Kutwula 29:40 - KITABU KITAKATIFU

⁴⁰ Uhaane ikilo ndala yu vusie uvunyuki vwi ingano ni vuzugani ilita ndala ya maguta malahi ga muzeituni lwa uhaana kememe chukutanga. Uzuki ilita ndala yi waini eve kuli ikihaanwa chukunwa.

Kutwula 29:40 Iomraidhean Croise

Litanga 35:14

Ahene yaho, aha Nyasaye yaali na molomi na Yakobo, Yakobo yavika ho munara gwa magina gove kuli chukwizuliziraku. Yasundula ku iwaini na maguta ga muzeituni kandi nagutakasa.

2 Avami 3:20

Mugamba gwalonda ku, ku ing'inga yu kuhaana visiuviliru via mugamba kuli kazozo, amazi gaaza nigagenda kutura lovega lwa Edomu nigakunika kivala choosi.

Kutwula 16:36

Ligera zana liadukanaa no voleng'ani vwi zilita silini.

Kutwula 29:39

Uhaane ekememe kilala zing'inga zia mugamba, ni ikindi ukihaane hamugorova.

Kutwula 29:41

Uhaane ekememe chakaviri hamugorova harara ni kihanwa kilala chere chu vusie, amaguta ga muzeituni ni iwaini kuli ikibimu cha hamugamba. Yiki ni kihanwa chi chukulia ku inzi Yahova, kigira umwayu gwacho nu mulahi ligali ku inzi.

Kutwula 30:24

kandi zikilo sita zie ikida ziosi ziabimwa kolondekana nikibimu chavugilirwa. Omeede ku zilita zine zia maguta ga muzeituni

Isaya 57:6

Muvuguraa magina materere kutura mu mugera yigwo nukugasigamira kuli avanyasaye. Muzukaa iwaini kugo kuli kihanwa nukugaleetera vihaanwa viu vuswage. Muganaganaa nyanzizangwa ni vindu yivi viosi?

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Ezekieli 4:11

Amazi ga unwa ku lidiku lilala galagerwa kandi vikombe viviri vuzwa.

Ezekieli 45:17

Gulava muyinzi gwu mwamihi kuhaana vihaanwa viu kusambwa, vihaanwa viu vuswage kandi vihaanwa vie iwaini ku ihiiri yoosi ya Isiraeli ku ing'inga ya masavo gu Mweli Muhia, Lisabato kandi masavo gandi. Kandi alahaana vihaanwa viu vwoni, vihaanwa viu vuswage, vihaanwa viu kusambwa, kandi vihaanwa vie mirembe kunangwa vandu va Isiraeli vaduuki kusamifwa uvwoni vwavo.”

Ezekieli 45:24

Ku vuli igiriki kandi ligondi liahana kuli kisiuviriru, gamudukira kandi ahaane zikiloguramu 17 ninusu ziu vuswage kandi zilita 3 zia maguta.

Ezekieli 46:11

Ku madiku gi lilia kandi aha masavo, isadaka yu vuswage ilava zikiloguramu 17 ninusu nigiriki anoho ligondi limigu nivimeme via magondi vinyingi kuli anyala. Maguta zilita zivaga kuduuka gahaanwe nisadaka yu vuswage kuli yiyi.

Ezekieli 46:14

Kandi isadaka yuvusie zikilo 2 kuduuka ihaanwe vuli mugamba, harara na maguta ilita indala yu kuzuganyira muvusie. Malago kigira kuhaana ku inzi galadinyilizwa kazozo.

Ezekieli 46:5

Ku vuli ligondi limigu gamuduukira aleete isadaka yu vuswage zikiloguramu 17 ninusu. Vuli kememe chi ligondi anyala koleta ivinyingi kuli yinyaliza. Ku vuli isadaka yuvuswage gamuduukira aleete zilita 3 zia maguta ga muzeituni.

