Kutwula 3:7 - KITABU KITAKATIFU

⁷ Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Kutwula 3:7 Iomraidhean Croise

Litanga 16:11

Ivi ulivula mwana muyaayi, na ulamugulika lieta lilie Ishimaeli, kigira Yahova amali kuhulira lianira liilio liu kudambizwa.

Litanga 18:21

Inzi kuduuka nzie yo nukutunyiliza niiva viyaalo viamali kuhulira niviagiligali.”

Litanga 21:17

Lwa Nyasaye yahulira muyaayi nalira, engelosi wa Nyasaye yalanga Hagari kutura mu ligulu kandi navoora, “Hagari kigira ki ohenda mwoyo? Utatia mba. Inzi mali kuhulira muyaayi woovo nalira.

Litanga 29:32

Lea yavereka kandi niyiivura mwana muyaayi. Yavoola, “Yahova ololi vudinyu vwange kandi kalunu musaza wange alanyaanza.” Kunangwa yamugulika Rubeni.

Litanga 31:12

Yavoola, ‘Henza zimburi zikole ziosi izituuma chayo ziveeye ziu vubalabale kandi zio vong'orang'ore Inzi ngola yaga kokoleka kigira mali kolola goosi aga Labani akokoraa.

Litanga 31:42

Nyasaye wa baba wange, Nyasaye wa Aburahamu kandi Nyasaye wa Isaka alavula kuva harara ninzi, ngano wangunga vugira kindu choosi. Navuzwa Nyasaye umali kolola uvudinyu vwange kandi linyang'ana lie miyinzi jange. Uvudiku vwa mugolova, uhaani likalaga lilie lirungi.”

2 Samweli 22:28

Ivi ohonyia yavo avaveeye avahoma navuzwa ogehizaa yavo avaveeye avigingiri.

2 Avami 13:4

Maku Jehoahazi yasaala ku Yahova, na kigira Yahova yalora kuli mwami wa Siria yadambizaa Avaisiraeli nu vululu, yamutivulira lisaala lilie.

2 Avami 20:5

yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

Nehemia 9:9

“Ivi walola kuli avaguuga viitu vakuba kivi mu Egebeti; Ivi wahulira lilira liavo kigira ovokonyi ha Inyanza Inzakanyu.

Zaburi 106:44

Navuzwa Yahova yahulira lwa vanira kuye, kandi yalora lidambizwa liavo.

Zaburi 12:6

Makuva ga Yahova gaveeye giligali kandi gukusuuvirwa, gaveeye agiligali kuli izahabu isiyirwa mu kisambiru haali saba.

Zaburi 142:3

Lwa inzi mbeeye ahimbi kukuza umwoyo, ivi umanya cha ndukanaa ngole. Avasigu vange vavisi mitego mu zinzira ziange ziangendaa mu.

Zaburi 145:19

Ahaanaa lienya lia yavo vosi avamutizaa, ahuliraa lirira liavo nukuvahonyia.

Zaburi 22:24

Yahova siadunyiraa kandi sialekaa avadedekere mu kivi chavo mba. Siagirung'anaa kuvaleka mba, lwa vanira kuye avakoonye, avativuliranga.”

Zaburi 34:4

Inzi ndasaara ku Yahova, naye yandivulira; yaamboholola kutura mu uvuti vwange vwosi.

Zaburi 34:6

Sivaveezaa mu zisoni mba. Mundu mudaka yaniraa ku Yahova, na Yahova ahulira, kandi amuhonyia mu vudinyu vwivwe vwosi.

Zaburi 35:22

O, Yahova, navuzwa ivi, umali kolola yaga. Kunangwa, utakiring'ana mba, utava ihale kutura ku inzi mba.

Zaburi 9:14

nduuki kusingira nuvuluviliri imbiri wa vandu va Jerusalemi, kandi nduuki kuvavoolera vindu viosi ivigiraa ningwizominya. Inzi ndasangara kigira ivi umali kombonyia.

Kutwula 1:11

Kunangwa vandu va Egebeti vaviika vimiliri valulu kusaliriza vandu va Isiraeli ni miyinzi midinyu. Avandu va Isiraeli vumbakira Mwami amadara manene ga Pitihomu na Ramesesi gatumiki kuli havundu hi videera vwu mwami.

Kutwula 1:8

Maku mwami muhia yavikwa mu Egebeti, uwavula kumanya Josefu.

Kutwula 22:23

Niiva mulakola ndio, inzi, Yahova, ndavativulira lwa vanira ku inzi mbakonye,

Kutwula 33:13

Niiva uyanziziywi ninzi, mbolera zing'anagani zizio, kunangwa nduuki kukutumikira kandi nzizagiliri kukuyaanziza. Wizulizi ndi umali kotovola ihiiri yiyi kuva ihiiri yooyo.”

Kutwula 5:10

Avasingiliri va avatugwa na vasingiliri na vandu va Isiraeli vazia nivavolera vandu Vaisiraeli ndi, “Mwami sialamuha uvunyasi vundi kandi mba.

Kutwula 5:6

Lidiku zana yilio, Mwami yalaga avasingiliri va vatugwa Egebeti na vimiliri va vandu va Isiraeli navoora,

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Livalidza 20:16

navuzwa kwalilira Yahova ahaane vokonyi kukunyi. Yahulira lilira lietu na yatuma engelosi wa kwimilira kutura Egebeti. Kalunu koveeye ha Kadeshi lidaala liveeye kulwako ni kivala chicho.

Vikolwa 7:34

Mali kolola vusaliri vwa avandu vange vasalirizwa mu Egebeti ligali. Mali kuhulira lilira lielikenya liavo, ninzi mali kuuza nduuki kuvahonyia. Ku lwa yago hamba hano, ngutumi uzie Egebeti.’

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.

1 Samweli 9:16

“Mugamba, ahimbi ing'inga kuli yiyi ndakutumira mundu musaza kutura mu ihiiri ya Benjamini; umuvake amaguta kuli mwami wa vandu vange va Isiraeli. Alavasoola kutura ku vandu va Filisitia. Mali kolola linyang'ana lia vandu vange kandi mali kuhulira lianira liavo nilienya vokonyi.”