Kutwula 3:8 - KITABU KITAKATIFU

⁸ Kunangwa Inzi mali kuuza kuvasoora kutura ku vandu va Egebeti, nukuvaleeta mu kivala chu vwiyangu, kitugi kandi kenoru cha vandu va Kanaani, Hiti, Amori, Perizi, Hivi, na Jebusi.

Kutwula 3:8 Iomraidhean Croise

Litanga 11:5

Maku Yahova yaza kutura mu ligulu kolola lidaala linene harara nu munara gwa vandu vaali ni vumbaki.

Litanga 11:7

Gendi kuzie kogoyanyia lulimi lwavo kunangwa vavuli kuhulirizana aveene na vene.”

Litanga 15:13

Maku Yahova yavolera Aburamu, “Visukululwi vivio vilava vigeni mu kivala kegeni; vilava vatumwa wene yeyo kandi viladambizwa ku mihiga 400.

Litanga 15:14

Navuzwa inzi ndakahaane mageri ku ihiiri ya vatumikira kuli vaatumwa. Lwinyima valanyora miandu minyingi.

Litanga 18:21

Inzi kuduuka nzie yo nukutunyiliza niiva viyaalo viamali kuhulira niviagiligali.”

Litanga 43:11

Baba wavo yavavolera, “Niiva nindio genyekaa gave, muvuguli viukulia vilahi kutura mukivala chiinyu ma muviiki mu misigo jiinyu muhiliri umundu oyo kuli kihanwa: Maguta gu mwayu makekeeke, vwuki, munyovo, manemane nizinzoli ziokulia.

Litanga 46:4

Inzi ndakazie na ivi mu Egebeti, kandi ndakiranyie visukululwi vivio mukivala yiki. Josefu alakave harara na ivi lwa ulakakuzi.”

Litanga 50:24

Yavolera avamwavo veve, “Inzi mbeeye ahimbi kukuza, navuzwa Nyasaye alamulinda. Alamutuliza mukivala yiki nukumuhira mukivala chayisuhizira Aburahamu, Isaka, kandi Yakobo.”

1 Kyetsinyinga 1:15

Vahivi, Varikate na Vasini,

Nehemia 9:8

Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 12:6

Makuva ga Yahova gaveeye giligali kandi gukusuuvirwa, gaveeye agiligali kuli izahabu isiyirwa mu kisambiru haali saba.

Zaburi 34:8

Mwenyelerizi uvulahi vwa Yahova, kandi vaveeye nuvugasu avanyoora ovohonyi muye.

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Kutwula 12:41

Lidiku liu kumalirika lie mihiga 430, zihiiri ziosi zia avandu va Yahova ziatula mu kivala cha Egebeti.

Kutwula 12:51

Ku lidiku yilio Yahova yaatuliza avandu va Isiraeli kutura Egebeti mu miganda jaavo.

Kutwula 13:5

Yahova yasuuviriza ku liesuuha avaguuga vinyu kuha munyi kivala cha vandu va Kanaani, Mori, Hiti, Muhivi, kandi na Jebusi. Lwa amuleeta mukivala chu vutugi, kandi kenoru, kuduuka kenoru, mulindi nukwizuliza lidiku lie Lipasaka ku mweli gwukutanga vuli muhiga.

Kutwula 3:17

Mali kotovola ndi ndamuleeta kutura mu kivala cha Egebeti wavadambizirwa, nukuvahila mu kivala keveeye kitugi kandi kenoru, kivala cha vandu va Kanaani, Hiti, Hivi, Vajebusi, Amori, na Perizi.

Kutwula 34:11

Mulonde amalago ga inzi muheezaa lidiku lia kalunu. Ndakunga vandu va Mori, Kanaani, Hiti, Perezi, na Jebusi vatuli imbiri winyu lwa mwisuunda kuvingilira.

Kutwula 5:23

Kutura ninzia kokomolomera ku mwami wa Egebeti oyo umali kokolera vandu va Isiraeli vindu vidamanu ligali. Na ivi siuvakonyi ku nikindu choosi kuvahonyia mba!”

Isaya 36:17

kuduuka lwu mwami munene mwene amwidikiriza mu kivala keveeye kuli chienyu, uwi vizabibu viveeye yo viokuhaana iwaini, kandi uwi ingano eveeye yo kolomba migadi.

Isaya 64:1

O, Yahova wakatanduyi ligulu ma wiki hasi ku lirova, kunangwa vigulu viakaadegeya imbiri woovo!

Jeremia 11:5

Hene yaho, ndaduukiza lilagana lia ndaalomba na avaguuga vaavo ndi: ndakavahe uvutugi kandi kivala kigunamu cha vamenyi mu kalunu.” Inzi Jeremia ndaavoora, “Yee Yahova.”

Jeremia 2:7

Ndaavaleta mukivala kigunamu, kusangalira ligesa lia cho kandi vindu via cho vilahi. Navuzwa lwa vaza mukivala yiki, ni vakekola kuva hazwa, kandi ni vachononyia, kivala chandaali ndahana kuvo.

