Kutwula 28:41 - KITABU KITAKATIFU

⁴¹ Uviiki zinguvu yizi ziosi ku Haruni amwavo woovo na vayaayi veve. Maku uviiki makono kuvo kandi uvaviiki halovega ku livavaka maguta ga muzeituni; kunangwa vaduuki kundumikira kuli avasaalisi.

Kutwula 28:41 Iomraidhean Croise

Kutwula 28:1

“Ulage amwavo woovo Haruni harara na avana veve, Nadabu, Abihu, Elieza na Izamara. Uvavukanyie kutura ku avandu va Isiraeli kunangwa vaduuki kundumikira kuli avasaalisi.

Kutwula 28:4

Uvavoolere valombe isalamba, kisibaho, chumusaalisi iganza, lisadi lianavirwa mu amangirinya, kelemba, kandi musibi. Gavadukiraa valombere amwavo woovo Haruni zinguvu ziuvusalisi harara na avayaayi veve, kunangwa vave avanyala kundumikira kuli avasaalisi.

Kutwula 29:24

Uviiki iviukulia yivi viosi mu makono ga Haruni na vayaayi veve, kandi uvavoolere vaviviki halovega kuva ikihaanwa lehagimwa.

Kutwula 29:35

“Okole miruka ju kutakasa Haruni na vayaayi veve ku madiku saba kuli mali kukulaga.

Kutwula 29:7

Maku uvuguli amaguta gu kuvaka, uzuki ku mutwi gwigwe, ma umuvake.

Kutwula 29:9

imisibi mu visindi viavo kandi zikofia ku mitwi jaavo. Nindio gakuduukiraa uviiki utakase Haruni na vayaayi veve. Yavo harara ni visukululwi viavo valandumikira kuli avasaalisi mihiga ni mihiga.

Kutwula 30:35

Uvitumikiri kolomba kimuli kizuganyiywi mu maguta gafunyaa mwayu. Omeede ku ijumbi kugilinda eve indahi kandi indakatifu.

Kutwula 40:13

uviiki Haruni zinguvu ziuvusalisi na umuvake amaguta, na munzira yiyi umutakase aduuki kundumikira kuli musaalisi.

Kutwula 40:15

Maku uvavake amaguta kuli wavaka baba wavo, kunangwa vaduuki kundumikira kuli avasaalisi. Livaka maguta yili lilavakola vave avasaalisi mihiga ni mihiga, muvisukululwi viavo viosi.”

Isaya 10:27

Lwa ing'inga yeyo iduuka, ndamuvoholora kutura ku zinguru zia vandu va Siria, na iniira yaavo silava nuvuliduhu ku mavega ginyu mba.”

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Ezekieli 43:26

Ku madiku saba avasaalisi valatakasa uvwali, nukuvokola kuva uvwetegeku kutumikirwa.

Kyavalevi 10:7

Mutatuli mu vwingiliru vwi Lihema liukuvuganira mu na Yahova mba, gase mulakuza; kigira mwatakaswa lwa mwavakwa maguta ga Yahova.” Kunangwa vaakora kuli Musa yavoola.

Kyavalevi 16:24

Kuduuka yisingiri havundu hatakatifu, ma yiviiki zinguvu zizie mwene. Inyima wa yaga, alatula kuzia ichova kuhaana kihanwa chukusambwa kutulizaho uvwoni vwivwe kandi uvwoni vwa avandu.

Livalidza 16:5

kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali.

Livalidza 3:3

Yaga na mita gavayaayi va Haruni, avavakwa maguta, nukuviikilwaku amakono kutumika kuli avasaalisi.

Yohana 3:34

Uyu wa Nyasaye yatuma amolomaa amakuva ga Nyasaye, kigira Nyasaye amuhezaa uvudukiru vwa Roho weve vugira kegero.

Vahebraina 5:4

Sihaveeyeho nu mundu wivuguliraa umwene luyali lwu kuva musaalisi munene mba. Samulala gamudukira Nyasaye amutovole kuli yatovola Haruni.

Vahebraina 7:28

Lilaga lia Musa litovolaa avandu vataveeye vadukanu kuva avasaalisi vanene; navuzwa lisuuvirizwa lia Nyasaye lia yakola kuliesuuha, liaza inyima wi Lilaga, limali kotovola Mwana, umali kokolwa muduukiru mihiga ni mihiga.

1 Yohana 2:20

Navuzwa munyi mumali konyoora Roho Mutakatifu watura ku Kristo, na mwosi mumanya agiligali.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.