Kutwula 34:6 - KITABU KITAKATIFU

⁶ Maku Yahova yavita imbiri weve navoora, “inzi, Yahova, mbeeye Nyasaye wizura zimbavasi kandi lirerera, utaveeye nu vutima vwa vwangu kandi umanyia uvuyanzi vonene nu vusuuvirifu.

Kutwula 34:6 Iomraidhean Croise

Litanga 24:27

Yavoola, “Yahova yizominywe, Nyasaye wu munene wange Aburahamu, umali kuduukiza lilagana yili ku munene wange. Yahova umali kunzimilira vulungi kuduuka ku viko vu munene wange.”

2 Samweli 24:14

Daudi yavolera Gadi, “Mbeeye mu kivi kenene ligali. Leki kugwi mu makono ga Yahova, kigira zimbavasi zizie liveeye linene; navuzwa utaleka inzi ngwi mu makono ga avandu mba.”

1 Avami 19:11

Yahova yamuvolera, “Zia ichova na usingiri imbiri wange ku kiguru.” Maku Yahova yaavitira hazana yaho natuma kihuzuzi kenene chi zinguru chatandulanyia vigulu kandi nichatanyia zinyanda. Navuzwa Yahova siyaali mu kihuzuzi zana mba. Kihuzuzi chalekela kuhuuza, kandi lirova liadegera; navuzwa Yahova siyaali mu lidegera lie lirova mba.

1 Avami 8:30

Hulira masaala gange kandi masaala ga vandu vovo, lwa vahenza havundu yaaha nukusaala. Noveeye hango hoho mwigulu, ukuhuliri, kandi ukusamihi.

2 Kyetsinyinga 30:9

Niiva mulirana ku Yahova, hene yaho yavo avamali kuhila avamwavo vinyu navana vinyu mu vuhambe valavamanyia liverererwa, na vavaleke viirane yengo mu kivala chavo. Yahova Nyasaye winyu aveeye wi zimbavasi kandi wilivererera. Niiva mulirana kuye, alamuvugilira.”

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Zaburi 108:4

Uvuyanzi vuvwo vutaveeye nekeheri vuduuka mwigulu, kuvita ligulu; kandi uvusuuvirifu vuvwo vuduuka mu malesi.

Zaburi 111:4

Yahova sialekaa kunyi kwiviriri vikolwa vivie viokogenyia mba. Aveeye mulahi kandi wilivererera.

Zaburi 111:8

Malago geege gahindiraa ku zing'inga ziosi; na gaduukanaa galondwe mu vulungi nagiligali.

Zaburi 112:4

Uvulavu vwakiraa avandu valahi mu kisundi; ku yava avaveeye nilivererera, avalahi kandi ni likalaga lirungi.

Zaburi 116:5

Yahova aveeye wizimbavasi kandi umulahi. Nyasaye wiitu aveeye wilivererera.

Zaburi 138:2

Sigamaa niimbenzi Litembeli liilio litakatifu, kandi nzizominya lieta liilio kigira uvuyanzi vuvwo vutali nekeheri kandi uvusuuvirifu vuvwo, kigira umali kumanyia ndi lieta liilio kandi malago googo viveeye vinene ligali igulu wa viosi.

Zaburi 145:8

Yahova aveeye wu vuyanzi kandi wizura zimbavasi. Aveeye wa galaha ku vutima kandi aveeye wu vuyanzi vutaveeye ne keheri.

Zaburi 146:6

walomba ligulu, lirova kandi inyanza na viosi iviveeye mu. Adukizaa lisuuviriza lilie kazozo;

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Zaburi 57:10

Vuyanzi vuvwo vutaveeye ne keheri vuduuka mwigulu, kandi uvusuuvirifu vuvwo vuduuka mu malesi.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Zaburi 91:4

Alakukunika ni zimbaha zizie; ulanyora mirembe mu vulindi vwivwe, uvusuuvirifu vwivwe vulakukinga kandi vulakosoola.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Kutwula 22:27

kigira liveeye lieng'ine vuzwa liayifuumaa ku anyoore uluuya. Kindiki kindi icha anyala kwifuma? Lwa yaniraa ku Inzi mukoonye, ndamutivulira kigira mbeeye wi zimbavasi.

