Kutwula 33:13 - KITABU KITAKATIFU

¹³ Niiva uyanziziywi ninzi, mbolera zing'anagani zizio, kunangwa nduuki kukutumikira kandi nzizagiliri kukuyaanziza. Wizulizi ndi umali kotovola ihiiri yiyi kuva ihiiri yooyo.”

Kutwula 33:13 Iomraidhean Croise

2 Samweli 15:25

Maku Mwami Daudi yavolera Zadoku, “Yiranyia Lisandugu lieligana mu Lidaala linene. Niiva Yahova ayanziziywi niinzi, lidiku lilala alakaleke ndirane kulilola kandi havundu ha limenya.

Zaburi 103:7

Yahova yavulira Musa lilohiza lie lisaavira lilie, kandi yaleka avandu va Isiraeli valore vikolwa vivie viokogenyia.

Zaburi 119:33

O, Yahova, unzigize kolonda malago googo; na ndagagumira kuduuka ku keheri.

Zaburi 25:4

O, Yahova, onzigize zinzira zizio; uzikole zimanyikane ku inzi.

Zaburi 27:11

O, Yahova, unzigize kokora aga wenyaa ngole, kandi unzimiliri kunzira yimirembe, kigira mbeeye na vasigu vanyingi.

Zaburi 51:13

Maku ndigiza avoni malago googo, na valagirung'ana kuivi

Zaburi 86:11

O, Yahova, unzigizi aga wenyaa ngole, na ndakuhulira nu vusuuvirifu vwosi, unzigizi kukutumikira nu mwoyo gwange gwosi.

Kutwula 3:10

Kalunu ngutumaa ku Mwami wa Egebeti kunangwa uduuki kwimilira avandu vange kutura mu kivala chiche.”

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Kutwula 32:12

Kigira ki avandu va Egebeti vavoole ndi ivi wimilira avandu vovo kutura mu kivala chavo kuvitira mu vigulu noveeye nililohiza liukuvadiviza ligali? Lekera kuva nu vutima; girung'anyia zing'anagani zizio, na utaleta ikivi yiki ku vandu vovo mba.

Kutwula 32:14

Kunangwa Yahova yaagirung'anyia zing'anagani zizie, siyaleeta ku avandu veve kivi cha yaali navooye mba.

Kutwula 32:7

Yahova yavolera Musa, “Yika hasi vwangu, kigira avandu vovo avawimilira kutura mu kivala cha Egebeti, vamali kwona mbitilira.

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Kutwula 5:1

Maku Musa na Haruni vazia ku Mwami wa Egebeti nivamuvoolera, “Yahova, Nyasaye wa Isiraeli, avoora, ‘Leka avandu vange vazie, kunangwa vaduuki konombera lisavo liu kuhaana luyali ku inzi mwigendanyama.’ ”

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Isaya 63:17

O, Yahova, kigira ki olekaa kunyi kogote kutura kuzinzira zizio? Kigira okolaa kunyi kove nikirage kali kuduuki kugirung'ana kutura ku ivi? Mwaza yirana ku kunyi kulwu vulahi vwa yavo avakutumikiraa ivi, kandi kulwa avandu yavo avaveeye avoovo kazozo kutura maziambiri.

Isaya 63:19

Kumali kugwa kuli yavo ava ivi wavula kwamiiha kali hakuzu, kandi kuli avandu avavura kulangwa ku lieta liilio.

Joeli 2:17

Avasaalisi avatumikiri va Yahova hagati hu vwali kandi nuvwingiliru vwi Litembeli, kuduuka valiri, vasaale na vavoole: “Yahova, overerere avandu vovo. Utaleka izihiiri zindi zikulege nokokokolera kehenyahenye nokovoora, ‘Aveeye hayi Nyasaye winyu?’ ”

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Varumi 11:28

Kigira vasuura makuva malahi, Avayuda vaveeye vasigu va Nyasaye kigira munyi vandu vizihiiri. Navuzwa kigira litovola lia Nyasaye, vaveeye avalina veve kigira avaguuga vaavo.

Vafeso 1:17

Saalaa kandi ndi, Nyasaye wu Mwami wiitu Yeso Kristo, Baba wuvukumi, ahaane ku munyi Roho weve ulikola munyi kuva avageri kandi ulivuula Nyasaye ku munyi kunangwa muduuki kumumanya vulahi ligali.

Kwidzulitsa 9:26

Kandi ndasaara ku Yahova, ‘O, Yahova Nyasaye Wuvunyali, utadiviza avandu voovo mba, avandu vawahonyia kandi nuvaleeta kutura Egebeti ku vonene vuvwo kandi ku zinguru zizio zinene.

Kwidzulitsa 9:29

Kali ndio yava vaveeye avandu vovo, va ivi watovola vave avoovo kandi avawatuliza Egebeti kuzinguru zizio zinene kandi ku vunyali vuvwo.’

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.