Kutwula 24:12 - KITABU KITAKATIFU

¹² Yahova yavolera Musa, “Hamba ku inzi ku kiguru, na lwa oveeye hano, ndakuha ivibaho viviri via magina iving'odeeywi ku amalago goosi agu kwigiza avandu.”

Kutwula 24:12 Iomraidhean Croise

1 Avami 19:11

Yahova yamuvolera, “Zia ichova na usingiri imbiri wange ku kiguru.” Maku Yahova yaavitira hazana yaho natuma kihuzuzi kenene chi zinguru chatandulanyia vigulu kandi nichatanyia zinyanda. Navuzwa Yahova siyaali mu kihuzuzi zana mba. Kihuzuzi chalekela kuhuuza, kandi lirova liadegera; navuzwa Yahova siyaali mu lidegera lie lirova mba.

Ezara 7:10

Ezara yihaana kosooma nokohenzeriza mu mang'oda gi lilaga lia Yahova, kugaviika mu vikolwa, kandi kwigiza malago galio goosi ku vandu va Isiraeli.

Nehemia 9:13

Ivi wiika kutura mwigulu ha kiguru cha Sinai; ivi wamoloma ku avandu vovo, kandi nuvaha malago malahi namigizu guvulamu agaveeye guvulungi kandi agiligali.

Nehemia 9:14

Ivi wavigiza kulinda lisabato liilio litakatifu limanyikane kuvo; kandi nuvaha malago, imiima namigizu kuvitira mu mutumikiri.

Zaburi 19:12

Si haali numulala unyala kolola mahiolo geege umwene; O, Yahova Ombonyie, kutura mu mahiolo giivisi!

Kutwula 19:3

Musa yanigira ku kiguru ukwagana na Nyasaye. Yahova yalanga Musa kutura mu kiguru namuvolera avolere avandu va Isiraeli visukululwi via Yakobo ndi:

Kutwula 24:15

Musa yanigira kukiguru cha Sinai, na lilesi lia kikunika.

Kutwula 24:18

Musa yazia yigulu ku kiguru niyingira mu malesi namenya yo madiku arubaini mbasu nu vudiku.

Kutwula 24:2

Ivi weng'ine, ulaaza ahimbi ku inzi. Avandu sivanyala kwanigira ku kiguru mba.”

Kutwula 31:18

Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.

Kutwula 32:1

Lwa avandu valora ndi Musa ulindagiyi kwika kutura mukigulu, vivungikiza himbi na Haruni, nivamuvoolera, “Sikumanyi ikimali kwekoleka ku mundu uyu Musa uwakwimilira kutura Egebeti mba; kunangwa okolombere umunyasaye unyala kukwimilira.”

Kutwula 34:1

Yahova yavolera Musa, “Vaza vibaho viviri via magina kuli viali viu kutanga, na ndang'oda kuvio amakuva gaali ku vibaho viu kutanga, via watanyia.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Matayo 5:19

Kunangwa, ku vosi ulivunaga lilago likekeeke ku goosi, nu kwigiza avandi vakole ndio, umwene oyo alakalangwe mukekeeke ligali mu Vwami vwu mwigulu. Navuzwa ku vosi uligakola nu kwigiza avandi, mwene oyo alakalangwe munene mu Vwami vwu mwigulu.

2 Vakorintho 3:3

Gaveeye havulavu ndi munyi muveeye va Kristo mwene yang'oda, yayaatuma kuvitira mu kunyi. Kristo siyageng'oda nu vwinu, navuzwa yageng'oda na Roho wa Nyasaye oveeye mwoyo. Siyageng'oda ku magina mavanze, navuzwa mu mioyo ja vandu.

2 Vakorintho 3:7

Lilaga liavazwa mu zinduguta ku vigaho via magina, vukumi vwa Nyasaye vwaloleka lwa liahaanwa. Kali niiva vong'ereng'anu vwu mumoni mwa Musa vwali nivogehaa, vwaloleka kuva vwizinyulu ligali, kali vandu va Isiraeli sivali vanyara kumwumika mba. Niiva Lilaga liletaa likuza liakazi nu vukumi kuli yivu, maku vukumi vwa Roho aletaa voveeye vonene ligali.

Kwidzulitsa 4:14

Yahova yandaga mwigizi amalago goosi agadukanaa muhuliri mu kivala cha muveeye ahimbi kwingira mucho nukwidikilamu.

Kwidzulitsa 5:22

“Yaga nigo malago ga Yahova yahaana ku munyi mwosi lwa mwavunga harara ha kiguru. Lwa yamoloma nu mwoyo munene kutura hagati hu muliru, kandi kutura mu malesi mamwamu namalitu, nikisundi kenene, yahaana malago yaga na siyameeda ku mba. Maku yagang'oda ku vibaho viviri via magina, ma niyamba.

Kwidzulitsa 5:31

Navuzwa ivi, Musa, utigale hano harara ninzi, na Inzi ndakuha malago gange goosi, namalagano. Wigizi avandu malago yaga kunangwa vaduuki kugalonda mu kivala cha mbahezaa.’

Vahebraina 9:4

Mu Lihema yimwo mwaali mu nuvwaali vwi zahabu vwu kusambira ku kimuli kandi mwaali mu ni Lisandugu lie Lilagana liakunikwa ni zahabu. Lisandugu yilio liali mu nijuba yizahabu nayo yaali mu nimaana, kandi ni imbimbu ya Haruni yasivuka amatu, ni Vibaho viamagina viviri via malago gang'odwa ku.