Kutwula 27:21 - KITABU KITAKATIFU

²¹ Haruni na vayaayi veve valahambiza itaya mu Lihema liukuvuganira mu ichova winguvu yukukinga eveeye imbiri wi lisandugu lie lilagana. Ahene yaho, imbiri wange iladuuka kutura hamugorova kuduuka mugambazuri. Lilaga yili lilakolwa na avandu va Isiraeli nivisukululwi viavo mihiga ni mihiga.

Kutwula 27:21 Iomraidhean Croise

Litanga 1:5

Yagulika uvulavu “Mbasu” na kisundi yakigulika “Vudiku.” Mugolova gwa duuka kandi mugamba gwa duuka. Yili liali lidiku liu kutanga.

Litanga 1:8

Yagulika uvwerefu, “Ligulu.” Mugolova gwaduuka kandi mugamba gwaduuka. Yili liali lidiku lia kaviri.

2 Kyetsinyinga 13:11

Vuli mugambazuri na mugolova vamuhaaniraa visiuviliru viukusambwa vigima kandi vamuvuuyizira vimuli vifunya mwayu. Vamuhaaniraa vihaanwa viu mugadi mutakatifu komesa yi zahabu iyatakaswa ku miruka, na vuli mugolova vahambizaa zitaya ku vinara vie izahabu. Kunyi kokoraa aga Yahova Nyasaye wiitu amali kulaga, navuzwa munyi mwamuleka.

Zaburi 134:1

Hambi, mwizominye Yahova, munyi avatumikiri veve, vosi avatumikaa mu Litembeli lilie muvudiku.

Kutwula 12:14

Lidiku yili lilava kuli liukwizuliza ku munyi; Gamudukira muligumili live kuli lidiku lie Lisavo ku Yahova. Mulalilinda kuli lilago mihiga ni mihiga.”

Kutwula 16:34

Kuli Yahova yalaga Musa, Haruni yagiviika imbiri wilisandugu lia malago, ku iduuki kuvikwa.

Kutwula 25:16

Maku ulavika amagina gaviri ga malago gandikuha mulisandugu.

Kutwula 28:43

Haruni na vayaayi veve kuduuka viviiki zisuruhali yizi kazozo lwa vazizaa mu Lihema liu kuvuganira mu, anoho lwa visunda ahimbi ku vwali kutumika kuli avasaalisi Havundu Hatakatifu, kunangwa vavuli kwitwa kigira kuva ni chahonyo. Yili liveeye lilago liukuhindira ku Haruni kandi visukululwi vivie.

Kutwula 29:28

Yili lilaga liange litagirung'ana mba, lwa vandu vange vahaana kihanwa chimirembe, inyama yi kididiimo harara ni kinama viveeye via vasaalisi. Yiki ni kihanwa cha vandu ku inzi, Yahova.

Kutwula 29:42

Ing'inga yoosi yiza, kihanwa chukusamba yiki kuduuka kihaanwi vuli kazozo ha vwingiliru vwi Lihema Liukuvuganira mu. Hene yaho niho hukwaaganira na vandu vange kandi komoloma ku ivi.

Kutwula 29:44

Ndalomba Lihema liukuvuganiramu nu vwali kuva hatakatifu, na ndaviika Haruni na vayaayi veve halovega kundumikira kuli avasaalisi.

Kutwula 30:21

Kuduuka visave amakono gaavo nivirenge, kunangwa vavuli kukuza. Yili nililago liavo harara ni visukululwi viavo vaduukana valonde mihiga ni mihiga.”

Kutwula 30:36

Uvuguli kedonye kucho usie kigwi epoda indahi, ugihili mu Lihema liukuvuganira mu, kandi wuhi imbiri wi Lisandugu lie lilagana. Okole kimuli yiki keve kitakatifu ligali.

Kutwula 30:8

Kuduuka akole malala mere lwa ahambizaa zitaya hamugorova. Lihaana kimuli yili kuduuka lizizagiliri zing'inga ziosi ziza.

Kutwula 40:3

Viika mu Lisandugu lia malago iliveeye mu na malago likomi, kandi uviiki mu isuuka yu kukinga imbiri walio.

Kyavalevi 10:9

“Utanwa iwaini anoho choosi chukuhambikiza ivi na vayaayi vovo, lwa muva nimwingira mu Lihema mba, gase mulakuza. Lilaga yili lidukanaa lilondwe mihiga ni mihiga, ni visukululwi vivio viosi.

Kyavalevi 16:34

Malago yaga galakolwa lulala vuli muhiga kutakasa avandu va Isiraeli kutura muvwoni vwavo vwosi. Kunangwa, Musa yakola kuli Yahova yamulaga.

Kyavalevi 17:7

Avandu va Isiraeli sivadukanaa vazizagiliri kuva vataveeye vasuuvirifu ku Yahova mba, ku lisinzira zinyama mu viguuti kuli vihaanwa nukuvihaana ku mademoni gi zimburi. Avandu va Isiraeli gavadukiraa valindi lilaga kuduuka ku makura gaaza.

Kyavalevi 23:14

Mutalia ku vuswage vuhia zana yivwo mba kali nivoveeye uvuvisi anoho uvukalangiywi kuva mugadi, kuduuka lwa mumala koleta kihanwa yiki ku Nyasaye winyu. Lilaga yili lilalondwa ni visukululwi vienyu viosi ku zing'inga ziza ziosi.

