Kutwula 30:13 - KITABU KITAKATIFU

¹³ Vuli mundu uvalizwa kuduuka atuungi mutungu gwa mabese genyekaa, nigabimiywi kolondekana ku vuguli vwavugilirwa na vanene. Vuli mundu kuduuka atuungi yaga kuli kihanwa ku Inzi.

Kutwula 30:13 Iomraidhean Croise

Litanga 23:15

“Mwami wange, mulimi goveeye gwu vuguli vwi vidonye vie ifeza 400, gene yago gaveeye kindiki hagati hiitu? Yavira mu muviri gu mukali woovo.”

2 Avami 12:4

Joashi yavolera avasaalisi. “Muvungize amabese goosi agaleetangwa mu Litembeli kuli vihaanwa vitakatifu, amabese gasololwaa kuli mabese ga vuli mundu akalagirwa kutunga kuli vusuuru, kandi amabese goosi agahaanwa nu vwihaani vwu mwoyo gwosi mu Litembeli lia Yahova.”

2 Avami 12:5

Vuli musaalisi anyoore mabese kutura ku mulala ku vaviiki, na gatumikirwi kolomba hi litembeli liasasuguka.

Kutwula 30:14

Vuli mundu uvalizwa, agaveeye kovora, vuli musaza oveeye ni mihiga sirini anoho kuvita ndio kuduuka yandungi mabese yaga.

Kutwula 38:24

Izahabu yoosi iyaavikwa halovega ku vutumiki vwa Yahova kigira Lihema Litakatifu lia Yahova yaali zikilo elefu ndala, yabimwa kolondekana nikibimu chavugilirwa nuvwamiihi.

Kutwula 38:26

Amabese yaga gaaleng'ana na mabese ga avandu vavalizwa vosi vatuunga, vuli mundu yatunga kedonye chayatevwa kutuunga, kolondekana nikibimu chavugilirwa nuvwamiihi. Avandu vaali ni mihiga sirini kuzizagilira, vaduuka 603,550.

Ezekieli 45:12

“Ligera lienyu lilava kuli ndi, zigera 20 lilava Shekeli 1, zichekeli 60 zilava mina 1

Kyavalevi 27:25

Vuguli vwosi vulalohizwa nukuviikwa ho kolondekana na yivwo vwavugilirwa na avasaalisi.

Kyavalevi 27:3

Kolondekana nu vuguli vwavugilirwa, musaza muhindira, wi mihiga sirini kuduuka sitini; alatungaa vidonye amusini vie ifeza.

Kyavalevi 5:15

Niiva mundu woosi alakola uvwoni vugira kumanya ku livula kutunga vindu viveeye vitakatifu ku Yahova, alatungaa kihanwa chi ligondi likore anoho imburi ekore itaveeye nimbara. Vuguli vwayo vulamanyikana kolondekana nu vuguli vwavugilirwa.

Livalidza 18:16

Lwa vana vava nivaveeye mweli mulala gavadukiraa viirane kugulwa ku mutungu gwi vidonye vitano vie ifeza kolondekana nekegero chu mulihema.

Livalidza 3:47

Ulatuunga vidonye 5 vie ifeza ku vuli mulala, kolondekana nuvuguli vwavugililwa.

Livalidza 7:67

Yahaana isahani indala yi ifeza yuvulitu kiloguramu 1.5, ibakuli yi ifeza yuvulitu ziguramu 800, kolondekana ni legera lie Lihema Litakatifu. Viombi vizura uvusie vwazuganywa amaguta kuva kuli vihaanwa viu vuswage.

Livalidza 7:86

Vuli ibakuli yi zahabu ni yizuuyi kimuli kifunyaa mwayu yu vulitu ziguramu 110, kolondekana ni ligera lie Lihema Litakatifu. Zisahani ziosi zie zahabu 12, ziali nu vulitu kiloguramu 1.5.

Matayo 17:24

Lwa Yeso na vigi veve vaduuka Kaperinaumi, avasololi vuvusuuru vwi Litembeli vazia ku Petero ni vamuteeva, “Mwigizi winyu atungaa uvusuru vwi litembeli?”

Matayo 21:12

Yeso yingira mu Litembeli lia Nyasaye, nakunga avandu vosi avaari nivagulizaa nukugula ivindu. Yaatung'aminya izimesa zia vakiranyi va mabese, ni zindeve zia yavo avagulizaa vidudi.

Matayo 27:24

Lwa Pilato yalora ndi sianyala kokora kindu, kandi iliyoga limeedeki, yavugula amazi niyisaava makono geege imbiri wi kiduma, navoora, “Inzi simbeeye nimbala ku likuza liu mundu mulungi uyu mba. Gaveeye ku munyi aveene.”