Kutwula 33:19

Yahova yamutivulira, “Ndavitiza uvulahi nuvukumi vwange imbiri woovo, ndalandiza lieta liange litakatifu. Inzi mbeeye Yahova. Ndava ni zimbavasi na uyu wanyenyaa koveera zimbavasi. Kandi ndava ni livererera ku uyu owanyenya koverererwa.

Tsing'ano 3:3

Utaleka vohocha kandi vusuuvirifu mba. Uvivohe muligoti liilio kandi ugang'ode mu mwoyo gugwo.

Kohelethu 8:11

Lwi likalaga liu vudamanu livulaa kwekoleka vwangu, vandu vetegeka kokora vudamanu.

Isaya 12:4

Lidiku lizaa lwa vandu valimba, “Musandize Yahova! Mwanili kuye amukonye! Muvoolere zihiiri ziosi icha amali kokora! Muvavolere kuli aveeye munene!

Isaya 65:16

Mundu woosi oteeva uvugasu mukivala, alateeva uvugasu kutura ku Nyasaye musuuvirifu. Oyo wi suuhaa mu lirova, alisuuha ku Nyasaye wa agiligali; uvudinyu vwaliho kutura kale, vumali kwivilirwa ligali.”

Jeremia 32:18

Ivi umali kumanyia uvuyanzi vutali nekeheri ku avandu zielefu, navuzwa kandi uhaanaa amageri ku avandu kigira uvwoni vwa avaguuga vaavo. Ivi oveeye Nyasaye munene ligali kandi wi zinguru; Oveeye Yahova Wuvunyali Vwosi.

Jeremia 9:24

Niiva mulala yenya kwigingira, gamuduukira yigingiri ndi yamanya kandi amanyirizaa inzi, kigira uvuyanzi vwange vutaveeye nekeheri, kandi ngolaa agaveeye malungi kandi malahi. Yivi nivio vindu viyanziza. Inzi Yahova mali kovora.”

Lisyoma lya Jeremia 3:23

voveeye vuhia vuli mugamba; vusuvirifu vwivwe voveeye vonene ligali.

Joeli 2:13

Leka mwoyo gugwo gwiliegehiza gumanyie ovovereri; kutandura zinguvu zienyu sigadukira mba.” Mwirane ku Yahova Nyasaye winyu. Aveeye wilivererera ligali kandi wizura zimbavasi; aveeye umwikuziri kandi lilagana lilie; aveeye mwetegeku inyinga yoosi kusamiha nukuvula kuhana amageri.

Jona 4:2

Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Mika 7:20

Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.

Nahum 1:3

Yahova siavugula vutima vwangu mba, navuzwa aveeye ni zinguru zinene ligali, kandi sialekaa vandu vadamanu kuzia vugira konyoora mageri mba. Havundu ha Yahova agendaa, kiihi kandi kihuzuzi viveeye ho; malesi gaveeye luguchi lutulaa mu vilenge vivie!

Livalidza 12:8

Kunangwa inzi molomaa naye moni na moni, kandi vulahi ligali, na sigaveeye mu zing'ano mba; kali amali kolola liiva liange! Gaveeye ki munyi komonya mutumikiri wange Musa?”

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

Kwidzulitsa 32:3

Ndizominya lieta lia Yahova kandi avandu veve valivoola ago ovonene vwivwe.

Kwidzulitsa 4:31

Aveeye Nyasaye wiliverererwa. Sialamuleka anoho kumudiviza, kandi sia alivilira lilagana lia oyo umwene yalomba na avaguuga vinyu ku liesuuha mba.

Kwidzulitsa 5:10

Navuzwa manyia vuyanzi vwange vuduukiru ku zielefu zia makura ga yavo avanyanzaa kandi avalondaa malago gange.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.