23

Kuduuka muhaane kindu choosi icha Nyasaye wu mwigulu yenya kigira Litembeli lilie, kunangwa avuli kuva nu vutima ninzi noho na vami vamiiha inyima wange.

Kutwula 3:18

“Avandu vange valahulira agu vavoola. Nahene yaho ulazia na aviimiliri va Isiraeli ku Mwami wa Egebeti na omuvoolele, ‘Yahova, Nyasaye wa Avaheburaina, uvuuliki umwene kukunyi. Kalunu mwaza, kuvugiliri kuzie mwigendanyama ku madiku gavaga kuhaana visiuviliru ku Yahova, Nyasaye wiitu.’

Kutwula 7:16

Maku volera Mwami, ‘Yahova, Nyasaye wa Avaheburaina, undumi ku ivi ku kokovoolera oleke avandu veve vazie, kunangwa vaduuki kumusigamira mwigendanyama. Navuzwa kuduuka na kalunu ukikiri kuhulira.

Kutwula 8:1

Maku Yahova yavolera Musa, “Zia ku Mwami na umuvolere ndi Yahova avoora, ‘Leka avandu vange vazie, kunangwa vaduuki kusigamira.

Kutwula 8:20

Yahova yavolera Musa, “Mugambazuri muzie kwagana nu Mwami lwava nazizaa ku mugera, na mumuvolere ndi, ‘Aleke vandu vange vazie kunangwa vaduuki kusigamira.

Kutwula 8:27

Gakuduukiraa kuzia ologendo lwa madiku gavaga mwigendanyama kuhaana visiuviliru ku Yahova Nyasaye wiitu, kuli yakulaga.”

Ezekieli 6:11

Mwami munene Yahova avoora, “Mukubage makono ginyu! Muduyi hasi virenge vienyu! Muliri novovereri kigira uvudamanu vwosi kandi vindu viosi vielivihilirizwa via vandu va Isiraeli vamali kokora. Vazizaa kukuzira mu vulwani, inzara, kandi vulwaye.

Kyavalevi 26:25

Ndaleta vulwani kumuha mageri kuvanza kisaalia kigira livunaganyia lilagana lietu, kandi kali nimuvunga mu madaala manene ginyu kwirukira mirembe, ndatuma zinguzu hagati hinyu zitahonaa mba na galamuniga mwihaane munyi aveene ku avasigu vinyu.

Kwidzulitsa 28:21

Yahova alamutumira zinguzu zindamanu kuduuka mudivizwi mwosi, mukiva cha wingira mu.