Kutwula 33:4 - KITABU KITAKATIFU

⁴ Lwa avandu vahulira makuva madamanu yaga, vatanga kusioma kandi sihaali ho nu mundu uwiviika viukwisiaha vivie mba.

Kutwula 33:4 Iomraidhean Croise

2 Samweli 19:24

Maku Mefiboshezi, mwisukulu wa Saolo, naye yasulunguta ukwaganira mwami munene. Siyaali niyisaavi virenge vivie mba, naavegi zinderu zizie, anoho kufuuya zinguvu zizie kutura ing'inga yu mwami munene yatura Jerusalemi kuduuka lwa yirana nimirembe.

1 Avami 21:27

Lwa Elija yamala komoloma, Ahabu yatandula zinguvu zizie, niyinavuula kandi niyiviika zinguvu zia magunia. Yasura kulia, naagona mu zinguvu zia magumia, nokogendagenda novovereri kandi mwoyo ni guukuzi.

2 Avami 19:1

Lwu mwami Hezekia yahulira amakuva yaga, yatandula zinguvu zizie mu vovereri vonene, ni yiviika zinguvu zia magunia ma nazia mu Litembeli lia Yahova.

Ezara 9:3

Lwa ndaahulira yaga, ndaatandura zinguvu ziange kandi nimanyula liisu kandi zinderu ziange kandi ninzikala hasi muligenya kandi muvovereri vonene ligali.

Ayubu 1:20

Maku Ayubu yasingira naatandula zinguvu zizie mu vovereri. Yavega liisu ku mutwi gwigwe, kandi naagwa hasi mamumama.

Ayubu 2:12

Lwa vaali nivaveeye ahimbi kuduuka, valora Ayubu, navuzwa sivamumanyiriza mba. Navuzwa lwa vamumanyiriza, vatanga kukuba zikwiri ni valira, kandi vataandula zinguvu ziavo muvovereri, ni vaduuminya luguchi igulu ku mitwi jaavo.

Kutwula 33:6

Kunangwa inyima wu kutura ku kiguru cha Sinai avandu va Isiraeli siviviika viukwisiaha viuvuguli mba.

Isaya 32:11

Munyi mwamenyangi mulielemeliza, litaveeye ni lihenda mwoyo, navuzwa kalunu, mudegere nu uvuti! Mutulizi zinguvu zienyu, kandi mwevohe zinguvu ziamagunia mu vikenge vienyu.

Ezekieli 24:17

Utaleka likenya liilio lihuliriki mba. Uviiki virato mu virenge vivio kandi uviiki igudwa ku mutwi gugwo keve kuli kelolero chu kusioma. Utafuuma mumoni mumwo anoho umanyie ovovereri vuvwo mba, kandi utalia chukulia cha yavo avasioma mba.”

Ezekieli 24:23

Si mulakagende vugira virato anoho vugira zigudwa ku mitwi jienyu mba, anoho mutasioma anoho muliri mba. Navuzwa mulang'aha kigira uvwoni vwinyu, kandi mulakakenye aveene na vene.

Ezekieli 26:16

Maku avanene vosi avamenyi ahimbi ninyanza navaturi ku zindeve ziavo ziu vwami, navatulizi zinguvu ziavo ziamangilinya kandi navatulizi zigaanza ziavo. Navave mulitiihizwa linene ligali kigira vuduamanu vwinyu, kali sinavalekele kodegera mba.

Hosea 7:14

Si vasaye ku inzi mugiligali mba, navuzwa muvogono yivwo vagwiza hasi aveene kandi nukulira kuli avandu vatamanyi Nyasaye. Lwa vasaala kigira vuswage ni iwaini, vetemaa aveene kuli avandu vatamanyi Nyasaye. Vamali kwibaala ku inzi!

Kyavalevi 10:6

Maku Musa yavolera Haruni na vayaayi veve vandi Elieza na Izamara, “Mutaleki liisu lienyu livuli kusanulwa mba, kandi mutatanduli zinguvu zienyu kumanyia ndi musiomaa mba. Nimukora ndio, mulakuza, na Yahova alava nu vutima na avandu va Isiraeli vosi. Navutswa avache vinyu avandu va Isiraeli vosi, vanyara kusiomera yavo vosi va Yahova yasamba nu muliru gwa yatuma.

Jona 3:6

Lwu mwami wa Nineve yahulira goosi agaali nigekolekaa, yatura kondeve yu vwami, natuliza iganza yeye yu vwami, ni yiviika zinguvu ziamagunia, ma niyikara mu ligoke.

Zekaria 7:3

Vazia kandi koteeva vasaalisi na vaporofeti liteeva yili: “Gakuduukiraa kuzizagiliri kusioma kigira lidivizwa lie Litembeli, mu lihonga lilia mu mweli gwa katano kuli kumali kokora ku mihiga minyingi kalunu?”

Zekaria 7:5

“Volera vandu vosi vi kivala kandi vasaalisi ndi lwa vahonga lilia kandi vasioma mu mweli gwa katano nu mweli gwa saba ku mihiga 70 yiji, sigali kigira kutia inzi mba.

Livalidza 14:1

Maku uvudiku vwosi avandu vaalira novovereri ligali.

Livalidza 14:39

Lwa Musa yavolera vandu va Isiraeli vosi amakuva ga Yahova yaali navooye, vasioma vululu.

1 Samweli 6:19

Yahova yita avasaza sabwini ku vandu va Bezi-shemeshi, kigira vahenza mu Lisandugu lie Lilagana lia Yahova. Kandi avandu vasioma kigira Yahova yaali naleti likuza linene hagati haavo.