Kutwula 33:9 - KITABU KITAKATIFU

⁹ Inyima wa Musa yalange niyakingira mu Lihema, munara gwi lilesi gwika hasi, na Yahova yamoloma na Musa kutura mumalesi.

Kutwula 33:9 Iomraidhean Croise

Litanga 17:22

Lwa Nyasaye yamala komoloma na Aburahamu, yamanya nazia.

Litanga 18:33

Inyima wa Yahova yaali ni yakamala komoloma na Aburahamu, yamuleka na Aburahamu yirana yengo.

Zaburi 99:7

Yamoloma kuvo kutura mu munara gwi lilesi; vahulira lienya lilie na malago ga yavaha.

Kutwula 25:22

Ndaamunyoora wene yeyo, na kutura igulu wikikuniku hagati ha Vakerubi viviri, ndamuha amalago gange goosi kigira vana va Isiraeli.

Kutwula 31:18

Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.

Kutwula 33:10

Lwa avandu valora munara gwi lilesi nigusingiyi imbiri wu vwingiliru vwi Lihema, vinamaa hasi. Vuli mundu yasigamiraa Yahova ha lihema lilie.

Kutwula 33:11

Yahova yamoloma na Musa moni na moni, kuli mundu amolomaa nu mulina weve ma Musa yirana hokososa. Navuzwa musoleri Joshua, uwaali Mukonyeleri weve, mwana wa Nuni, yaatigara mu Lihema liukuvuganira mu.

Kutwula 33:8

Lwa Musa yaazizaa ichova, uwene yeyo, avandu vasingilaa havwingiliru vwa mahema gaavo nivamuhenza kuduuka lwa Musa yingira mulio.

Kutwula 34:3

Mundu mulala ataaza harara nivi mba; mundu mulala ataloleka ku ahimbi kolovega lwosi lwi kiguru mba; kandi magondi anoho zing'ombe zitanyoleka ku niziaya himbi ni kiguru mba.”

Kutwula 34:5

Yahova yiikira mu lilesi, nasingira harara weve, nukutivula lieta lilie litakatifu Yahova.

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Ezekieli 3:22

Ndaahulira zinguru zinene zia Yahova kandi yambolera, “Tula uzie mu livona. Na ndamoloma na ivi wene yeyo.”

Livalidza 11:17

Inzi ndaza kumoloma nivi hene yaho, kandi ndavugura ku Roho oveeye ku ivi nu kuvaha. Maku valakokonya kulinda vandu yava, kunangwa uvuli kuginga vuliduhu yivu weng'ine.

Livalidza 7:89

Lwa Musa yingira mu Lihema liukuvuganira kumoloma na yahova, yahulira umwoyo gumolomaa kuye kutura igulu we endeve yi zimbavasi, iyaali igulu wi Lisandugu lia Malago; iliali hagati ha Vakerubi vaviri, nu mwoyo gwa Yahova gwamoloma kuye.

Kwidzulitsa 31:14

Maku Yahova yavolera Musa, “Lidiku lie likuza liilio liesundi ahimbi. Laanga Joshua na umuleete mu Lihema liu kuvuganira mu, kunangwa nduuki kuhaana kuye amigizu geege.” Kunangwa Musa harara na Joshua viingira mu lihema liu kuvuganira mu na Yahova.

Kwidzulitsa 31:15

Yahova yaloleka kuvo umwene yimwo mu munara gwi lilesi, ugwasingira ha kiliango chi Lihema.