Kutwula 34:7 - KITABU KITAKATIFU

⁷ Inzi nduukizaa lisuuviriza liange kumakula na makura kandi samiiha uvudamanu nuvwoni; navuzwa ndahaana amageri ku avana kandi kuvisukululwi kuduuka kulikula lia kavaga kandi lia kane kigira vwoni vwa vababa vaavo.”

Kutwula 34:7 Iomraidhean Croise

Litanga 19:16

Navuzwa Loti yalindagilira. Nitali Yahova yamuvererera. Kunangwa zingelosi vaavugura Loti nu mukali weve harara na vakana veve vaviri, nivavatuliza mu lidaala.

1 Avami 8:30

Hulira masaala gange kandi masaala ga vandu vovo, lwa vahenza havundu yaaha nukusaala. Noveeye hango hoho mwigulu, ukuhuliri, kandi ukusamihi.

1 Avami 8:32

O, Yahova, hulira noveeye mwigulu na ukalagiri vatumikiri vovo. Haana mageri ku muhioli kuli gamudukira, na ulakuuli oyo utali nimbala ave.

2 Kyetsinyinga 30:9

Niiva mulirana ku Yahova, hene yaho yavo avamali kuhila avamwavo vinyu navana vinyu mu vuhambe valavamanyia liverererwa, na vavaleke viirane yengo mu kivala chavo. Yahova Nyasaye winyu aveeye wi zimbavasi kandi wilivererera. Niiva mulirana kuye, alamuvugilira.”

Nehemia 1:5

Maku ndaavoora: “O, Yahova, Nyasaye wu mwigulu, Nyasaye munene kandi kwosi kokoheza uluyali lonene ligali. Ivi udukiza lilagana liilio nu vusuuvirifu, ku yavo avakuyanza kandi avahulira malago googo,

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Ayubu 10:14

Ivi wambenzeliza niiva ndakakoli vwoni, kunangwa usuuli kusamiha.

Zaburi 103:3

Yahova asamiiha uvwoni vwange vwosi, kandi ahonyia uvulwaye vwange vwosi.

Zaburi 109:14

Leka Yahova yizuliza uvudamanu vwa vaguuga veve vaakora, kandi avuli kusamiiha uvwoni vwa mama weve kali hakuzu!

Zaburi 130:4

Navuzwa ivi ukusamihaa uvwoni vwitu, kunangwa kunyi kuduuki kuva nu vuti vonene kuive.

Zaburi 136:10

Yita avayaayi vukutanga kwivulwa Avaegebeti; kigira uvuyanzi vwivwe vuhindiraa mihiga ni mihiga.

Zaburi 136:15

Navuzwa yadivizira mwami wa Egebeti harara ni liihi lilie mu Inyanza Nzakanyu; kigira uvuyanzi vwivwe vuhindiraa mihiga ni mihiga.

Zaburi 25:11

O, Yahova, uliinde lilagana lliilio na usamihi vwoni vwange, kigira voveeye uvunyingi.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 99:8

O, Yahova Nyasaye wiitu, ivi wativulira avandu vovo; wavamanyia ndi oveeye Nyasaye usamiihaa; kali wavaha mageri kigira uvwoni vwavo.

Kutwula 23:21

Mumuhuliri gavoora kandi mumutie. Mutibaala kuye mba, kigira inzi mali kumutuma, kandi sialasamiiha liebaala kuli yilio mba.

Kutwula 23:7

Utavoola amakuva guvugadi mba kandi utiita mundu utaveeye nimbala kandi mulungi mba, kigira ndakalagira woosi okola kindu kidamanu kuli yiki.

Kutwula 33:19

Yahova yamutivulira, “Ndavitiza uvulahi nuvukumi vwange imbiri woovo, ndalandiza lieta liange litakatifu. Inzi mbeeye Yahova. Ndava ni zimbavasi na uyu wanyenyaa koveera zimbavasi. Kandi ndava ni livererera ku uyu owanyenya koverererwa.

