Kutwula 29:14 - KITABU KITAKATIFU

¹⁴ Navuzwa usambiri inyama yi igiriki, ekesero chayo, harara na mara gayo ichova wa hokososa. Yiki ni kihanwa chu kutuliza uvwoni vwa vasaalisi.

Kutwula 29:14 Iomraidhean Croise

2 Kyetsinyinga 29:24

Maku avasaalisi vita zimburi, nivavugura masahi gazio, nivuuha ku vwali, keve kihanwa chu kutuliza uvwoni vwosi vwa avandu va Isiraeli, kigira mwami yaali nalagi vihaanwa viukusamba ni vihaanwa viu vwoni vilomberwe Isiraeli yoosi.

Ezara 8:35

Avandu vosi avaari nivirani kutura mu vuhambe valeta vihaanwa viu kusambwa kuli visiuviliru ku Nyasaye wa Isiraeli. Vahaana zigiriki komi na mbiri kigira vandu va Isiraeli vosi, magondi makore tisaini na sita kandi vimeme sabwini na saba. Vahaana zimburi 12 kuva kuli kihanwa chu kwitakasa uvwoni vwavo. Yivi viosi viali vihaanwa viu kusambwa kuli kisiuviriru ku Yahova.

Kutwula 30:10

Haruni alakola muruka gwu kutakasa uvwali ku liviika ku zinziga zine, amasahi ginyama yahaanwa kuli kisiuviriru chu vwoni vuli lulala ku muhiga. Yiki kilakolwa vuli muhiga ku zing'inga ziosi ziza. Uvwali yivu vulava vutakatifu ligali, uvwatakaswa kigira inzi, Yahova.”

Ezekieli 43:21

Uvuguli igiriki ihaaniywi kuva kuli kisiuviriru chu vwoni, ma ugisambiri havundu hatovoleywi ichova wi Litembeli.

Kyavalevi 16:11

Lwa Haruni ava nasinzaa igiriki kuli kihanwa chu uvwoni vwivwe nuvwinyumba yeeye,

Kyavalevi 16:27

Igiriki ni imburi, viatumikirwa kigira kihanwa chu uvwoni, via masahi gavio galeetwa havundu Hatakatifu ligali kutuliza ho uvwoni, vilahirwa chova wa hokososa nu kusambwa. Kesero, inyama na mala vilasambwa.

Kyavalevi 16:3

Anyala kwingira havundu hatakatifu ligali, lwa ava niyakamara koleta kemoli kigiriki kuva kihanwa chu uvwoni ni lig'ondi limigu kuli kihanwa chukusambwa.”

Kyavalevi 4:21

Maku alahila vidonye vitigaye vie igiriki zana ichova wa hokososa na avisambiri yo, kuli asambaa igiriki ihaanwa kigira uvwoni vwivwe mwene. Yiki ni kisiuviriru chu kwogiza uvwoni vwa avandu.

Kyavalevi 4:25

Musaalisi aliina kedete chiche mumasaahi gi kihanwa chu vwoni nokugavaka ku zinziga ziu uvwali. Alasundula masahi gatigalaa ku vwaaliru vwu uvwali vwukusamba ku vihaanwa.

Kyavalevi 4:29

Alaviika mukono gwigwe mulungi ku mutwi gwi imburi zana, na alagisinzira kolovega lwi ivaale wu uvwali, hi mitugu ji vihaanwa viukusambwa visinzirwaa

Kyavalevi 4:3

Niiva nu Musaalisi Munene, uva naakori vwoni, nukuviika vandu mu vwoni, kuduuka ahaane kisiuviriru chi kemoli kigiriki kitaveeye niimbala kigira vwoni vwivwe ku Yahova kuli kihanwa chu vwoni.

Kyavalevi 4:32

Niiva mundu woosi alaleeta kememe chi ligondi kuli kihanwa chiche chu uvwoni, kuduuka keve kisuveni vugira imbara.

Kyavalevi 5:6

kandi mutungu kigira uvwoni vwivwe vwa yakola, kuduuka aleete ku Yahova kememe kisuveni chi ligondi anoho imburi kuli kihanwa chu uvwoni. Musaalisi alahaana kisiuviriru zana yicho kwogiza uvwoni vwu mundu oyo.

Kyavalevi 5:8

Alageleeta ku musaalisi, umanya ahaane linyonyi liu kutanga kuva kisiuviriru chu vwoni. Alalivotola ligoti vugira kutuliza ku mutwi.

Kyavalevi 6:25

volera Haruni harara na vayaayi veve ndi, yaga nigo malago ku vihaanwa viu vwoni: Inyama yi kihanwa chu uvwoni isinzirwi ivaale hi vihaanwa viukusambwa visinzirwaa. Yiki ni kihanwa kitakatifu ligali.

Kyavalevi 8:17

Yavugula igiriki yaatigara yoosi, harara ne kesero, inyama yayo, nivindu viumunda komeeda ku mala naavisambira ichova wa hokososa kuli Yahova yaali nalagi.

Kyavalevi 9:2

Yavolera Haruni, “Vugula kemoli kigiriki vugira imbara kuva kihanwa chicho chu uvwoni kandi ligondi limigu vugira imbara kuva kihanwa chicho chu kusambwa, ma uvihaane imbiri wa Yahova.

Malaki 2:3

Ndakahaane mageri ku vana vienyu kandi ndakavake mu zimoni zienyu isingu yi mitugu ja muhaana kuli visiuviliru. Mulahilwa kutura imbiri wange nukuhirwa ku isiina.

Livalidza 19:5

Kemoli kigima, harara ne kesero, inyama, masahi, nivyomunda visambwi imbiri wu musaalisi.

Livalidza 7:16

Yahaana kandi imburi ekole eve kuli vihaanwa chu vwoni,