Kutwula 3:22 - KITABU KITAKATIFU

²² Vuli mukali wa Isiraeli, alazia ku mutende weve mu Egebeti nu ku mukali woosi Umwegebeti omenyi munyumba yeeye amusave zinguvu kandi viju vie izahabu ni ifeza. Avandu va Isiraeli valaviika vindu yivi ku avayaayi na vakana vaavo na valazia nuvutugi vwa vandu va Egebeti.”

Kutwula 3:22 Iomraidhean Croise

Litanga 15:14

Navuzwa inzi ndakahaane mageri ku ihiiri ya vatumikira kuli vaatumwa. Lwinyima valanyora miandu minyingi.

Litanga 24:53

Yahaana ku Rabeka viju vie zahabu kandi ifeza harara ni zinguvu. Kandi yahaana ku mbozo weve na mama weve vihaanwa viu vuguli vudinyu ligali.

Zaburi 105:37

Maku yimilira avandu va Isiraeli kutura ichova, vaginga ifeza ni zahabu, kandi vosi vaali avalamu kandi vizingulu.

Kutwula 11:2

Kalunu omolome ku avandu va Isiraeli kandi uvavoolere vosi vasave avatende vaavo iviju viefeza ni vie izahabu.”

Tsing'ano 13:22

Mundu mulahi aleka miandu jije kuvisukulu veve, navuzwa miandu javoni jilahevwa vandu avalungi.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Ezekieli 39:10

Sivalakazie kwenya zingu mu mulimi anoho kotema misaala mu mulitu mba, kigira valakave nivaveeye ni viugi kuhambizira muliru. Valakatege nukugumira yavo avavatega, kandi valanuule yavo avavalinuula.” Yahova Wuvunyali umali kovora.