Kutwula 25:8 - KITABU KITAKATIFU

⁸ Kuduuka avandu vanombere lihema hatakatifu, kunduuki komenya hagati haavo.

Kutwula 25:8 Iomraidhean Croise

1 Avami 6:13

Ndamenya hagati ha vandu vange Isiraeli na sindavaleka kali hakuzu mba.”

1 Kyetsinyinga 22:19

Kalunu tumikira Yahova Nyasaye woovo nu mwoyo gugwo gwosi kandi na roho gugwo gwosi. Tanga iliumbaka Litembeli kunangwa ove unyala kuviika mu Lisandugu lie Lilagana lia Yahova, kandi viju vitakatifu vindi viosi ivitumikirwaa mu lisigamira Yahova.”

Kutwula 15:17

Ivi wavaleeta kandi wavaviika ku kiguru chicho, ha vundu ha ivi, O, Yahova, umali kotovola kuva hango hoho, litembeli lia ivi mwene umali kwumbaka.

Kutwula 15:2

Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe

Kutwula 29:45

Ndamenya hagati ha vandu vange Isiraeli, kandi ndava Nyasaye wavo.

Kutwula 29:46

Valamanya ndi, inzi mbeeye Yahova, Nyasaye wavo wavaleeta kutura mu kivala cha Egebeti kunangwa nduuki komenya hagati haavo. Inzi mbeeye Yahova Nyasaye wavo.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Ezekieli 37:28

Lwa ndakaviiki Litembeli liange wene yeyo kuva harara navo mihiga ni mihiga, maku zihiiri zilakamanye ndi, inzi Yahova mali kotovola vandu va Isiraeli kuva vandu vange.”

Ezekieli 43:7

yambolera, “Mwana wu Mundu, hano ni havundu he ndeve yange yu Vwami. Ndamenya havundu yaaha nu kwamiiha vandu vange Isiraeli mihiga ni mihiga. Avandu va Isiraeli, anoho avami vaavo si valonogonyia lieta liange litakatifu nu kusigamira avanyasaye anoho kuyavira miviri mikuzu ja vami vaavo havundu hano mba.

Kyavalevi 10:4

Musa yalanga Mishaeli na Elisafani, avayaayi va Uzieli, koza wa Haruni, navavoolera, “Hambi hano, mugiingi miviri mikuzu ja vasiala vinyu, vatuli mu Lihema litakatifu, muvahili ichova wa hokososa.”

Kyavalevi 21:12

Kandi sialatula ichova wi Lihema litakatifu liange, anoho kwonogonyia ahatakatifu hange mba. Kigira yaavikilwa ku makono kuvaka maguta gange. Inzi mbeeye Yahova.

Kyavalevi 26:11

Ndamenya hagati hinyu mu Lihema liange litakatifu, kandi sindagirung'ana kutura ku munyi mba.

Kyavalevi 4:6

Naye aliina kedete chiche mu masahi, nukuguuha haali saba imbiri wi inguvu yakinga hatakatifu huvutakatifu.

Zekaria 2:10

Yahova yavoola, “Mwimbi nu vusangali munyi avandu vamenyi mu Jerusalemi! Nziza komenya hagati hinyu!”

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Livalidza 5:3

Muvakungi vosi avakali na vasaza, vavuli kwonogonyia hokososa, hamenyi inzi hagati ha vandu vange.”

Vikolwa 7:44

“Avaguuga viitu vaali ni Lihema lio kololekiza kuva ho kwa Nyasaye mu changalangwi. Lialombwa kuli Nyasaye yalaga Musa alilombe, live kuli ichayamanywa.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Joshua 22:31

Finiasi muyaayi wu musaalisi Elieza yavoola, “Kalunu kumanya ndi Yahova aveeye nikunyi. Simwibaaye ku Yahova mba, nandio mumali kohonyia avandu va Isiraeli kutura ku mageri ga Yahova.”

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.