Jeremia 32:22

Ivi wavaha kivala yiki kuli waali ni wisuhira avaguuga vaavo kuvaha kivala cha malova magunamu.

Ezekieli 20:6

Ku lidiku yilio lwa ndaavalaga ndi ndavatuliza mu kivala cha Egebeti nu kuvahila mu kivala cha ndaali nimbatovoleye, kivala kenoru kandi kigunamu ligali, kivala chaali kilahi ligali kuvita vivala vindi viosi.

Kyavalevi 20:24

Navuzwa Inzi mali kumusuuviriza ndi ndamuha kivala kitugi kandi kenoru yiki kuva miandu jinyu. Inzi mbeeye Yahova Nyasaye winyu, kandi mali kumwahula kutura mu zihiiri zindi.

Amosi 2:10

Ndaamutuliza mu kivala cha Egebeti, na ndamwimilira kuvitira mwigendanyama ku mihiga arubaini kandi niimuha kivala cha avandu va Amori kuva kivala chienyu aveene.

Livalidza 13:18

Mwenyelerizi kuli kivala yiki keveeye, niiva vandu vamenyi mucho vaveeye vizingulu noho avadedekere, kandi vaveeye avanyingi noho vakekeeke.

Livalidza 13:19

Mulole niiva kivala yiki keveeye kilahi noho kidamanu, kandi niiva vandu vamenyi mu madaala magalamu noho amadara gaveeye ni zimbinga.

Livalidza 13:27

Vavoolera Musa, “Kumali kuduuka mu kivala cha wakutuma. Kutunyirizi konyooye ndi, keveeye kivala kigunamu kandi kenoru ligali; yaga na makuyu gakoleeti kutura mucho.

Yohana 3:13

Siaveeyeho nu mundu uwaazia kuduuka mwigulu, natali Mwana wa Adamu uwiika kutura mwigulu.”

Yohana 6:38

Kigira inzi sindaaza kutura mwigulu kokora uvulariri vwange, navuzwa kokora uvulariri vwa oyo uwanduma.

Kwidzulitsa 1:25

Lwa virana vakoletera ku makuyu ga vanyoola yo ma nivakovoolera ndi kivala cha Yahova, Nyasaye wiitu ahaanaa ku kunyi yicho keveeye kenoru ligali.

Kwidzulitsa 1:7

Kalunu musambuli hokososa hinyu kandi muzizagiliri nologendo lwinyu. Muzie mu kivala chi vigulu cha vandu va Amori kandi hoosi muvivala vio votende vwacho mu Arebia, mu kereremo cha Jorodani, mu kivala chi vigulu namavoona, mu kivala chisavaalu wa Kanaani kandi kuduuka ku lujinga lwinyanza enene ya Meditareniani. Muzie kali kuduuka mu kivala cha Kanaani kandi kuduuka engereka wi vigulu via Lebanoni, kandi kali kuduuka ku Mugera munene gwa Efurate.

Kwidzulitsa 27:3

kandi mung'ode kugo malago na amigizu yaga goosi lwa muva mwakambuka nu kwingira mu kivala kigunamu yicho cha Yahova, Nyasaye wa vaguuga vinyu, yamusuuviriza,

Kwidzulitsa 28:11

Yahova alamuha avana vanyingi, zing'ombe zinyingi, ni viamo vinyingi mu kivala cha Yahova Nyasaye winyu yasuuviriza kuhaana ku avaguuga vinyu.

Kwidzulitsa 6:3

O, munyi avandu va Isiraeli, mugahulirizi kandi mugalonde! Maku vindu viosi vilava vilahi ku munyi, kandi muduuki komeedeka kuva ihiiri enene ligali kandi mumenye mukivala kitugi kandi kenoru yiki kuli Yahova Nyasaye wa avaguuga vinyu amali kumusuuviriza.

Kwidzulitsa 7:1

“Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Joshua 5:6

Avandu va Isiraeli vagendagenda mu changalangwe ku mihiga arubaini, kuduuka lwa vasaza vosi, avilikula liu kuzia muvulwani lwa vaatura Egebeti, vaali nivakakuza, kigira vavura kuhulira Yahova. Kuli Yahova yaali niyisuuhi, sivavugilirwa kolola kivala cha malova magunamu icha yaali niyamala kusuuviriza ndi alahaana kuvaguuga vaavo mba.

Joshua 9:1

Uvuguuti vwa vandu va Isiraeli vwamanyikana ku vami vosi avaari imadioli wa Jorodani, muvivala vie vigulu, vie vireremo kandi viu kulujinga lwi inyanza ya Meditareniani kuduuka ivaale mu kivala cha Lebanoni. Yava vaali avami va vandu va Hiti, Amori, Kanaani, Perezi, Hivi kandi Jebusi.

Joshua 9:7

Navuzwa avandu va Isiraeli vavoola, “Kigira ki kolombe lilagana ni munyi? Hawundi mumenyi ahimbi hano.”