Kutwula 29:18 - KITABU KITAKATIFU

¹⁸ Usambiri iligondi yili ku vwali kuli ikihaanwa chukusambwa. Umwayu gwi kihanwa yiki gunyaanzizaa.

Kutwula 29:18 Iomraidhean Croise

Litanga 22:13

Aburahamu yahenza muzimbega ziosi kandi yalora ligondi likore niligumiliywi muvulimu nizinziga zialio. Yazia naalivugura kandi nalihaana kuli kihanwa chu kusambwa muvogono vwu muyaayi weve.

Litanga 22:2

Nyasaye yavoola, “Uvuguli muyaayi woovo weng'ine Isaka, uwa wayanza ligali, kandi uzie mukivala cha Moria. Ivi ulamuhaana wene yira ku kiguru cha inzi manya ngumanyie kuli kisiuviriru ku inzi.”

Litanga 22:7

Isaka yavoola, “Baba!” Yativura, “Yee muyaayi wange?” Isaka yateva, “Inzi ndolaa ndi oveeye namanda kandi niziingu, navuzwa kememe chi ligondi keveeye haliha chukwita kigira kisiuviriru?”

Litanga 8:20

Nuhu yumbakira Yahova uvwali. Yavugula inyama indala inifu ku vuli zinyama ziosi, kandi linyonyi lilala lilahi ku vuli amanyonyi goosi, ma nasambira ku vwali kuli kihanwa ku Yahova.

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

1 Avami 18:38

Yahova yaleeta muliru ni gusambaa kisiuviriru, zingu, magina, gwuminya malova kandi gukaminyaa mazi mu mumitalo.

1 Avami 3:4

Ku ing'inga ndala, mwami Solomoni yazia Gibeoni kuhaana visiuviliru kigira yaho niho hu vwali vonene kuvita vwosi vwukusigamira vifananyi. Yaali nahaani zimia ni zimia zie visiuviliru hene yaho maziambiri.

Zaburi 50:8

Inzi si ndamugondokera kigira visiuviliru vienyu, kinga vihaanwa vienyu viu kusambwa via muletaa imbiri wange kazozo mba,

Kutwula 29:17

Ukalanyie ligondi yilio mu vidonye; wogizi ivindu viu munda harara ni vilenge vienyima, ma uviviiki ku mutwi ni vidonye vindi.

Kutwula 29:25

Maku uvivuguli kutura mu makono gaavo na uvisambiri ku vwali, igulu wi kihanwa chu kusambwa, kuva kuli kihanwa chu chukulia ku inzi. Mwayu gwi kihanwa yiki goveeye liyaanziza ku inzi.

Isaya 1:11

Avoora, “Muganaganaa nyenya visiuviliru yivi viosi via muzizagiliraa kuhaana ku inzi? Mali konyoora kuvita kegelo magondi ga musambaa kuli visiuviliru, kandi gi zinyama zing'omeru ligali. Nduhiziywi na masahi gi zigiriki, magondi kandi ni zimburi.

Jeremia 6:20

Simbugilira ku kimuli chamundetera kutura Sheba anoho ivindu vifunya umwayu kutura mukivala chihale mba? Sindavugilira zisadaka ziavo anoho sindayanzilira ivisiuviliru viavo mba.

Kyavalevi 1:17

Alaliatanyia hagati vugira kwavulanyia zimbaha. Musaalisi alalisambira liosi ku uvwali. Lifunya lie kihanwa chi chukulia yiki liveeye liu kuyaanziza Yahova ligali.

Kyavalevi 1:9

Kuduuka mwene kihanwa chu kusambwa yogize viumunda vyayo ni virenge vie inyima viayo na mazi. Musaalisi uva niyimiliyi muruka yigwo, alasaamba kisiuviriru choosi ku uvwali. Lifunya mwayu gwi kihanwa chu kusambwa choosi, keveeye chu kuyaanziza Yahova.

Kyavalevi 4:31

Alatuliza itinya yayo yoosi, kuli itinya yi vihaanwa vie mirembe. Alagisambira ku uvwali kunangwa lifunya mwayu gwayo guduuki kuyaanziza Yahova. Nandio, Musaalisi alahaana kisiuviriru kigira uvwoni vwu mundu uyu, kandi alasaamifwa.

Kyavalevi 8:21

Vindu viumunda, nivirenge ni yogiza namazi. Yasamba ligondi yilio liosi ku uvwali kuli Yahova yaali nalagi. Kihanwa chukusambwa yiki chaali chi chukulia kandi lifunya mwayu gwacho gwayaanzizaa Yahova.

Kyavalevi 9:24

Nonoho Yahova yatuma muliru kandi gwasamba kihanwa chukusambwa, ni zitinya ziali ku uvwali. Lwa vandu vosi vagolola, vahanzuka lwanga nivagwa hasi mamumama.

Marko 12:33

Kuduuka umundu ayaanze Nyasaye nu mwoyo gwigwe gwosi, ni zing'anagani zizie ziosi, ni zinguru zizie ziosi; kandi kuduuka ayaanze umutende weve kuli yiyanzaa mwene. Likuva yili liveeye ilinene kuvita kuhaana visiuviliru vindi viosi ku Nyasaye.”

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vafilipi 4:18

Yee, mali konyoora ivindu viosi viamumali kuhaana ku inzi, kandi ni ivinyingi kuvita lienya liange. Mali kuvinyoora kuvitira mu amakono ga Epafurodita. Vihaanwa yivi viveeye kuli kihanwa kifunyaa umwayu umulahi ku Nyasaye; kandi viveeye isadaka indahi ivugilirwa nu kuyaanziza Nyasaye.

1 Samweli 7:9

Samweli yita kememe chiligondi ma naakisaamba kigima kuli kisiuviriru ku Yahova. Maku yasaala ku Yahova akoonye Isiraeli, kandi Yahova yamutivulira lisaala lilie.