Kyavalevi 23:21

Ku lidiku yilio mutakoli miyinzi jinyu ja vuli lidiku kali mulala mba; navuzwa muvugane harara kigira lisigamira Yahova; Visukululwi vienyu vilalonda lilaga yili mihiga ni mihiga hoosi hamuva nivamenyi.

Kyavalevi 24:2

“Laga avandu va Isiraeli vakoleetere maguta ga mizeituni malahi kigira itaya eveeye mu Lihema, kunangwa iduuki kwaaka vugira kusima.

Kyavalevi 24:3

Vuli hamugorova, Haruni alazihambiza nukuzilomba ziake kuduuka vuchi imbiri Yahova ichova wi isuka yukukinga imbiri wi Lisandugu lie Lilagana, liveeye havundu ahatakatifu ligali. Lilaga yili lilalondwa muzing'inga ziosi izizaa ku visukululwi vienyu.

Kyavalevi 24:9

Migadi jiveeye ja Haruni ni visukululwi vivie, kandi valajilila havundu ahatakatifu, kigira yiki keveeye kedonye kitakatifu ligali chi chukulia chahaanwa ku Inzi Yahova kigira avasaalisi.”

Kyavalevi 3:17

Mundu wa Isiraeli woosi atalia ku itinya anoho masahi mba. Yili ni Lilago lia vandu va Isiraeli vosi vaduukana valindi madiku goosi havundu hoosi ha vava nivamenyi.

Kyavalevi 3:8

alaviika mukono gwigwe mulungi ku mutwi gwalio, ma alisinziri havwingiliru vwi Lihema liu kuvuganira mu na Yahova. Avasaalisi valuuha masahi galio kuzimbega zine ziosi ziuvwali

Kyavalevi 6:15

Musaalisi alavugula luhi lulala lwu vusie vunyuki vwi kihaana, na maguta, kandi kimuli choosi keveeye ku kihanwa chuvuswage, alakisambira ku vwali kuli kidieli chukwizuliza ndi choosi kihaaniywi ku Yahova. Lifunya lie kihanwa yiki lilayaanziza Yahova.

Kyavalevi 7:36

Ku lidiku lia vavakwa maguta, Yahova yalaga avandu va Isiraeli vahane ku avasaalisi kuli kidieli chavo cha vuli kazozo mu visukululwi viavo viosi.

Malaki 2:7

Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

Livalidza 18:23

Kutura kalunu nu kuzizagilira ihiiri ya Levi valalinda Lihema kandi valalinda miyinzi jalio. Yaga na malago gamiihaa kuivi kazozo harara nivisukululwi vivio. Ihiiri ya Levi si ilava ni miandu jaavo ja kazozo mu kivala cha isiraeli mba.”

Livalidza 18:5

Ivi na vayaayi vovo venyine gamuduukira mutwekizi uvutumiki vwa havundu Hatakatifu kandi ku vwali kunangwa vutima vwange vuvuli kwirana ku vandu va Isiraeli.

Livalidza 19:21

Gamuduukira mulindi malago mu zing'inga ziza. Mundu wuhaa mazi gu kwitakasa gamuduukira afuuyi zinguvu zizie, na uyu udiira ku mazi yaga alava mudamanu kuduuka ha mugolova.

Livalidza 35:29

Malago yaga gaveeye kumunyi kandi kuvisukululwi vienyu hoosi hamuva nimumenya.

Livalidza 8:9

Maku uvuganyie avandu vosi va isiraeli na oleete ihiiri ya Levi yoosi isingili imbiri wi Lihema liange liukwaganiramu.

Matayo 4:16

Avandu vaali nivamenya mu kisundi valoli uvulavu vonene. Kandi yavo avaamenyaa mu kivala chi chiriri chi likuza, uvulavu vong'ereng'ani kuvo!”

Luka 12:35

“Mwetegeke ku choosi kinyala kutulira mu vutumiki, kandi mulombe zitaya zienyu ziake.

Yohana 5:35

Yohana yaali kuli itaya yaduuka kandi eng'ereng'anaa, na munyi ku ing'inga ngekeeke mwavugilira kusangalira uvulavu vwivwe.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

2 Petro 1:19

Kunangwa koveeye ni lisuuvira ligali na makuva galandizwa na vaporofeti. Mulakola vulahi niiva mulagahuliriza, kigira gaveeye kuli itaya yaka mu kisundi kuduuka lwa vuchezaa, nu vulavu vwe eng'ereng'ani ya mugamba yaka mumioyo jinyu.

Likunula 2:1

“Ng'odera engelosi wi likanisa lia Efeso: Yaga nigo amakuva ga uyu ugumiyi zing'ereng'ani saba mu mukono gwigwe umulungi kandi ogendaa hagati hi ivinaara vie zitaya saba, vie izahabu avoora.

1 Samweli 3:3

Samweli yaali naagonaa hatakatifu; aha Lisandugu litakatifu lie Lilagana lia Nyasaye liali. Ni vukikiri kucha, itaya nichakaa,

1 Samweli 30:25

Daudi yalomba yili kuva lilago, kandi liamala kolondwa mu Isiraeli kutura ing'inga yeyo.