Kutwula 28:36 - KITABU KITAKATIFU

³⁶ “Olombe kibale chi isahani kutura ku izahabu indahi kandi uvake kuyo eve, kuli muhuri, ‘Iviikiywi halovega kulwu vutumiki vwa Yahova.’

Kutwula 28:36 Iomraidhean Croise

1 Kyetsinyinga 23:13

Muyaayi weve munene, yivula Haruni na Musa. Haruni ni visukululwi vivie vaviikwa halovega kutakasa viju vitakatifu viosi, kuhaana vihaanwa vie imuli ku Yahova, kumutumikira kandi kulandiza uvugasu ku vandu mu lieta lilie mihiga ni mihiga.

Zaburi 93:5

O, Yahova, malago googo gahindiraa mihiga ni mihiga, kandi Litembeli liilio liveeye litakatifu ligali mihiga ni mihiga.

Kutwula 19:6

avandu vaveeye avatakatifu vange, na mulandumikira kuli avasaalisi.”

Kutwula 28:11

Wenye musiza wilimanya kuvaaza magina guvuguli kong'oda amita ga vayaayi va Yakobo ma ugaviiki mu vivohero viezahabu.

Kutwula 28:35

Kuduuka Haruni yiviiki iganza yiyi lwava natumikaa kuli musaalisi. Lwa yaza imbiri wange Havundu Hatakatifu, anoho lwa atulaa ho, zigengere zilakuba na sialiitwa mba.

Kutwula 28:37

Ovohe imbiri we kelemba numugoye gwi irangi ya bulu.

Kutwula 28:9

Uvuguli magina gaviri malahi ma ong'ode ku amita likomi na gaviri ga vana va Yakobo,

Kutwula 29:6

Umuviiki ekelemba, ma ovohe kucho ikimanyiru kitakatifu keng'odeywi ku amang'oda gavoora, ‘Umali kutakaswa kigira vutumiki vwa Yahova.’

Kutwula 39:27

Valombera Haruni na vayaayi veve amasadi amalahi gikatani ganavwa vulahi,

Kutwula 39:30

Valomba isahani, itaji indakatifu kutura ku izahabu indahi, ni vang'oda ku amang'oda kuli gu muhuri, “Mutakatifu ku Yahova.”

Kutwula 39:31

Maku vavoha ku mugoye gwa bulu kuhambanyia kukelemba kuli Yahova yalaga Musa.

Isaya 23:18

Likiranyia liu vutugi vwalio, vulatakaswa ku vutumiki vwa Yahova; uvutugi yivu si vulavikwa mukedeera mba, navuzwa vulatumika ku yavo avasigamiraa Yahova, kunangwa vaduuki konyoora viukulia kandi lieviika zinguvu kolondekana ni lienya liavo.

Ezekieli 43:12

Yili ni lilago lie Litembeli: Havundu hi Litembeli yili, kosonga yi kiguru, halava Hatakatifu.”

Kyavalevi 10:3

Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Kyavalevi 19:2

avolere avandu vosi va Isiraeli, “Muve avatakatifu kigira Inzi, Yahova Nyasaye winyu, mbeeye Mutakatifu.

Kyavalevi 8:9

Yamuvika kelemba ku mutwi gwigwe, kandi imbiri wacho yavika ku mangirinya gi izahabu, eve kelolero kimanyia ligasizwa litakatifu; kuli Yahova yalaga Musa.

Zekaria 14:20

Ing'inga yeyo, kali zigengere zie lijamu lie zibarasi zilakang'odwe ku mang'oda yaga, “CHATAKASWA KU YAHOVA”. Zinyingu zio kodekera mu Litembeli zilakave zindakatifu kuli viju viveeye imbiri wu vwali.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.