Kutwula 33:16 - KITABU KITAKATIFU

¹⁶ Ganyala kumanyikana ndi ivi uyanziziywi na avandu vovo kandi ninzi, niiva siulazia nikunyi? Lizia liilio harara nikunyi, lilamanyia liavukanyia hagati hiitu na avandu vandi vosi avaveeye mu lirova.”

Kutwula 33:16 Iomraidhean Croise

2 Samweli 7:23

Sihaveeye ho ni ihiiri yindi ku lirova kuli Isiraeli, ya ivi wahonyia kutura mu vutugwa mu kivala cha Egebeti, ukuvalomba vave avandu vovo ivi mwene. Vindu vinene kandi viokogenyia via wavakolera vimali kulandiza ulusuma lulwo mu lirova liosi. Ivi wakunga zihiiri zindi na avanyasaye vaavo lwa avandu vovo vazizagilira kuvingilira nukulwana navo, avandu va ivi wavoholola kutura Egebeti kuva avoovo ivi mwene.

1 Avami 8:53

Ivi wavaahulira kutura hagati ha vandu vosi vi lirova kuva miandu jijo, kuli wavatovola kuvitira mu Musa, Mutumikiri woovo, lwa waleeta avaguuga viitu kutura Egebeti.”

Zaburi 147:20

Akikiri kokora yaga ku zihiiri zindi; kandi sivamanyi malago geege mba. Mwizominye Yahova!

Kutwula 34:10

Yahova yavolera Musa, “Inzi kalunu nombaa lilagana na avandu va Isiraeli. Ndakora vindu vinene imbiri wavo vikikiri kokoleka ku havundu hoosi mu lirova hagati hi zihiiri mba. Avandu vosi valakalole vindu vinene via Inzi, Yahova, nyara kokora, kigira nziza kumukolera vindu viukutihiza.

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Kutwula 8:22

Navuzwa sindadiviza kivala cha Gosheni, aha avandu vange vamenyi mba, kunangwa iziinji sizilava yo mba. Ndakora ndio ku muduuki kumanya ndi inzi, Yahova mbeeye ku miyinzi mu kivala yiki.

Kyavalevi 20:24

Navuzwa Inzi mali kumusuuviriza ndi ndamuha kivala kitugi kandi kenoru yiki kuva miandu jinyu. Inzi mbeeye Yahova Nyasaye winyu, kandi mali kumwahula kutura mu zihiiri zindi.

Kyavalevi 20:26

Munyi mulava avatakatifu ku Inzi kigira Inzi Yahova mbeeye umutakatifu kandi mali kumwahula kutura ku zihiiri zindi ziosi kunangwa muduuki kuva avandu vange.

Livalidza 14:14

valavoolera vandu vamenyi mu kivala yiki. Avandu yava vamali kuhulira ndi ivi, Yahova, oveeye harara ni kunyi; kandi ololekaa moni na moni lwa malesi googo gaveeye ku kunyi, kandi wimiraa imbiri wiitu mu munara gwi lilesi mung'inga yu muvasu kandi mu munara gwu muliru mu ing'inga yu vudiku.

Livalidza 23:9

Nyara kuvalola kutura kondongozi yi kiguru; nyara kuvahenzeriza kutura ku vigulu. Vaveeye ihiiri emenyi yeng'ine vamanyi ndi na vandu vagasizwa kuvita zihiiri zindi.

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

2 Vakorintho 6:17

Mwami avoora, “Mwiyahuli aveene kutura kuvo. Mutadiiri kindu choosi kitaveeye kinifu, ninzi ndamuvugirira.

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.

Kwidzulitsa 4:7

“Sihaveeye ho nihiiri yindi, kali neveeye enene, eveeye na nyasaye oveeye ahimbi ligali kuvo lwa vamwenyaa kuli Yahova Nyasaye wiitu aveeye ku kunyi mba. Akutivulira lwa kumwaniraa.