Kutwula 32:1 - KITABU KITAKATIFU

¹ Lwa avandu valora ndi Musa ulindagiyi kwika kutura mukigulu, vivungikiza himbi na Haruni, nivamuvoolera, “Sikumanyi ikimali kwekoleka ku mundu uyu Musa uwakwimilira kutura Egebeti mba; kunangwa okolombere umunyasaye unyala kukwimilira.”

Kutwula 32:1 Iomraidhean Croise

Litanga 19:14

Maku Loti yazia ku avanavizara venya koleta avakaana veve, navavoolera, “Mukore vwangu muturi havundu hano, kigira Yahova azizaa kudiviza lidaala yili.” Navuzwa valora ndi Loti akole kehenyahenye.

Litanga 21:26

Abimeleki yavoola, “Inzi si manyi uwakola yaga mba. Ivi wambolera ku mba, kandi yilu nu lwu kutanga inzi kuhulira ku yaga.”

Litanga 39:8

Navuzwa Josefu yasura na muvooleraa, “Henza, munene wange siamanyi kindu choosi munyumba yeeye mba, kigira amali kokora inzi kuva nuvunyari ku vindu viosi munyumba yeeye.

Litanga 44:15

Josefu yavoola, “Kindiki cha mumali kokora yiki? Si mumanyi ku mundu kuli inzi nyara kokora vusigitiri ma manye cha mukoli?”

Litanga 44:4

Lwa vaali ni vakazia logendo lwimbi kutura mu lidaala, Josefu yavolera mutumikiri winyumba yeeye, “Londelera avandu yava. Lwa uvanyoola, uvateeve, ‘Kigira ki mutungi uvudamanu ku vulahi? Kigira ki mwivi kekombe chu mugasa chu munene wange?

Zaburi 106:19

Valomba kemoli kigiriki chi zahabu ha Sinai, kandi nivasigamira kifananyi yicho.

Kutwula 13:21

Mbasu Yahova yimira imbiri wavo nu munara gwa malesi kuvamanyia inzira, na ing'inga yu vudiku yimira imbiri wavo nu munara gwu muliru ukuvaha uvulavu, kunangwa vaduuki kogenda mbasu nu vudiku.

Kutwula 14:11

Vavoolera Musa, “Gaveeye kigira vilindwa sivialiho mu Egebeti? Wakoleta hano kukuziri mwigendanyama? Nikindiki cha ive umali kokokolera yiki mulikutuliza mu Egebeti!

Kutwula 16:3

ni vavavolera, “Vwali vove vulahi Yahova alakwitira mu Egebeti. Uwene yeyo kwaali kwakikaaye hasi nukulia zinyama ni viukulia vindi vinyingi. Navuzwa munyi mukoleti mu changalangwi yiki kwosi kukuziri mu ninzara?”

Kutwula 20:23

Mutelombera avanyasaye vi izahabu anoho vizifeza vave viukusigamirwa komeeda ku inzi mba.

Kutwula 24:12

Yahova yavolera Musa, “Hamba ku inzi ku kiguru, na lwa oveeye hano, ndakuha ivibaho viviri via magina iving'odeeywi ku amalago goosi agu kwigiza avandu.”

Kutwula 24:18

Musa yazia yigulu ku kiguru niyingira mu malesi namenya yo madiku arubaini mbasu nu vudiku.

Kutwula 32:11

Navuzwa Musa yagoonya Yahova Nyasaye weve, navoora, “Yahova, kigira ki uvutima vuvwo voveeye ku avandu vovo, avawahonyia nuvunyari vuvwo vonene nuvatuliza mu kivala cha Egebeti?

Kutwula 32:22

Haruni yativura, “Utava nu vutima ninzi mba ivi umanyi vulahi avandu yava, vaveeye nu mwoyo gwokokola uvudamanu.

Kutwula 32:23

Vaamboleye ndi ‘Sikumanyi ichekolekaa ku mundu Musa uyu, uwakwimilira kutura Egebeti mba, kunangwa okolombere umunyasaye, ukwimirira.’

