Kutwula 23:3 - KITABU KITAKATIFU

³ Utamanyia liyaanzilira ku mudaka mu liyaalwa lilie mba.

Kutwula 23:3 Iomraidhean Croise

Kutwula 23:6

“Utachaminya likalaga liu vulungi ku mudaka lwa aduukaa imbiri wi kiyaalo mba.

Tsing'ano 18:5

Sivoveeye vulahi kuyaanzilira mundu mudamanu nu kwigalira mundu utaveeye nimbala konyoora vulungi mba.

Tsing'ano 22:22

Utanula mudaka kigira aveeye mudaka mba, anoho utavadambiza mu kiyaalo mba.

Isaya 10:1

O, Vayaye kivi keveeye ku munyi! Munyi avalomba amalago kuva amachamu nu kudambiza avandu vange.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Amosi 5:12

Kigira inzi manyi kuli mahiolo ginyu gaveeye manyingi kandi manyi kuli uvwoni vwinyu voveeye vonene ligali. Munyi mudambiza avalungi nukuvugula viambeti; mwigaliranga avadaka vavuli konyoora likalaga lirungi liavo mu viyaalo.

Kwidzulitsa 1:17

Mutamanyia liyaanzilira lovega lulala mu likalaga lienyu mba. Mukalagiri mundu sa mulala keleng'ani; kali ave nivwaha, munene anoho mukekeeke. Mutatia mundu kali mulala mba, kigira likalaga lia muhaanaa litulaa ku Nyasaye. Niiva likuva liosi liveeye lidinyu kumunyi mulileete kuinzi, na ndalikalaga.’

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.