Kutwula 4:22 - KITABU KITAKATIFU

²² Maku ulamuvoolera ligali ndi, Inzi, Yahova mboraa, ‘Isiraeli aveeye muyaayi wange wukutanga.

Kutwula 4:22 Iomraidhean Croise

Zaburi 89:27

Ndamukora ave muyaayi wange wimbiri, kandi mwami munene ligali kuvita avami vosi.

Kutwula 6:11

“Zia ovoolere Mwami wa Egebeti ndi kuduuka aleke vandu va Isiraeli vatuli mu kivala chiche vazie.”

Kutwula 7:16

Maku volera Mwami, ‘Yahova, Nyasaye wa Avaheburaina, undumi ku ivi ku kokovoolera oleke avandu veve vazie, kunangwa vaduuki kumusigamira mwigendanyama. Navuzwa kuduuka na kalunu ukikiri kuhulira.

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Isaya 64:8

Yahova, ivi oveeye baba wiitu. Kunyi koveeye kuli ovodohi, na ivi oveeye kuli umulongi. Ivi wakolomba.

Jeremia 2:14

“Avandu va Isiraeli sivaveeye avatugwa? Kandi sivivulwa nuvutugwa mba. Kigira ki avasigu vaavo vavahima?

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Hosea 11:1

Yahova avoora, “Lwa Isiraeli yaali mwana inzi ndamuyanza kandi ndamuranga kutura Egebeti kuli mwana wange.

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Matayo 2:15

Yamenya yo kuduuka lwa Herodi yakuza. Yaga gekoleka gaduuki kuduukizwa agu Mwalni yavoola kuvitira mu muporofeti: “Ndaalanga Umwana wange kutura Egebeti.”

Varumi 9:4

Vaveeye avandu va Nyasaye; yatovola vave avana veve; naavavuulira uvukumi vwivwe. Yalomba lilagana lilie navo, kandi navaha Lilaga lilie; vaveeye ni lisigamira Nyasaye liageligali. Vanyoola lisuuvirizwa lia Nyasaye;

2 Vakorintho 6:18

Inzi ndava Baba winyu, namunyi mulava avana vange, avayaayi na vakana.” Mwami Wanyala Viosi avoora.

Kwidzulitsa 14:1

“Munyi muveeye avandu va Yahova Nyasaye winyu. Kunangwa lwa musiomeraa avakuzu, mutisalaga miviri jinyu aveene anoho kovega amasu imbiri wi mitwi jinyu kuli avandu vandi vakora mba.

Kwidzulitsa 32:6

Ni ndi munyala kokolera Yahova munyi avandu vasiru kandi vataveeye novogeri! Aveeye Baba winyu, mulombi winyu yalomba munyi muve ihiiri.

Vahebraina 12:23

Mumali kuuza mu livugana linene liuvusangali lia vandu va Nyasaye avatanga kwivulwa, avamita gaavo gang'odwa mwigulu. Mumali kuuza ku Nyasaye oveeye mukalagi wa vandu vosi, nu ku mioyo ja vandu vakolwa valungi.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.