Kutwula 28:2 - KITABU KITAKATIFU

² Lombera Haruni, amwavo woovo zinguvu ziu vusaalisi aduuki kololeka wuvukumi kandi mulahi.

Kutwula 28:2 Iomraidhean Croise

Ayubu 40:10

Niiva nindio, singira mu luyali kandi lizominywa liilio. Wiviki umwene vonene kandi vukumi.

Zaburi 132:16

Ndagasiza avasaalisi valio mu viosi via vakora, kandi avandu valio valimba nukukuba isango kigira uvusangari.

Zaburi 132:9

Leka avasaalisi vovo vakole agaveeye malungi kazozo; leka avandu vovo vakubi isango kigira uvusangari!

Zaburi 149:4

Yahova ayaanzizwa na vandu veve. Ahaanaa uluyali ku vahocha kigira liguuta liavo.

Zaburi 96:6

Uvukumi novonene nuluyali vimukumbirizaa; kandi zinguru nuvulahi vizuyi Litembeli lilie litakatifu.

Kutwula 28:40

“Olombere avana va Haruni masadi, misibi kandi zikofia vaduuki konyoora vukumi kandi valoreke vulahi.

Kutwula 29:28

Yili lilaga liange litagirung'ana mba, lwa vandu vange vahaana kihanwa chimirembe, inyama yi kididiimo harara ni kinama viveeye via vasaalisi. Yiki ni kihanwa cha vandu ku inzi, Yahova.

Kutwula 31:10

zinguvu zindahi ligali ziuvusalisi, zinguvu zindakatifu zia Haruni, na vayaayi veve kutumikira lwa vatumika kuli avasaalisi,

Kutwula 40:13

uviiki Haruni zinguvu ziuvusalisi na umuvake amaguta, na munzira yiyi umutakase aduuki kundumikira kuli musaalisi.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 52:1

Avandu va Jerusalemi, muve nizinguru zinene kandi! Lidaala litakatifu lia Nyasaye, mwiviki munyi aveene vukumi! Avandu vatamanyi Nyasaye, sivalingira mu virivwa vivio kandi mba.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Kyavalevi 8:30

Musa yavugula malala ku maguta gukutakasa kandi ku masahi kutura ku uvwali naaguha ku Haruni nokuzinguvu zizie kandi ku vayaayi veve nokuzinguvu ziavo. Munzira yiyi, yatakasa Haruni harara na vayaayi veve kandi ni zinguvu ziavo.

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Vagalatia 3:27

Munyi vosi avabatizwa mu lihambanywa harara na Kristo, kandi mumali kuva kuli Kristo mwene.

Vahebraina 2:9

Navuzwa kololaa Yeso, wakolwa kuva mukekeeke ku zingelosi ku ing'inga engekeeke, kunangwa kuvitira mu zimbavasi zia Nyasaye, aduuki kukuzira avandu vosi. Kumulolaa kalunu naavikiywi itaji yu vukumi kandi yuluyali kigira uvusaliri vwi likuza lilie.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

2 Petro 1:17

Kwaali ho lwa yanyoora uluyali nu vukumi ku Nyasaye Baba. Lwa mwoyo gwaaza kuye kutura mu vukumi ovonene nigovoora, “Uyu niyie umwana wange umuyanze wange, unyanzizaa!”

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

Likunula 19:8

Aheveywi zinguvu zindavu kwivika ziveeye vikolwa vilungi via vandu va Nyasaye.”

Likunula 5:10

Ivi umali kuvakola vave vami kandi avasaalisi kutumikira Nyasaye wiitu, kandi valamiha ku lirova.”