Kutwula 31:18 - KITABU KITAKATIFU

¹⁸ Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.

Kutwula 31:18 Iomraidhean Croise

2 Avami 11:12

Hene yaho, Jehoyada yaleeta Joashi ichova, ma naviika itaji ku mutwi gwigwe, kandi naamuha malago gamiihaa uvwami. Maku Joashi yavakwa maguta kandi nalandizwa kuva mwami wi Ivuyuda; na vakuba makono gaavo ni vavoola, “Mwami ahindiri!”

Kutwula 24:12

Yahova yavolera Musa, “Hamba ku inzi ku kiguru, na lwa oveeye hano, ndakuha ivibaho viviri via magina iving'odeeywi ku amalago goosi agu kwigiza avandu.”

Kutwula 24:18

Musa yazia yigulu ku kiguru niyingira mu malesi namenya yo madiku arubaini mbasu nu vudiku.

Kutwula 8:19

Avakumu yavo vavoolera Mwami, “Nyasaye umali kokora yaga!” Navuzwa Mwami yadinyia mwoyo gwigwe ligali kandi kuli Yahova yaali navooye, Mwami Munene siyaahulira Musa na Haruni mba.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Matayo 12:28

Navuzwa inzi niimba ni ngungaa amademoni kuzinguru zia Roho wa Nyasaye, kunangwa mumanye ndi uvwami vwa Nyasaye vumali kuduuka ku munyi.

Luka 11:20

Navuzwa niiva inzi ngungaa amademoni kuzinguru zia Nyasaye, mumanye ndi Uvwami vwa Nyasaye vumali kuduuka ku munyi.

2 Vakorintho 3:3

Gaveeye havulavu ndi munyi muveeye va Kristo mwene yang'oda, yayaatuma kuvitira mu kunyi. Kristo siyageng'oda nu vwinu, navuzwa yageng'oda na Roho wa Nyasaye oveeye mwoyo. Siyageng'oda ku magina mavanze, navuzwa mu mioyo ja vandu.

Kwidzulitsa 10:4

Kunangwa Yahova yang'oda ku vibaho yivio amakuva malala meere aga yaali nang'odi ing'inga yukutanga, amalago likomi aga yahaana ku munyi lwa yamoloma kutura hagati hu muliru ku lidiku lia mwavunga ha kiguru. Yahova yamba vibaho zana;

Kwidzulitsa 4:13

Yamuvolera icha muduukana mukore kulinda lilagana lia yalomba ni munyi, kuduuka mulonde malago likomi, aga yang'oda ku vibaho viviri via magina.

Kwidzulitsa 5:22

“Yaga nigo malago ga Yahova yahaana ku munyi mwosi lwa mwavunga harara ha kiguru. Lwa yamoloma nu mwoyo munene kutura hagati hu muliru, kandi kutura mu malesi mamwamu namalitu, nikisundi kenene, yahaana malago yaga na siyameeda ku mba. Maku yagang'oda ku vibaho viviri via magina, ma niyamba.

Vahebraina 9:4

Mu Lihema yimwo mwaali mu nuvwaali vwi zahabu vwu kusambira ku kimuli kandi mwaali mu ni Lisandugu lie Lilagana liakunikwa ni zahabu. Lisandugu yilio liali mu nijuba yizahabu nayo yaali mu nimaana, kandi ni imbimbu ya Haruni yasivuka amatu, ni Vibaho viamagina viviri via malago gang'odwa ku.