Kutwula 29:2 - KITABU KITAKATIFU

² Tumikira uvusie vulahi vwi ingano, uvutaveeye na mamera, olombe umugadi kandi zikeki izizuganyiywi mu amaguta, izindi zitaveeye mu na maguta na nizindi uzilombe kuli ivisukuti ivivakiywi ku amaguta.

Kutwula 29:2 Iomraidhean Croise

Kutwula 12:8

Vudiku yivwo, zinyama kuduuka zisambwe, maziliivwi ni zinguza zinduru kandi nu mugadi gutaveeye mu na mamera.

Kutwula 29:23

Uvuguli umugadi gwa vuli lugano kutura mu kikabo chu mugadi gumali kuhaanwa ku inzi: mulala ogolombeywi na maguta ga muzeituni, nu gundi golombeywi vugira amaguta, kandi ikisikuti kilala.

Kutwula 29:3

Uviviiki mu kikabo ma uvihaane ku inzi harara ni igiriki na magondi mamigu gaviri lwa uhaana visiuviliru yivi.

Kyavalevi 2:15

Ulameeda ku maguta ga muzeituni kandi kimuli.

Kyavalevi 6:13

Kuduuka muliru yigwo guzizagiliri kwaduka ku uvwali kazozo vugira kusima.

Kyavalevi 7:10

Navuzwa vihaanwa viosi viuvuswage vitadekeywi, niviva ni viazuganywa mu maguta anoho vusie vwumu viveeye via avasaalisi vinyumba ya Haruni; na gaduukanaa vavigavulane keleng'ani.

Kyavalevi 7:12

Niiva mundu alahaana kihanwa yiki kuli kihanwa chi lisandiza ku Nyasaye, hene yaho, alahaana harara nu mutugu guhaanwa, kuli kisiuviriru mugadi gutaveeye mu na mamera uguzuganyiywi mu na maguta ga muzeituni, visikuti vivakiywi maguta ga muzeituni, anoho viabati vitaveeye mu namamera vivakiywi maguta ga muzeituni, anoho zikeki zialombwa ku vusie vunyuki zizuganyiywi mu namaguta ga muzeituni.

Kyavalevi 8:2

“Hila Haruni harara na vayaayi veve ha vwingiliru vwi Lihema liu kuvuganira mu na Yahova, na uvaleetaneri zinguvu ziavo ziu vusaalisi, amaguta gu kwivaka, kemoli kigiriki chi kihanwa chu uvwoni, magondi mamigu gaviri, ni kihinda chuvuchima vutaveeye mu namamera.

Kyavalevi 8:26

Maku yavugula mugadi gutaveeye namamera, ugwali niguhaaniywi ku Yahova, ni imango yindi yalombwa na maguta, ni chabati kilala, naviviika ku zitinya ni kinama chu mukono mulungi.

Livalidza 6:15

Kandi alahaana kihinda chu vukima vutali na mamera; uvukima vwu vusie uvunyuki vwazuganywa amaguta, visikuti viavakwa maguta, kandi kihanwa chu vuswage ni iwaini.

Livalidza 6:19

Maku, kinama chimbiri chi ligondi nichakahia, musaalisi alakivugula ma akiviiki harara nu mugadi gutaveeyemu na mamera, ni kisikuti kilala kutura mu kihinda ma akiviiki mu makono gu Munaziriti oyo.

1 Vakorintho 5:7

Kuduuka mutulizi amamera makuulu gu vwoni, kunangwa muduuki kuva lihumbi lihia litaveeye na mamera kuli munyi muvezaa. Kristo mwene, mwana wi ligondi wi Lipasaka lietu, umali kuhaanwa kuli kisiuviriru kigira kunyi.