Kutwula 29:7 - KITABU KITAKATIFU

⁷ Maku uvuguli amaguta gu kuvaka, uzuki ku mutwi gwigwe, ma umuvake.

Kutwula 29:7 Iomraidhean Croise

Zaburi 133:2

Gaveeye kuli maguta guvuguli, agidolokaa hasi kutura ku mutwi kandi zinderu zia Haruni, kuduuka hasi ku lukigiti lwi zigaanza zizie.

Zaburi 89:20

Inzi mali kokora mutumikiri wange Daudi kuva mwami, mali kumuvaka amaguta matakatifu.

Kutwula 28:41

Uviiki zinguvu yizi ziosi ku Haruni amwavo woovo na vayaayi veve. Maku uviiki makono kuvo kandi uvaviiki halovega ku livavaka maguta ga muzeituni; kunangwa vaduuki kundumikira kuli avasaalisi.

Kutwula 40:13

uviiki Haruni zinguvu ziuvusalisi na umuvake amaguta, na munzira yiyi umutakase aduuki kundumikira kuli musaalisi.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Kyavalevi 10:7

Mutatuli mu vwingiliru vwi Lihema liukuvuganira mu na Yahova mba, gase mulakuza; kigira mwatakaswa lwa mwavakwa maguta ga Yahova.” Kunangwa vaakora kuli Musa yavoola.

Kyavalevi 21:10

“Musaalisi Munene uva navakiywi amaguta ha vamwavo veve, uwa gukutakasa ku mutwi gwigwe, kandi uwaatakaswa nu kwiviikwa zinguvu ziu vusaalisi, alavula kusanula liisu lilie mba, anoho ataanduli zinguvu zizie kumanyia ndi aveeye mulisioma mba.

Kyavalevi 21:12

Kandi sialatula ichova wi Lihema litakatifu liange, anoho kwonogonyia ahatakatifu hange mba. Kigira yaavikilwa ku makono kuvaka maguta gange. Inzi mbeeye Yahova.

Kyavalevi 7:35

Yiki nicho kedonye chi chukulia kihanwa ku Yahova chaali chahaanwa ku Haruni harara na vayaayi veve ku lidiku lia vavakwa maguta, vatumikiri Yahova kuli avasaalisi.

Zekaria 4:14

Maku yavoola, “Yava na vasaza 2 va Nyasaye amali kotovola nu kuvavaka maguta vaduuki kutumikira Yahova wi kivala choosi.”

Livalidza 35:25

Muganda gwenyeka gohonyie oyo wita mundu mu matava kutura ku mwiko wa oyo witwa, venyeka vamwiranyie mu lidaala linene wa yaali ni yirukiyi gamudukira amenye mu lidaala yili kuduuka lwu mundu uva naveeye musaalisi munene akuza.

Yohana 3:34

Uyu wa Nyasaye yatuma amolomaa amakuva ga Nyasaye, kigira Nyasaye amuhezaa uvudukiru vwa Roho weve vugira kegero.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.