Kutwula 3:15 - KITABU KITAKATIFU

¹⁵ Volera vandu va Isiraeli ndi inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo undumi kuvo. Yili ni lieta liange mihiga ni mihiga; kandi nilio lidukanaa makura na makura gaaza goosi ganange.

Kutwula 3:15 Iomraidhean Croise

Litanga 24:12

Yasaala navoora, “O, Yahova Nyasaye wa Aburahamu, ombe ingavi indahi kalunu inzi saala ku ivi, kandi umanyie munene wange Aburahamu vuyanzi vutaveeye ne keheri.

1 Kyetsinyinga 16:16

lilagana lia yalomba na Aburahamu kandi lilagana lia yisuhira Isaka.

1 Kyetsinyinga 29:18

O, Yahova Nyasaye wa vaguuga viitu Aburahamu, Isaka na Yakobo, viika liehaana yili mu mwoyo, live Lie zinguru mu mioyo ja avandu vovo ku mihiga ni mihiga, na ugikole give misuuvirifu ku ivi kazozo.

2 Kyetsinyinga 28:9

Haali ho nu muporofeti wa Yahova, uwalangwa Odedi wamenyaa mu lidaala linene lia Samaria. Yagana ni liihi lia Isiraeli liali nivirana na vahambe kutura Ivuyuda lwa vaali nivaveeye ahimbi kwingira mu lidaala linene ma navavoolera, “Yahova Nyasaye wa vaguuga vinyu yavihilirwa na vandu vi Ivuyuda ma naleka munyi muvaguuti; navuzwa kalunu umali kuhulira kuli munyi mu vasinzi mu vutima vonene vugira livelererwa, kali yaga goosi gaduuki mwigulu.

Zaburi 102:12

Navuzwa ivi O, Yahova, oveeye mwami mihiga ni mihiga. Amakura goosi galizuliza liela liilio mihiga ni mihiga.

Zaburi 102:13

Ivi ulasingira nokovererera Ziyoni zimbavasi; ing'inga iduuki yukulivera zimbavasi. Yiyi niyio ing'inga indahi idukanaa.

Zaburi 135:13

O, Yahova, kulalandiza ivi kuli Nyasaye mihiga ni mihiga; kandi amakura goosi galakwizuliza.

Zaburi 30:4

Mwimbiri Yahova zinyimbu zie lizominywa, O, munyi mwosi avasuuvirifu veve; mwizurizi aga uyu Mutakatifu amali kokora na mumusandize!

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Zaburi 68:5

Nyasaye, omenyaa mu Litembeli lilie litakatifu, aveeye mulindi wa vavisandu kandi mukingi wavakunzakari.

Zaburi 72:17

Leka lieta liu mwami lizulizwi mihiga ni mihiga; ulusuma lwilwe luhindiri kuli liuva! Leka zihiiri ziosi ziteeve Nyasaye azigaasizi kuli amali kugasiza mwami!

Zaburi 72:19

Lieta lilie liuvukumi lizominywi uvukumi vwivwe vwizuli lirova liosi. Amini! Amini!

Kutwula 15:2

Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe

Kutwula 15:3

Yahova aveeye wuvulwaani; Lieta lilie ni Yahova.

Kutwula 3:13

Maku Musa yavolera Nyasaye, “Lwa nduuka ku avandu va Isiraeli nukuvavoolera, ‘Nyasaye wa avaguuga vinyu undumi ku munyi,’ valandeva ndi, ‘Lieta lilie nivwaha?’ Kunangwa nambavoolere ndi?”

Kutwula 3:6

Inzi mbeeye Nyasaye wa avaguuga vinyu, Nyasaye wa Aburahamu, Isaka na Yakobo.” Kunangwa Musa yafuma mumoni mwimwe, kigira yatia kohenza Nyasaye.

