Kutwula 38:9 - KITABU KITAKATIFU

⁹ Kigira Lihema liukuvuganira mu na Yahova, yalomba lugaga lwu mugizi ku zinguvu ziukukinga zie katani indahi. Kolovega lwi Isavaalu, zinguvu ziukukinga ziali uvutambi vwi zimita 44

Kutwula 38:9 Iomraidhean Croise

1 Avami 6:36

Mugizi gwu mugati gwumbakwa imbiri wi Litembeli, gwa kumbelizwa na madigi gaali nigagerekana ku mialiru ji midaragwa hagati hi zimbaso zivaga ziumbakirwa na magina gavazwa vulahi.

Zaburi 100:4

Mwingiri mu virivwa vie Litembeli ni lisandiza. Muzie mu migizi jalio ni lizominya; Mumusandizi kandi mumwizominye.

Zaburi 84:10

Kuva mu Litembeli liilio ku lidiku lilala, voveeye vulahi ligali kuvita kuva havundu handi madiku elefu indala, vwakaveeye vulahi inzi kuva mulindi ha kirivwa chi Litembeli lia Nyasaye wange, ukuvita komenya mu zinyumba zia vandu vachamu.

Zaburi 84:2

Ngayirangwa ligali kuva mulio! O, nzegomba ligali kuva mu Litembeli liilio! Nyimbiraa Nyasaye oveeye mwoyo zinyimbu nu mwoyo gwange gwosi kigira uvusangari.

Zaburi 89:7

Ivi oveeye Nyasaye utiivwa mu livugana lia vatakatifu, vosi vasingilaa mu liegehiza imbiri woovo.

Zaburi 92:13

Vaveeye kuli misaala jasimikwa munyumba ya Yahova, jiviruka mu Litembeli lia Nyasaye wiitu.

Kutwula 26:1

“Olombe mugati mwi Lihema litakatifu liukuvuganira mu, Lihema liukwaganira mu ninzi, kutura ku vidonye likomi vie katani indahi, vianavwa kutura ku vwoya vwirangi ya bulu, muzambarao kandi inzakanyu. Uviiki ku amangirinya ga vakerubi.

Kutwula 38:10

ni zitiru sirini ziu mugasa kandi vwikaliru sirini viu mugasa viali ni vigumiliru kandi ni zinzizi zialombwa ku feza.

Kutwula 40:33

Musa yumbaka lugaga lwumugizi kukumbiriza Lihema nu vwali zimbega ziosi, kandi yasuunga isuuka yu kukinga mu vwingiliru vwu mugizi. Kunangwa Musa yamala miyinzi josi.

Kutwula 40:8

Umbake lugaga kukumbirizaa mugizi zimbega ziosi, ma usuungi isuuka mu vwingiliru vwalwo.

Livalidza 3:26

zisuka ziu kufuma mugizi, isuuka yu kufuma mu vwingiliru vwu mugizi gwakumberiza lihema nu vwali, kandi vwingiliru vwu mugizi miyinzi jaavo jaali kulinda vindu yivi viosi.

Livalidza 4:26

zisuka kandi migoye ju mu mugizi gwa kumberiza Lihema liu kuvuganiramu kandi uvwali, zisuka ziu mu vwingiliru vwu mugizi, harara ni vindu viosi viduukana ku miyinzi. Valakola miyinzi yiji josi jiduukanaa ni vindu yivi.