Ezekieli 46:7

Ku vuli igiriki kandi ku vuli ligondi limigu isadaka yu vuswage ilava zikiloguramu 7 ninusu, kandi ku vuli kememe chiligondi isadaka yuvuswage ilava inyingi kuli yinyaliza. Ku vuli isadaka yu vuswage, maguta gamuzeituni zilita 3 galahaanwa.

Hosea 9:4

Si mulaleeta vihaanwa vie iwaini ku Yahova mba, kandi si mulamuyaanziza ni visiuviliru vienyu mba. Viukulia vienyu vilava kuli via yavo avasioma, kandi vosi avaalia ku viukulia yivi valoneka. Viukulia yivi vilava kigira inzara yaavo aveene, si valavileeta mu Litembeli lia Yahova mba.

Joeli 1:13

Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.

Joeli 1:9

Sieveeyeho ni isadaka yu vuswage anoho yi iwaini yukuhaana mu Litembeli mba; avasaalisi vasioma kigira vavura zisadaka ziukuhaana ku Yahova.

Joeli 2:14

Nimutia Yahova Nyasaye winyu alagirung'anyia zing'anagani zizie na amugasizi nivitagwa vinyingi. Kunangwa mulava nu vuswage ni iwaini yukuhaana isadaka kuye.

Kyavalevi 23:13

Harara nacho, mulaleeta zikilo ziviri ziu vusie vuzuganyiywi mu maguta ga muzeituni kuli kihanwa chichukulia kifunyaa mwayu. Mulaleeta kandi harara navwo, iliita indala yi waini.

Kyavalevi 6:13

Kuduuka muliru yigwo guzizagiliri kwaduka ku uvwali kazozo vugira kusima.

Livalidza 15:24

kandi niiva yaga galakolwa vugira vandu kumanya, maku valahaana igiriki esoleri eve kuli kihanwa chu kusambwa, keveeye ni lifwunya liu mwayu mulahi guyaanzizaa Yahova. Mulahaana harara ni kihanwa chu vuswage kandi kihanwa chiwaini. Komeedaku, mulahaana kandi imburi ekole eve kuli kihanwa chu vwoni.

Livalidza 15:7

harara ni lita ndala ninusu yiwaini. Lifunya liu mwayu mulahi gwi vihaanwa yivi liyaanziza Yahova.

Livalidza 28:10

Kihanwa yiki chukusambwa chenyeka kuhaanwa vuli lidiku lie Lisabato komeeda ku kihanwa cha vuli lidiku harara ni kihanwa chiwaini.

Livalidza 28:24

Munzira ndala nzere, ku madiku saba, mulahaana ku Yahova kihanwa che viukulia kifunyaa mwayu gwu kumuyanziza. Vahane kihanwa yiki komeeda ku kihanwa chiu kusambwa cha vuli lidiku harara ni kihanwa chiwaini.

Livalidza 28:5

vuli kilala harara ne kihanwa chu vusie vwu vuswage kiloguramu indala vuzuganyiywimu na maguta malahi muzeituni lita ndala.

Livalidza 29:16

Kandi muhaane imburi ekole indala kuli kihanwa chu vwoni. Muhaane yivi komeeda ku vihaanwa viu kusambwa harara nivihaanwa viu vuswage kandi vihaanwa vie iwaini via vuli lidiku.

Livalidza 4:16

Elieza muyaayi wa Haruni musaalisi, alalinda maguta gu muzitaya, vifunya mwayu, kihanwa chu vuswage, maguta gu kuvaka ga kazozo, harara ni viju vindi viosi viveeye mu Lihema litakatifu lia Yahova.

Kwidzulitsa 32:38

Mwavalihiza zitinya zie visiuviliru vienyu, kandi nimuvaha iwaini vanwi? Leki vaze, vamukonye kalunu! Leki vanyaguli zimbiru kumukonya.

Vafilipi 2:17

Hawundi amasahi gi livamwoyo liange gaduukanaa gasundulwi kuli kihanwa ku kisiuviriru chi lisuuvira lienyu lihaana ku Nyasaye. Niiva gaveeye ndio, inzi nyanza, kandi sangala harara ni munyi mwosi.