Kutwula 24:10 - KITABU KITAKATIFU

¹⁰ na valora Nyasaye wa Isiraeli. Isi wi virenge vivie haali ho nikindu chafwanana amagina gaalwa hasi gi kibiriti, gi langi ya bulu kandi enengeru kuli ligulu.

Kutwula 24:10 Iomraidhean Croise

Litanga 32:30

Yakobo yavoola, “Inzi mali kolola Nyasaye moni na moni, na kalunu ngikiri mwoyo.” Kunangwa yalanga havundu yaaha “Penieli.”

Litanga 32:31

Yakobo yatura Penieli liuva nilikiri kutura. Yagenda nasegera kigira ivazwa yeeye.

1 Avami 22:19

Mikaya yaazizagilira kovora, “Kalunu huliri cha Yahova avola! Ndoli Yahova niyikaye koendeve yeeye yu vwami mwigulu naveeye harara nizingelosi veve vosi nivasingiyi ku zimbega zizie ziombi;

2 Kyetsinyinga 6:17

Kunangwa kalunu, O, Yahova; Nyasaye wa Isiraeli, leka makuva goosi gaduuki kuduukizwa agawasuuviriza mutumikiri woovo Daudi.

Kutwula 24:11

Nyasaye siyasaliriza vimiliri va Isiraeli yava mba; valora Nyasaye, na valia nivanwa harara.

Kutwula 3:6

Inzi mbeeye Nyasaye wa avaguuga vinyu, Nyasaye wa Aburahamu, Isaka na Yakobo.” Kunangwa Musa yafuma mumoni mwimwe, kigira yatia kohenza Nyasaye.

Kutwula 33:20

Sindaleka olole mumoni mwange mba, kigira sihaveeye ho nu mundu unyala kondola ma ave mwoyo mba,

Kutwula 33:23

Maku ndatuliza ho mukono gwange, na ulalola mugongo mwange, navuzwa siulalola mumoni mwange mba.”

Lwimbu lwa Solomoni 5:14

Makono geege galombwa vulahi, kandi yiviika zibede zialombwa ku magina guvuguli Muviri gwigwe goveeye musweyeku kuli miinu geenzogu gavikwamu magina guvuguli.

Lwimbu lwa Solomoni 6:10

Nivwaha uyu ololekaa kuli mumavwevwe? Aveeye mulavu kuli mweli, kandi wovulavu kuli liuva, agendaa kuli muganda gwi liihi nebendera yaavo imbiri?

Lisyoma lya Jeremia 4:7

Aviimiliri va Jerusalemi vaali avanifu ligali kuvita likonza, kandi avalavu kuvita amaveere. Miviri jaavo jaali milamu ligali kandi jang'ereng'anaa kuvita amagina guvuguli vonene.

Ezekieli 1:1

Ku lidiku lia katano ku mweli gwa kane mu muhiga gwa salasini, Inzi Zacheli musaalisi, mwana wa Buzi, ndaamenya harara na Vayuda vahaminywa ahimbi nu mugera gwa Kebari mu kivala cha Babiloni. Ligulu liakunuluka, na ndaalora malola ga Nyasaye.

Ezekieli 10:1

Ndahenza igulu mu vwerefu, na ndaalora kindu kuli endeve yu vwami iyalombwa ni safiro neveeye igulu wi mitwi ja Vakerubi.

Danyeli 10:17

Mbeeye kuli mutugwa imbiri wu munene weve; nyalandi komoloma ku ivi? Zinguru ni mieka jange jifeye.”

Livalidza 12:8

Kunangwa inzi molomaa naye moni na moni, kandi vulahi ligali, na sigaveeye mu zing'ano mba; kali amali kolola liiva liange! Gaveeye ki munyi komonya mutumikiri wange Musa?”

Matayo 17:2

Nonoho Yeso yagirung'anywa ligondo imbiri wavo. Mumoni mwimwe mwaka kuli iliuva, kandi izinguvu zizie ziahemahema kuli uvulavu.

Yohana 1:18

Siaveeyeho nu mundu kali mulala uwalola Nyasaye mba. Mwana muderwa wa Nyasaye yeng'ine, oveeye ku kiritu cha Baba, umali kumuvuura.

Yohana 14:9

Yeso yamuvolera, “Filipo, menyi nimunyi zing'inga yizi ziosi, na ivi ukikiri kumanya? Uyu umali kolola inzi, aloli Baba. Kigira ki ovola ndi: ‘Kumanyie Baba?’

Yohana 6:46

Sihaveeye ho nu mundu uwalola Baba, natali uyu uturaa ku Nyasaye; uyu yenyine yalora Baba.

1 Yohana 4:12

Siaveeyeho nu mundu kali mulala walola Nyasaye. Navuzwa niiva kunyi kuyaanzana, Nyasaye amenyaa mu kunyi, kandi uvuyanzi vwivwe voveeye vuduukiru mu kunyi.

Likunula 1:16

Mu mukono gwigwe umulungi yaali ni zing'ereng'ani saba. Kivavi ichuugi izimbega ziombi chatula mu munwa gwigwe. Na mu moni mwimwe mwang'ereng'ana kuli liuva mbasu hagati.

Likunula 21:11

Liang'ereng'ana nu uvukumi vwa Nyasaye; lidaala liang'ereng'ana ovong'ereng'anu kuli vwi ligina lie Jasiperi, lilengeru ligali kuli igilasi.

Likunula 4:3

Mu moni mwimwe mwang'ereng'ana kuli ligina lia Jasiperi, na Karinelia. Kisaahi chi imbura chakumbiriza endeve yu uvwami chaali ni irangi yu uvulimu.