Kutwula 30:35 - KITABU KITAKATIFU

³⁵ Uvitumikiri kolomba kimuli kizuganyiywi mu maguta gafunyaa mwayu. Omeede ku ijumbi kugilinda eve indahi kandi indakatifu.

Kutwula 30:35 Iomraidhean Croise

1 Avami 1:39

Zadoku yavugula lwiga lwa maguta ga Muzeituni ga yaali naleti kutura mu Lihema liukuvuganira mu na Yahova kandi navaka Solomoni. Vaakuba visiliva, kandi vandu vosi vahanzuka, “Ahindiri mwami Solomoni!”

1 Kyetsinyinga 9:30

Navuzwa, vasaalisi vandi vaali nu vunyali vwu kuzuganyia no kolomba ivifunyaa mwayu.

Zaburi 133:2

Gaveeye kuli maguta guvuguli, agidolokaa hasi kutura ku mutwi kandi zinderu zia Haruni, kuduuka hasi ku lukigiti lwi zigaanza zizie.

Kutwula 28:41

Uviiki zinguvu yizi ziosi ku Haruni amwavo woovo na vayaayi veve. Maku uviiki makono kuvo kandi uvaviiki halovega ku livavaka maguta ga muzeituni; kunangwa vaduuki kundumikira kuli avasaalisi.

Kutwula 30:25

kandi olombe maguta matakatifu gukuvaka, agazuganywa kuli epoda nivifunya mwayu. Yaga galava maguta matakatifu gukuvaka.

Kutwula 30:34

Yahova yavolera Musa, “Uvuguli vidonye vileng'ani kutura ku vitagwa vifunya mwayu yivi; isitakite, onicha, galibanumu, ni kimuli.

Kutwula 30:36

Uvuguli kedonye kucho usie kigwi epoda indahi, ugihili mu Lihema liukuvuganira mu, kandi wuhi imbiri wi Lisandugu lie lilagana. Okole kimuli yiki keve kitakatifu ligali.

Tsing'ano 27:9

Maguta gu mwayu ni kimuli vikoleteraa uvuyanzi mumwoyo, navuzwa uvudinyu vwononyaa elielemeliza lie zing'anagani.

Lwimbu lwa Solomoni 1:3

Wivaki maguta gu muhomo; lieta liilio liveeye kuli amaguta gidorokaa, kunangwa avakali vakuyaanzaa.

Lwimbu lwa Solomoni 3:6

Nivwaha uyu uzaa kutura mu changalangwi kuli itiiru yu mwoki, yayivaka maguta gu mwayu ga manemane kandi gi kimuli, galombwa kutura ku mudarasini gwa vakiranyi?

Kyavalevi 16:12

alavugula kiju chi izahabu nikizuyi amanda gu muliru kutura ku uvwali na makono gaviri nigiizuyi kimuli kilahi ligali nukuvileta havundu hatakatifu ligali.

Kyavalevi 2:13

Ulavika ijumbi ku vuli kihanwa chu vuswage. Kigira ijumbi eveeye mu vogono vwi lilagana hagati hoho na Nyasaye woovo. Kuduuka uviiki ijumbi ku vihaanwa vivio viosi.

Yohana 12:3

Kunangwa Maria yavugula ijuba ya maguta gafunyaa umwayu, aginaridi enzere aguvuguli vonene. Yavaka virenge via Yeso, na niyeeya virenge zana ni liisu lilie. Inyumba yoosi yekolera mwayu.