Kutwula 34:14 - KITABU KITAKATIFU

¹⁴ “Mutasigamiri umunyasaye wundi mba kigira Inzi, Yahova, mbeeye Nyasaye wokokendeka.

Kutwula 34:14 Iomraidhean Croise

1 Avami 14:15

Yahova alahaana mageri ku Kivala cha Isiraeli, kandi kiladegera kuli kidundu kedegeraa mu mugera gwa mazi. Aliiha vandu va Isiraeli vatuli mu kivala kilahi yiki cha yahaana ku vaguuga vaavo, kandi alavasalanyia ihale engereka wu mugera gwa Efurate, kigira vamali kuvukiza vutima vwivwe, ku lisigamira munyasaye wikikali Ashera.

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

Kutwula 33:19

Yahova yamutivulira, “Ndavitiza uvulahi nuvukumi vwange imbiri woovo, ndalandiza lieta liange litakatifu. Inzi mbeeye Yahova. Ndava ni zimbavasi na uyu wanyenyaa koveera zimbavasi. Kandi ndava ni livererera ku uyu owanyenya koverererwa.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Ezekieli 23:25

Kigira mbeeye nu vutima nivi, ndaleka vakole goosi ga vanyara ku ivi mu vutima vwavo. Valakalaga amatu googo kandi amuru googo na valitigala valitwa ni kivavi. Valavugula vayaayi na vakana vovo na valasambwa nu muliru nivaveeye mwoyo.

Nahum 1:2

Yahova Nyasaye siyikuzilaa ku vaahing'ana naye mba; ahaanaa mageri ku yavo avahing'anaa naye. Avanzaa kisaalia mu vutima vwivwe.

Matayo 4:10

Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

1 Vakorintho 10:22

Anoho ilienya lietu liveeye ndi kokole mwami akendeke, kunyi si koveeye ni zinguru kumuvita mba.

Kwidzulitsa 29:20

Yahova sialasamiiha mundu kuli uyu. Mu vogono yivwo, vutima vusamba vwa Yahova vulaaka kuye, kandi kivi chi vilaamo viosi viang'odwa mu kitabu yiki vilamugwira kuduuka lwa Yahova asiminya lieta lilie kutura mu lirova yili.

Kwidzulitsa 32:16

Lisigamira vanyasaye vandi liakendekiza Yahova, vudamanu vwavo vwakola Nyasaye kuva nu vutima.

Kwidzulitsa 32:21

Harara nifananyi viavo, vamali kongola mbe nu vutima, vamali kungola kokendekela vanyasaye vaavo vanyasaye vataveeye vagiligali kunangwa, ndatumikira ihiiri kuvakola vave nu vutima, Ndavakora vandekele ihiiri yavandu vasiru.

Kwidzulitsa 4:24

kigira Yahova Nyasaye winyu aveeye kuli muliru gusambaa. Aveeye Nyasaye we likendeka.

Kwidzulitsa 5:24

nivavoora, ‘Yahova Nyasaye wiitu yakumanyia ovonene vwivwe novukumi vwivwe, lwa kwamuhulira namolomaa kutura hagati humuliru! Kalunu kumali kulola ndi mundu anyala kuzizagilira komenya, kali niiva Nyasaye umali komoloma naye.

Kwidzulitsa 5:7

“Mutasigamiri avanyasaye vandi, navuzwa inzi nzieng'ine.

Kwidzulitsa 6:15

Nimusigamira avanyasaye vandi, uvutima vwa Yahova vulaaka ku munyi kuli muliru na gulamudiviza ligali, kigira Yahova Nyasaye winyu oveeye hagati hinyu siavugiliraa vandu vahing'ana naye mba.

Joshua 24:19

Joshua yavolera avandu zana, “Navuzwa mutaganagani ndi voveeye vodoto kutumikira Yahova mba. Aveeye Nyasaye Mutakatifu. Yenya mumusigamiri yeng'ine. Niiva musigamira avanyasaye vandi, sialamusamiiha uvwoni vwinyu mba.

Vakalagi 6:10

Ndaamuvolera ndi, Inzi mbeeye Yahova Nyasaye winyu; vanyasaye va Amori, avamumenyaa hagati haavo mba. Navuzwa simwahulira agange mba.”