Kutwula 24:6 - KITABU KITAKATIFU

⁶ Musa yavugula inusu yamasaahi gimitugu naazuka muzibakuli; ninusu niyuha ku vwali.

Kutwula 24:6 Iomraidhean Croise

2 Avami 17:15

Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

Zaburi 99:6

Musa na Haruni vaali vasaalisi veve; kandi Samweli yaali mulala ku avasaalaa kuye. Vanira ku Yahova naye yavativulira.

Kutwula 12:22

Muvuguli kiganda cha amatu gu luvinu, muchini mubakuli eveeye mu na masahi ma muvake amasahi zana ku maliva gimiliango nukulubaho loveeye igulu wu muliango ogoveeye ku zinyumba zienyu. Mundu kali mulala kumunyi atatula munyumba yeeye mba kuduuka mugamba.

Kutwula 12:7

Avandu valavugula amasahi vavake ku maliva gi miliango kandi igulu wi miliango ji zinyumba mwavaliira zinyama.

Kutwula 24:8

Maku Musa yavugula masahi gaali kubakuli niyuha ku vandu navoora, “Yaga na masahi gahambanyia lilagana lia Yahova yalomba ni munyi lwa yahaana amalago yaga.”

Kutwula 29:16

Usinzi ligondi yili ma uvuguli amasahi galio wuhi ku zimbega ziosi ziu vwali.

Kutwula 29:20

Usinzi ligondi yili na uvuguli amasahi galio kugaviika kosonga yu gutu gwu mukono mulungi gwa Haruni na vayaayi veve, ku videte vinene via makono gaavo gu mukono mulungi kandi ku vino vinene vie virenge vilungi. Wuhi amasahi gatigaye ku zikona ziosi zine ziu vwali.

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Kyavalevi 1:11

Alachitira imbiri wa Yahova ko lovega lwa ivaale, wu uvwali. Musaalisi naye aluuha masahi gacho ku zimbega ziosi zine zikumberizaa uvwali.

Kyavalevi 1:5

Aliitira igiriki zana ahene yaho, na avasaalisi, avayaayi va Haruni, valahaana masahi ku Yahova na valaguuha ku zinduru ziosi zine ziuvwali, ovoveeye ha vwingiliru vwi Lihema.

Kyavalevi 3:2

Mundu zana alaviika mukono gwigwe mulungi ku mutwi gwi kihanwa chiche na alagisinzira ha vwingiliru vwi Lihema liu kuvuganira mu na Yahova. Kunangwa, avasaalisi, avayaayi va Haruni valuuha masahi gayo mu zimbega ziosi zine ziu uvwali.

Kyavalevi 3:8

alaviika mukono gwigwe mulungi ku mutwi gwalio, ma alisinziri havwingiliru vwi Lihema liu kuvuganira mu na Yahova. Avasaalisi valuuha masahi galio kuzimbega zine ziosi ziuvwali

Kyavalevi 4:6

Naye aliina kedete chiche mu masahi, nukuguuha haali saba imbiri wi inguvu yakinga hatakatifu huvutakatifu.

1 Vakorintho 11:25

Kandi ndio munzira ndala nzere, nivakamara lilia viukulia, yavugula kekombe navoora, “Yiki keveeye kekombe chi lilagana lihia lia Nyasaye mu masahi gange. Mukore ndi zing'inga ziosi lwa munwezaa kunzizuliza.”

Vakolosai 1:20

Kuvitira mu Mwana, Nyasaye yatovola koleta vilombe viosi viirane kuye umwene. Nyasaye yalomba mirembe kuvitira mu likuza lie sadaka yu Mwana weve ku musalaba; kandi ndio yaleeta vindu viosi ku lirova anoho mwigulu viirane kuye mwene.

Vahebraina 12:24

Mumali kuuza ku Yeso umuhambanyi wililagana lihia, kandi ku masahi guufa agasuuvirizaa vindu vilahi ligali kuvita masahi ga Habili.

Vahebraina 8:9

Lilagana yili si lilakave kuli lia ndalomba harara na vaguuga vaavo ku lidiku lia ndavavugura nu mukono gwange kandi nimbimilira vatuli mu kivala cha Egebeti. Sivali avasuuvirifu ku lia ndalomba navo mba, ninzi sindavakola vave kindu mba, ndavaleka; Mwami avoora.

Vahebraina 9:18

Kunangwa, lilagana liu kutanga siliali linyala kutwekizwa vugira masahi kusunduka mba.

Vahebraina 9:19

Kutanga Musa yalandizira avandu vosi malago goosi kuli galohizwa mu Lilaga. Maku navugura masahi gi zigiriki na gi zimburi, nagazuganyia harara na mazi, kandi naguuha ku kitabu chi Lilaga kandi niyuha ku vandu vosi, natumikira ameyo galombwa ku visara nuvwoya vwakanyu.

Vahebraina 9:21

Munzira ndala nzere yuuha masahi yago kandi ku Lihema Litakatifu kandi ku viju viosi vitumikaa mu Lisigamira Nyasaye.

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.