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Jeremia 30:11

Inzi nanzizi kumunyi kandi naamuhonyie. Inzi ndakadivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha mageri sinagave amalulu ligali mba. Inze, Yahova mali kovora.”

Jeremia 32:18

Ivi umali kumanyia uvuyanzi vutali nekeheri ku avandu zielefu, navuzwa kandi uhaanaa amageri ku avandu kigira uvwoni vwa avaguuga vaavo. Ivi oveeye Nyasaye munene ligali kandi wi zinguru; Oveeye Yahova Wuvunyali Vwosi.

Jeremia 9:24

Niiva mulala yenya kwigingira, gamuduukira yigingiri ndi yamanya kandi amanyirizaa inzi, kigira uvuyanzi vwange vutaveeye nekeheri, kandi ngolaa agaveeye malungi kandi malahi. Yivi nivio vindu viyanziza. Inzi Yahova mali kovora.”

Danyeli 9:4

Ndasaara ku Yahova Nyasaye wange kandi ndiyama uvwoni vwa vandu vange. Ndavoora “Yahova Nyasaye, ivi oveeye Munene, kandi kokohezaa luyali. Oveeye musuuvirifu ku lilangana liilio, oveeye nu vuyanzi vutaveeye nekeheri ku yavo avakuyanza, kandi okolaa agu mali kulaga.

Danyeli 9:9

Yahova Nyasaye wiitu, ivi oveeye ni zimbavasi kandi wi lisamiiha kali niiva kwaibala kutura ku ivi.

Mika 6:11

Nyara ndi kusamiiha vandu avatumikiraa zikilo na amagina guvugadi?

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Matayo 12:31

Kigira yaga muvooleraa, avandu valasamifwa uvwoni na manyego gaavo goosi, navuzwa uvwoni vwo konyega Roho Mutakatifu si vulisaamiifwa mba.

Matayo 6:12

Ukusamihi uvwoni vwitu, kuli kunyi kusamiiha avakwoneraa.

Luka 7:42

Kunangwa avandu vaviri yavo, siyaali ku ho uwaali na mabese giukwilanyira mwene gio mba. Mwegobizi oyo yavasamiha vosi. Ku yava vaviri ni uliha ulimuyaanza kuvita?”

Luka 7:48

Maku Yeso yavolera mukali oyo, “Uvwoni vuvwo vumali kusamiifa.”

Vikolwa 13:38

Kulwa yaga, avaamitu vange, nyenya mumanye ndi kuvitira mu Yeso Kristo lisamiifwa liu vwoni lilwaazwaa ku munyi.

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vafeso 4:32

Muve novohooma aveene ku aveene; muve nu mwoyo gwi zimbavasi kandi musamiihane aveene naveene kuli Nyasaye yasamiha munyi mu Kristo.

Kwidzulitsa 32:35

Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.

Kwidzulitsa 7:10

Navuzwa sialilindagira kuhaana amageri maduukiru ku vandu avamudunyira mba.

Kwidzulitsa 7:9

Kunangwa mwizurizi ndi Yahova Nyasaye winyu aveeye Nyasaye; Nyasaye oveeye, musuuvirifu; udukiza lilagana lilie nukuhaana zimbavasi zitaveeye nekeheri ku vandu vamuyanzaa kandi avahulira. Amakuva geege gakuduukaa ku makura zielefu.

Vahebraina 12:29

kigira Nyasaye wiitu aveeye muliru gusambaa nukudiviza ligali.

Joshua 24:19

Joshua yavolera avandu zana, “Navuzwa mutaganagani ndi voveeye vodoto kutumikira Yahova mba. Aveeye Nyasaye Mutakatifu. Yenya mumusigamiri yeng'ine. Niiva musigamira avanyasaye vandi, sialamusamiiha uvwoni vwinyu mba.

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”