Kutwula 30:7 - KITABU KITAKATIFU

⁷ Vuli mugamba lwa Haruni yaza kwetegekiza zitaya, kuduuka asambili ku kimuli kifunyaa mwayu mulahi.

Kutwula 30:7 Iomraidhean Croise

1 Kyetsinyinga 23:13

Muyaayi weve munene, yivula Haruni na Musa. Haruni ni visukululwi vivie vaviikwa halovega kutakasa viju vitakatifu viosi, kuhaana vihaanwa vie imuli ku Yahova, kumutumikira kandi kulandiza uvugasu ku vandu mu lieta lilie mihiga ni mihiga.

1 Kyetsinyinga 6:34

Uwaali muyaayi wa Elikana. Elikana yaali muyaayi wa Jerohamu, na Jerohamu yaali muyaayi wa Elieli, na Elieli naava muyaayi wa Toa.

2 Kyetsinyinga 2:3

Solomoni yatuma makuva ku Mwami Huramu wa Tiro: “Yaanza kola likiranyia nainzi kuli wakola na baba wange mwami Daudi, lwa wamugulizira misaala ji Midaragwa ju kwumbakira inyumba yeeye yu vwami.

2 Kyetsinyinga 2:4

Inzi nyumbakaa Litembeli ukuhaana luyali ku Yahova Nyasaye wange. Lilava havundu Hatakatifu aha avandu vange harara ni inzi kulamusigamira ho ni lisaamba kimuli chu kufunya mwayu mulahi, aha nakuhaanirange vihaanwa viu mugadi Mutakatifu gwu kumanyira ku kazozo, kandi aha nakuhaanirange vihaanwa viu kusambwa vuli mugamba na mugolova; kandi ku Masabato, masavo gi Mieli Mihia kandi na madiku gandi Matakatifu gukuhaana luyali ku Yahova Nyasaye wiitu. Yahova umali kulaga Isiraeli kokora ndio mihiga ni mihiga.

2 Kyetsinyinga 26:18

kumugaya. Va vola, “Uzia! Si oveeye nuvunyari kusamba kimuli ku Yahova mba. Avasaalisi veng'ine, avaveeye kisukururwi cha Haruni, nivo avatakaswa kokora yaga. Tula ahatakatifu yaaha. Ivi umali kwonera Yahova Nyasaye, na sialakugasiza kandi mba.”

2 Kyetsinyinga 29:7

Vahana viliango vie Litembeli, nivasiminya zitaya, kandi vavura kusamba vimuli anoho kuhaana vihaanwa viu kusamba mu Litembeli lia Nyasaye wa Isiraeli.

Zaburi 141:2

Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Kutwula 30:34

Yahova yavolera Musa, “Uvuguli vidonye vileng'ani kutura ku vitagwa vifunya mwayu yivi; isitakite, onicha, galibanumu, ni kimuli.

Kutwula 30:6

Uviiki ichova wu vwali yivu inguvu yukukinga imbiri wi Lisandugu lie Lilagana. Yaho niho havundu ha nzaganiri niivi

Kutwula 30:8

Kuduuka akole malala mere lwa ahambizaa zitaya hamugorova. Lihaana kimuli yili kuduuka lizizagiliri zing'inga ziosi ziza.

Kutwula 40:27

kandi nasamba kimuli kifunyaa mwayu mulahi kuvwo, kuli Yahova yaali naamulagi.

Kyavalevi 6:5

anoho kindu choosi cha yisuha nuvugaadi. Kuduuka yiranyie choosi na ameede ku kedieli kilala ku vitano chu vuguli kandi akihaane ku mwene cho ku lidiku lia ahaanaa kihanwa chiche chu uvwoni.

Livalidza 16:40

Yaga gaali lieganihiza ku vandu va Isiraeli ndi mundu woosi utaveeye wi chisukululwi cha Haruni atiisunda himbi kuvwaali nu kusambira Yahova kimuli mba. Niiva alakola ndio aladivizwa kuli Kora na vandu veve. Yaga goosi gekoleka kuli Yahova yaali nalagi Elieza kuvitira ku Musa.

Livalidza 7:56

Kandi yahaana ibakuli indala yi zahabu yu vulitu ziguramu 110, ni yizuuyi kimuli kifunyaa mwayu,

Luka 1:9

Yatovolwa nikura kuli mwima gwu vusaalisi, kwingira mu Litembeli liu Mwami, asambe kimuli ku vwali.

Vikolwa 6:4

Navuzwa kunyi kulahongera mu lisaala kandi mu lilwaza likuva lia Nyasaye.”

Kwidzulitsa 33:10

“Valigiza avandu vovo kuhulira Lilaga liilio; valahaana visiuviliru ku vwali vuvwo.

1 Samweli 2:28

Ndatovora avinyumba yeeye kuva vasaalisi vange, kutura mu zihiiri ziosi zia Isiraeli, kutumika ha vwali, kusaamba kimuli kandi kwivika kisibaho imbiri wange ukwenya zing'anagani kutura ku inzi. Kandi ndavaha uvunyali vwu kuvugura kedonye chi visiuviliru viukusambwa ku vwali.

1 Samweli 3:3

Samweli yaali naagonaa hatakatifu; aha Lisandugu litakatifu lie Lilagana lia Nyasaye liali. Ni vukikiri kucha, itaya nichakaa,