Kutwula 33:3 - KITABU KITAKATIFU

³ Muzizaa mukivala kigunamu ligali. Navuzwa inzi mwene sindazia nimunyi mba, kigira muveeye avandu vi kirage, kandi hawundi nyara kumudivizira kunzira.”

Kutwula 33:3 Iomraidhean Croise

2 Avami 17:14

Navuzwa sivali vanyara kulihulira mba; vaali ava magoti madinyu kuli vaguuga vaavo, avavura kusuuvira Yahova, Nyasaye wavo.

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Kutwula 13:5

Yahova yasuuviriza ku liesuuha avaguuga vinyu kuha munyi kivala cha vandu va Kanaani, Mori, Hiti, Muhivi, kandi na Jebusi. Lwa amuleeta mukivala chu vutugi, kandi kenoru, kuduuka kenoru, mulindi nukwizuliza lidiku lie Lipasaka ku mweli gwukutanga vuli muhiga.

Kutwula 23:21

Mumuhuliri gavoora kandi mumutie. Mutibaala kuye mba, kigira inzi mali kumutuma, kandi sialasamiiha liebaala kuli yilio mba.

Kutwula 3:17

Mali kotovola ndi ndamuleeta kutura mu kivala cha Egebeti wavadambizirwa, nukuvahila mu kivala keveeye kitugi kandi kenoru, kivala cha vandu va Kanaani, Hiti, Hivi, Vajebusi, Amori, na Perizi.

Kutwula 3:8

Kunangwa Inzi mali kuuza kuvasoora kutura ku vandu va Egebeti, nukuvaleeta mu kivala chu vwiyangu, kitugi kandi kenoru cha vandu va Kanaani, Hiti, Amori, Perizi, Hivi, na Jebusi.

Kutwula 32:14

Kunangwa Yahova yaagirung'anyia zing'anagani zizie, siyaleeta ku avandu veve kivi cha yaali navooye mba.

Kutwula 33:5

Kigira Yahova yaali nalagi Musa avavoolere ndi, “Munyi muveeye avandu vikirage. Niiva ndakaziiyi ni munyi ku ing'inga engekeeke, ndakamudivizi ligali. Kalunu mutulizi viukwisiaha vienyu, na inzi ndalora ichanyala kumukolera.”

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Jeremia 11:5

Hene yaho, ndaduukiza lilagana lia ndaalomba na avaguuga vaavo ndi: ndakavahe uvutugi kandi kivala kigunamu cha vamenyi mu kalunu.” Inzi Jeremia ndaavoora, “Yee Yahova.”

Ezekieli 20:6

Ku lidiku yilio lwa ndaavalaga ndi ndavatuliza mu kivala cha Egebeti nu kuvahila mu kivala cha ndaali nimbatovoleye, kivala kenoru kandi kigunamu ligali, kivala chaali kilahi ligali kuvita vivala vindi viosi.

Kyavalevi 20:24

Navuzwa Inzi mali kumusuuviriza ndi ndamuha kivala kitugi kandi kenoru yiki kuva miandu jinyu. Inzi mbeeye Yahova Nyasaye winyu, kandi mali kumwahula kutura mu zihiiri zindi.

Jona 3:10

Nyasaye yalora icha vakora. Yalora ndi vamali kuleka miima jaavo midamanu. Kunangwa yagilung'anyia zing'anagani zizie, kandi siyamanya nahaana mageri kuvo kuli yaali navatihiizi mba.

Jona 3:4

Jona yaatanga kuvitira mu lidaala, kandi inyima wokogeenda lidiku liosi, yilwaza navoora, “Inyima wa madiku arubaini, Nineve liradivizwa.”

Livalidza 13:27

Vavoolera Musa, “Kumali kuduuka mu kivala cha wakutuma. Kutunyirizi konyooye ndi, keveeye kivala kigunamu kandi kenoru ligali; yaga na makuyu gakoleeti kutura mucho.

Livalidza 14:12

Ndaleta uvulwaye vudamanu kuvo na ndavadiviza ligali. Navuzwa ndakora ivi kuva baba wihiiri enene ligali kandi yi zinguru kuvavita.”

Livalidza 14:8

Niiva kulayaanziza Yahova alakuhila wene yeyo, alahaana kivala yiki ku kunyi, ekeveeye kigunamu kandi kenoru.

Livalidza 16:13

Yivi wakutuliza mukivala cha malova magunamu mu Egebeti kukwitira hano mwigendanyama! Kalunu yivi wenya kukwamiha!

Livalidza 16:21

“Mwiyahuli kutura ku vandu yava, ninzi ndavadiviza vwangu ligali.”

Livalidza 16:45

“Singira ihale kutura ku vandu yava, na ndavadiviza lwene yilu!” Vombi vinama hasi, nu vweni vwavo vwaduuka kumalova,

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Kwidzulitsa 4:24

kigira Yahova Nyasaye winyu aveeye kuli muliru gusambaa. Aveeye Nyasaye we likendeka.

Joshua 5:6

Avandu va Isiraeli vagendagenda mu changalangwe ku mihiga arubaini, kuduuka lwa vasaza vosi, avilikula liu kuzia muvulwani lwa vaatura Egebeti, vaali nivakakuza, kigira vavura kuhulira Yahova. Kuli Yahova yaali niyisuuhi, sivavugilirwa kolola kivala cha malova magunamu icha yaali niyamala kusuuviriza ndi alahaana kuvaguuga vaavo mba.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.