Kutwula 32:7

Yahova yavolera Musa, “Yika hasi vwangu, kigira avandu vovo avawimilira kutura mu kivala cha Egebeti, vamali kwona mbitilira.

Kutwula 33:3

Muzizaa mukivala kigunamu ligali. Navuzwa inzi mwene sindazia nimunyi mba, kigira muveeye avandu vi kirage, kandi hawundi nyara kumudivizira kunzira.”

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Hosea 12:13

Yahova yatuma muporofeti kuzia kosoola avandu va Isiraeli kutura muvutumwa mu kivala cha Egebeti kandi nukuvalinda.

Mika 6:4

Ndamutuliza mu kivala cha Egebeti; ndaamuhonyia kutura muvutugwa; ndaatuma Musa, Haruni na Miriamu kumwimilira.

Livalidza 14:22

siaveeyeho mundu kali mulala ku vandu yava uliduuka mu kivala yiki mba. Vamali kolola uvukumi vwange kandi vilolekizu viange via ndaakola mu Egebeti kandi mu changalangwi, navuzwa vamali kogeliza liekuzira liange haali kanyingi kandi vasuyi kumbulira.

Matayo 24:43

Navuzwa mwizurizi likuva yili Mwene inyumba alava niyamanya ing'inga yu mwivi yaazaa, ngano yakalindi, kandi siyakaleki inyumba yeeye ivunagwe mba.

Matayo 24:48

Navuzwa naava mutumikiri mudamanu, alevoolera umwene mu mwoyo gwigwe, ‘Mwami wange akizia,’

Vikolwa 17:29

“Kigira kunyi koveeye avana va Nyasaye, sivoveeye vulahi kuganagana ndi Nyasaye aveeye kuli izahabu, ifeza, anoho kali kuli ligina liavazwa; vindu viakongwa nu vusiza kandi no vogeri vwa avandu.

Vikolwa 19:26

Kalunu muloraa kandi muhulira ivindu via Paolo akolaa, sihaveeye hano mu Efeso mweng'ine, navuzwa kuduuka mu Asia mwosi. Paolo uyu agonyaa nagirung'anyia avandu vanyingi, na avoora ndi avanyasaye valombwa na avandu si vaveeye avanyasaye kali hakuzu mba.

Vikolwa 7:40

Vavoolera Haruni, ‘Okolombere avanyasaye avakwimilira mu logendo. Sikumanyi ichagwiira Musa mba, uwakwimilira kutura Egebeti.’

Kwidzulitsa 31:8

Yahova mwene alakwimilira kandi ave harara niivi. Sialamuleka anoho kumusura mba, kunangwa utakuza mwoyo anoho kutia mba.”

Kwidzulitsa 9:1

“Muhuliri, O, munyi avandu va Isiraeli! Kalunu muveeye ahimbi kwambuka Mugera gwa Jorodani, kwingira no kuvugura kivala keveeye chi zihiiri zinene kandi zie zinguru kuvita munyi. Madaala gaavo gaveeye manene kandi agumbakilwa lugaga lwa madigi matambi kuduuka mwigulu.

Kwidzulitsa 9:9

Inzi ndaazia mu kiguru kohevwa vibaho via magina iviang'odwa ku Lilagana lia Yahova yaali naalombi ni munyi. Ndamenya mu kiguru ku madiku arubaini, mbasu nuvudiku kandi sindaalia viukulia anoho kunwa amazi mba.

Joshua 7:13

Vuka! Uvavoolere, ‘Mwitakase munyi aveene mu lietegekera mugamba, kigira Inzi, Yahova Nyasaye wa Isiraeli, mbeeye na yaga kovora; “ ‘O, Isiraeli, muveeye ni vindu vilala hagati mu vindu vienyu via ndamulaga viononywe! Simunyala kusingira kulwaana avasigu kuduuka lwa mutuliza vindu yivi hagati hinyu.

2 Petro 3:4

valateeva, “Yalaga ndi alaza; na kalunu aveeye haliha? Avaguuga viitu vamala kukuza, navuzwa ivindu viosi vikiri vuzwa vilala viele kuli viali kutura lwe lirova lialombwa!”