Kutwula 33:14 - KITABU KITAKATIFU

¹⁴ Yahova yavoola, “Inzi mwene ndazia nivi na ndakuha iliguuta.”

Kutwula 33:14 Iomraidhean Croise

Ayubu 34:29

Lwa Nyasaye akiring'anaa, nivwaha unyala kumudula? Niiva yakavisi mumoni mwimwe, nivwaha wakamuloli? Kali niiva nu mundu ku vosi anoho ihiiri avulaho unyala kumukalagira.

Zaburi 95:11

Kunangwa ndisuuha mu vutima vwange nimbora, ‘Sivalingira mu kivala cha ndakavaheye vweremerizi mba.’ ”

Kutwula 13:21

Mbasu Yahova yimira imbiri wavo nu munara gwa malesi kuvamanyia inzira, na ing'inga yu vudiku yimira imbiri wavo nu munara gwu muliru ukuvaha uvulavu, kunangwa vaduuki kogenda mbasu nu vudiku.

Kutwula 3:12

Nyasaye yamuvolera, “Inzi ndava harara nivi, na lwa utuliza avandu yava mu Egebeti mulakasigamiri ku kiguru yiki. Yicho kilava kimanyiru ndi inzi mali kukutuma.”

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Jeremia 31:2

Mu changalangwi ndaamanyia zimbavasi ku avandu valii nivahononoki mu likuza. Lwa avandu va Isiraeli valindilira ovososi,

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Danyeli 12:13

“Ivi, Danieli, ove musuuvirifu kuduuka ku keheri. Maku ulakakuzi, navuzwa ulakasimuguki ing'inga ye keheri nokonyoora madanyi googo.”

Matayo 11:28

“Hambi ku inzi munyi vosi avanyang'anaa na avaminikaa ni misigo militu, nainzi ndamusosiza.

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Kwidzulitsa 12:10

Lwa mwambuka mugera gwa Jorodani, Yahova Nyasaye winyu alaleka muvuguli kivala zana kuva miandu kandi mulamenya yo. Alamukinga kutura ku vasigu vinyu vosi na mulamenya mu ni mirembe.

Kwidzulitsa 25:19

Kunangwa, lwa Yahova, Nyasaye winyu amala kumuha kivala zana yicho, kandi namukoli muve ni mirembe kandi naamuhonyi kutura ku vasigu vinyu avamenyaa ahimbi nimunyi, muve na giligali kwita vandu va Maleki vosi, kunangwa mundu kali mulala avuli kuvizuriza mba. Mutivilira kokora ndio mba!

Kwidzulitsa 3:20

Mukoonye avandu va Isiraeli vache vinyu kuduuka lwa vavugura kivala cha Yahova Nyasaye winyu avahezaa, imadioli wu mugera gwa Jorodani kandi kuduuka lwa Yahova aleka vamenye yo mu mirembe. Lwi nyima mwirane sa mulala mu kivala cha inzi mali kumuha.’

Kwidzulitsa 31:8

Yahova mwene alakwimilira kandi ave harara niivi. Sialamuleka anoho kumusura mba, kunangwa utakuza mwoyo anoho kutia mba.”

Kwidzulitsa 4:37

Kigira yayanza avaguuga vinyu, yatovola munyi, visukululwi viavo, kandi kuzinguru zizie zinene yamutuliza mu kivala cha Egebeti.

Joshua 1:5

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

Joshua 21:44

Yahova yavaha mirembe mu kivala chavo choosi kuli yaali niyasuuviriza avaguuga vaavo. Siyaali ho numundu kali avasigu vaavo waali unyala kuhingana navo mba, kigira Yahova yahaana ku vandu va Isiraeli iliguuta.

Joshua 22:4

Kalunu, kuli yasuuviriza, Yahova Nyasaye umali kuha vandu va Isiraeli vache vinyu mirembe. Kunangwa yirani yengo mu kivala cha mwavugula kuva chienyu, kivala keveeye Ivugwi wu mugera gwa Jorodani, icha Musa, mutumikiri wa Yahova, yaaha munyi.

Joshua 23:1

Inyima wi ing'inga indambi, Yahova yahaana ku vandu va Isiraeli ovososi kutura ku avasigu vaavo avavakumbiriza. Ku ing'inga yeyo, Joshua yaali musakulu ligali,