Kutwula 32:30 - KITABU KITAKATIFU

³⁰ Kunangwa lidiku lialondaku Musa yavolera avandu, “Mumali kokora uvwoni ovonene ligali. Navuzwa kalunu ndanigira kuzia mukigulu ku Yahova; mbula ndanyoora lisamiifwa kigira vwoni vwinyu.”

Kutwula 32:30 Iomraidhean Croise

2 Samweli 12:9

Kigira ki nuchaya amalago gange? Kigira ki nokora inguuva ndamanu yiyi? Ivi walaga Uria yiitirwi muvulwani. Waleka vandu va Amoni vamwiti; ma nuvugula mukali weve!

2 Samweli 16:12

Hawundi Yahova alalola liverera liange ma yambe uvugasu kuvugura ovogono vwi kilaamo chiche.”

2 Avami 17:21

Inyima wa Yahova yaali ni yakavukanyia Isiraeli kutura ku Ivuyuda, avandu va Isiraeli vakora Jeroboamu muyaayi wa Nebati kuva mwami wavo. Jeroboamu yavakola koleka Yahova wavo kandi navimilira kuduuka ku likora uvwoni vudamanu.

Zaburi 99:6

Musa na Haruni vaali vasaalisi veve; kandi Samweli yaali mulala ku avasaalaa kuye. Vanira ku Yahova naye yavativulira.

Kutwula 32:29

Musa yavolera vandu vi hiiri ya Levi, “Lidiku yili mumali kwivika halovega kuli vasaalisi mu vutumiki vwa Yahova kuliita vuli mundu muyaayi weve, amwavo weve kunangwa Yahova amuhe uvugasu vwivwe.”

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Jona 3:9

Hawundi Nyasaye alagirung'anyia zing'anagani zizie. Hawundi alalekela uvutima, na kunyi kulavula kukuza!”

Livalidza 16:47

Haruni yahulira, navugura zinju ziu muliru na zia hagati ha vandu vaali ni vaveeye. Lwa yalora ndi lukuzu lwali nilutangi yavika kimuli ku manda naakora mwima gwu kutakasa vandu.

Livalidza 25:13

Oyo harara ni visukululwe vivie valava ni lilagana liu vusaalisi mihiga ni mihiga, kigira yaali nuvuha mulihaana luyali ku Nyasaye weve kandi yaleeta vusamiihi vwu vwoni ku vandu va Isiraeli.”

Luka 15:18

Ndazia ku baba wange muvoolere, Baba ndayonera Nyasaye kandi ku ivi.

Luka 7:47

Kunangwa, ngovolera, vuyanzi vonene vwa amali kumanyia vudinyirizaa ndi, uvwoni vwivwe vunyingi vumali kusamiifa. Navuzwa ku vosi umali kusamiifa hakekeke amanyia vuyanzi vokekeeke vuzwa.”

Varumi 9:3

ndakayanzi Nyasaye yanaame kandi yanzavukanye kutura ku Kristo kigira avamwavo vange kandi aviiko vange.

Vagalatia 3:13

Kristo yakohonyia kutura mu kilaamo chi Lilaga lwa yagwa kilaamo kigira kunyi; kuli Mang'oda Matakatifu gavoora, “Mundu woosi usungwa ku musaala Nyasaye amulaami.”

Yakobo 5:16

Kunangwa, mwiyamirane uvwoni vwinyu aveene naveene kandi musaalirane aveene naveene, ku muduuki kohonywa. Lisaala liu umundu umulungi likonya ligali mu likora lie zinguru lialio.

1 Samweli 12:17

Eveeye ing'inga ye kemeyu? Navuzwa ndasaara, na Yahova aleetaa inguba ni imbura. Lwayaga gakolekaa, mulamanya ndi mwamala kokora uvwoni vonene ligali ku Yahova lwa mwamuteeva amuhe mwami.”

1 Samweli 12:19

kandi vavoolera Samweli, “Mwaza kusaaliri ku Yahova Nyasaye woovo, kunangwa kunyi avatumikiri vovo kuvuli kukuza. Kalunu kumanyi ndi, komeeda ku vwoni vwitu vundi vwosi, kwakora uvwoni ku liteeva koheevwe mwami.”

1 Samweli 12:20

Kunangwa Samweli yavativulira, “Mutatia mba. Kali niiva mwakora kindu kidamanu kuli yiki, mutagirung'ana kutura ku Yahova mba, navuzwa mumutumikiri nimioyo jinyu josi.

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.

1 Samweli 2:17

Uvwoni yivu vwa vayaayi va Eli vwali vudamanu ligali mu zimoni zia Yahova, kigira vavura kuhaana luyali ku vihaanwa via Yahova.