Kutwula 4:1

Maku Musa yativulira Yahova, “Galava ki niiva vandu va Isiraeli sivalaasuuvira kandi sivalahulira agambooraa. Ndakora ki niiva valavoora ‘Yahova siyaaloleka ku ivi mba.’ ”

Kutwula 4:5

Yahova yavoola, “Okole yaga kumanyia Isiraeli ndi Inzi Yahova, Nyasaye wa vaguuga vaavo, Nyasaye wa Aburahamu, wa Isaka, na Yakobo, umali kololeka ku ivi.”

Kutwula 6:2

Nyasaye yamoloma ku Musa navoora, “Inzi mbeeye Yahova.

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Isaya 26:8

O, Yahova kunyi kolondaa uvulariri vuvwo, kandi kuvikaa lisuuvirizwa lietu mu ivi; ni ivi weng'ine wa kwegomba kwizuliza.

Isaya 42:8

“Inzi mbeeye Yahova Nyasaye winyu, siaveeye ho numunyasaye wundi ohevwa vukumi vwange mba; anoho sindaleka vifananyi vinyoole lizominywa liange.

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 33:2

Yahova walomba lirova, kandi naalivika muvogono vwa lio, lieta lilie liveeye Yahova, yavoola,

Danyeli 2:23

Ngwizominya nu kuhaana luyali kuivi Nyasaye wa vaguuga vange; umali kumba vogeri kandi zinguru; umali kuhaana mativuli gilisaala liange, kandi umali kukumanyia aga kovoolera mwami.”

Hosea 12:5

Uyu ni Yahova Nyasaye Wuvunyali Yahova liveeye lieta lienyekaa lisigamirwi.

Hosea 12:6

Kunangwa munyi visukululwi via Isiraeli, musuuviri mu Nyasaye winyu kandi mwirane kuye. Muve avasuuvirifu kandi vilikalaga lirungi, ma ku mulindiliri Nyasaye winyu kazozo.

Kyavalevi 24:11

Mundu oyo yanyega Nyasaye ni kilaamo; maku vamuhira ku Musa. Mama weve yalangwa Shelomizi mukaana wa Deburi kutura muhiiri ya Dani.

Mika 4:5

Vuli ihiiri ilasigamira nukutia vasigamira mu liitia umunyasaye waavo, navuzwa kunyi kurasigamira nu kutia Yahova Nyasaye wiitu mihiga ni mihiga.

Malaki 3:6

“Inzi mbeeye Yahova kandi singirung'anaa mba, kunangwa munyi, visukululwi via Yakobo, simulagota vosi ligali mba.

Matayo 22:32

‘Inzi mbeeye Nyasaye wa Aburahamu, Isaka Nyasaye wa Yakobo?’ Ku, siaveeye Nyasaye wa avakuzu, navuzwa aveeye Nyasaye wa avaveeye mwoyo.”

Vikolwa 3:13

Nyasaye wa Aburahamu, Isaka na Yakobo, Nyasaye wa avaguuga viitu, uhaani vukumi vwu vunyasaye ku Mutumikiri weve Yeso. Navuzwa mwamuzaama kandi nimumuhaana ku vamiihi kandi mwamwambakana imbiri wa Pilato, kali lwa Pilato yaali niyakaganagana kumuvoholora.

Vikolwa 7:32

‘Inzi mbeeye Nyasaye wa avaguuga vovo, Nyasaye wa Aburahamu, Isaka na Yakobo!’ Musa yadegera kigira uvuti, kandi si yaluvirira kohenza yo mba.

Kwidzulitsa 1:11

Yahova, Nyasaye wavaguuga vinyu, amukole mumedeke haali elefu kuvita kuli muveeye, kandi amugasizi kuli yamusuuviriza.

Kwidzulitsa 1:35

‘Sihaveeye ho numulala ku likula lidamanu yili ulingira mu kivala kenoru yicho ichandasuuviriza ndahaana ku avaguuga vinyu mba.

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Vahebraina 13:8

Yeso Kristo aveeye mulala mwere, mugolova, kalunu kandi kuduuka mihiga ni mihiga.